ܚܙܘܼܩܝܵܐ ܕܣܵܗܕܸܐ ܡܩܵܘܝܵـܢ̈ܐ
ܗܵܐ ܒܟܠ ܫܢ̄ܬـܐ ܘܕܟܼܵܪܵܐ ܚܲܕ̄ܬܐ
ܒܕܵܟܼܪܵܚ ܫܡܘܼܟܼ ܣܵܗܕܵܐ ܕܐܘܼܡܬܵـܐ
ܦܘܼܫ ܒܲܫܠܵܡܵܐ ܕܡܘܼܟܼ ܒܲܢܝܵܚܵܐ
ܝܵܐ ܕܒܼܝܼܚ ܢܲܦ̮ܫܵܐ ܣܵܗܕܵܐ ܫܒܼܝܼܚܵܐ؛؛
ܒܕܡܘܼܟܼ ܕܫܦܝܼܚܠܸܗ ܒܲܡܚܝܼܠܘܼܬܵܐ ܕܒܲܪܒܪܵܝܘܼܬܼܵܐ
ܦܪܝܼܣܠܸܗ ܠܨܸܡܚܵܐ ܦܬܝܼܚܠܹܗ ܫܒܼܝܼܠܵܐ ܕܫܲܪܝܼܪܘܼܬܵܐ؛؛
ܟܠܝܼܠܵܐ ܕܪܹܫܘܼܟܼ ܓܕܝܼܠܵܐ ܡܢ̄ ܨܸܡܚܵܐ
ܓܒܼܝܼܠܵܐ ܒܕܸܡܐ ܚܸܬܢܐ ܕܐܘܼܡܬܵܐ؛؛
ܐܸܕܝܘܼܡ ܐܝܼܠܹܗ ܝܘ̇ܡ ܟܘܼܠܵܠܘܼܟܼ
ܝܵܘܡܵܐ ܕܓܢܘܼܢܘܼܟܼ ܒܸܕ ܡܣܵܩܠܵܚܠܘܼܟܼ
ܒܥܸܛܪ̈ܐ ܕܒܸܣܡ̈ܐ ܒܗܲܢܝܼܐܘܼܬܼܵܐ؛؛
ܥܲܡܘܼܟܼ ܒܐܵܙܵܠ̄ܚܵ ܠܒܲܝܬܵܐ ܕܩܘܼܫܬܵـܐ
ܒܲܝܬܵܐ ܕܲܢܝܵܚܘܼܟܼ ܗ̇ܘ ܐ̄ܚܵܪܵܝܵܐ
ܒܝܼ ܗܘܼܠܵܠ̈ܐ ܥܲܡ ܣܘܼܓܼܝܵܬܼܵـܐ؛؛
ܓ̰ܢܵܢܵܐ ܕܢܸܫ̈ܐ ܘܲܒܟܼܵܝܵܐ ܕܓܲܒܼܪ̈ܐ
ܒܕܡܥ̈ܐ ܕܥܲܝܢܵܐ ܪܕܵܝܵܐ ܡܢ̄ ܠܒܵܐ
ܕܲܥܠܲܝܡܘܼܬܼܵܐ ܥܲܡ ܒܬܼܘ̇ܠܵܬܼܵـܐ؛؛
ܘܒܣܪܛܵܐ ܪ̈ܵܫܡܵܚ̈ ܪܡܙܵܐ ܕܙܩܝܼܦܵܐ
ܪܡܙܵܐ ܕܨܠܝܼܒܼܵܐ ܒܟܼܠ ܨܒܼܥܵܬܼ̈ـܐ
ܡܢ̄ ܬܗܘ̇ܡܲܝ̈ܢ ܓܵܪ̈ܫܵܚ ܡܬܵܢܵܚܝܵܬܼ̈ـܐ؛؛
ܒܚܲܕ̄ ܢܝܼܫܵܢܩܵܐ ܢܲܩܪ̈ܵܚ ܠܟܹܐܦܵܐ
ܘܫܡܘܼܟܼ ܛܲܒܼܥܵܚ̈ ܒܠܒܵܘܵܬܲܢ
ܘܢܘܼܗܪܵܐ ܕܨܲܠܡܘܼܟܼ ܒܟܼܠ ܥܕܵܢܵܐ
ܡܢ̄ ܐܘܼܦܩܵܐ ܕܫܡܲܝܵܐ ܨܡܝܼܚܵܐ ܠܦܵܬܲܢ
ܒܕܘܼܡܝܵܐ ܕܣܵܗܪܵܐ ܐܝܼܡܵܢ ܕܫܵܦܸܚ
ܥܲܠ ܡܲܪ̈ܙܵܢܸܐ ܒܫܸܬܩܵܐ ܫܸܠܝܵܐ
ܡܢ̄ ܥܲܡܛܵܢܘܼܬܼܵܐ ܕܠܲܝܠܵܘܬ̈ܐ،،
ܘܛܵܠܹܩ ܚܸܫܟܵܐ ܘܦܵܪܸܣ ܒܵܗܪܵܐ
ܘܒܲܪܩܵܐ ܕܫܒܼܝܼܠܘܼܟܼ ܡܓܲܪܓܡܵܢܵܐ
ܣܵܗܕܵܢ ܓܲܒܼܝܵܐ ܒܢܲܗܝܼܪܘܼܬܼܵܐ،،
ܘܬܵܡܵܐ ܢܲܨܒܼܵܚ̈ ܣܛܘܼܢ̈ܐ ܕܲܩܝܵܡܬܵـܐ
ܒܙܲܪܥܵܐ ܕܲܫܠܲܕܘܼܟܼ ܡܲܓ̰ܝܸܢ ܝܵܪܩܵܐ
ܡ̄ܢ ܒܲܪܙܲܪܥܘܼܟܼ ܪܵܝܡܵܗ̇ ܐܵܬܼܵܐ؛؛
ܬܵܡܵܐ ܫܵܠܹܚ̈ ܬܵܡܵܐ ܢܲܛܪ̈ܵܚ
ܬܵܡܵܐ ܒܵܪ̈ܟܵܚ ܘܝܵܘܡܵܐ ܢܝܼܚܵܐ
ܢܝܼܚܵܐ ܓܢܵܝܵܐ ܒܲܨܠܵܘܵܬܼـܐ؛؛
ܘܩܵܠܵܐ ܕܟܵܗܢ̈ܐ ܥܲܡ ܡܲܕܪ̈ܵܫܹܐ
ܘܟܠܝܼܠܵܐ ܕܘܲܪ̈ܕܸܐ ܡܹܐܣܵܪ̈ܝܵܬܼܵـܐ
ܒܓܲܘܢܸ̈ܐ ܡܛܘܼܟܣܹ̈ܐ ܒܟܲܦ̈ܐ ܕܫܲܒܼܪ̈ܐ
ܥܲܠ ܡܲܪ̈ܙܵܢܘܼܟܼ ܒܥܸܛܪܵܐ ܕܒܸܣܡܵܐ
ܒܗܲܢܝܼܐܘܼܬܼܵܐ ܠܪܵܘܡܵܐ ܦܪܵܚܵܐ؛؛
ܣܝܵـܓܼܵܐ ܠܫܵܘܦܘܼܟܼ ܚܸܣܢܵܐ ܚܲܕ̄ܬܼܵܐ
ܫܘܼܪܵܐ ܪܵܡܵܐ ܓܘܼܕܵܐ ܕܐܘܼܡܬܵـܐ؛؛
ܘܲܒܚܲܢܝܼܢܘܼܬܼܵܐ ܩܵܠ̈ܐ ܨܠܵܦܵܐ
ܡܢ̄ ܥܘܼܡܩܵܐ ܕܠܒܵܐ ܕܐܵܢ̈ܝ ܝܸܡܵܬܼܵـܐ
ܘܕܸܡܥ̈ܐ ܢܛܵܦܵܐ ܡܢ̄ ܥܲܝ̈ܢ ܚܵܡܵܬܼܵـܐ؛؛
ܡܐܲܝܟܼ ܐܵܢ̈ܝ ܠܲܦ̈ܐ ܕܡܵܚܝܼ ܠܒܸܪܙܵܐ
ܒܚܲܝܠܬܼܵܢܘܼܬܼܵܐ ܡܢ̄ ܪܹܫ ܝܲܡܵܬܼܵـܐ
ܘܐܘܼܦܩܵܐ ܡܙܝܼܓܼܵܐ ܥܲܡ ܒܸܝܬܼ ܥܢܵܢ̈ܐ
ܒܫܵܗܪܵܐ ܪܲܒܵܐ ܗ̇ـܝ ܚܸܬܢܘܼܬܼܵܐ،،
ܕܡܘܼܟܼ ܒܡܲܢܝܵܚܬܵܐ ܕܡܘܼܟܼ ܒܢܝܼܚܘܼܬܼܵܐ
ܣܵܗܕܵܐ ܙܪܝܼܙܵܐ ܚܵܬܢܵܐ ܚܲܕ̄ܬܼܵܐ
ܬܵܡܵܐ ܚܲܦܪ̈ܵܚ ܬܵܡܵܐ ܢܲܨܒܼܵܚ̈
ܟܹܐ ܦܵܐ ܕܪܸܫܘܼܟܼ ܒܝܲܕ ܨܸܒܼܥܵܬܲܢ
ܥܲܠܸܗ ܡܙܲܝܢܵܚ̈ ܨܲܠܡܘܼܟܼ ܢܲܩܫܵܚ̈
ܘܨܘܼܪܬܘܼܟܼ ܒܠܒܵܐ ܕܢܘܼܗܪܵܐ ܪ̈ܵܫܡܵܚ
ܒܟܠ ܚ̄ܕ ܫܲܢ̄ܬܵܐ ܠܕܵܪܵܐ ܕܲܩܝܵܡܬܵـܐ
ܗ̇ـܝ ܣܵܗܕܘܼܬܘܼܟܼ ܠܢܝܼܪܵܐ ܕܲܩܕܵܠܲܢ
ܛܥܝܼܢ̈ܐ ܒܠܒܵܢ ܕܟܼܵܪܘܼܟܼ ܒܥܲܒܼܕܵܚ̈؛؛
ܕܡܘܼܟܼ ܝܵܐ ܣܵܗܕܵܐ ܕܓܲܢ̄ܒܵܪܘܼܬܼܵܐ
ܒܢܝܼܫܵܐ ܚܲܝܵܐ ܕܲܡܬܼܘܼܡܵܝܘܼܬܼܵܐ
ܒܣܸܕܪܵܐ ܕܩܲܪܘܵܢ ܕܒܢܲܝ̈ ܣܡܹܝܠܹܐ
ܘܟܘܼܢܵܫܵܗܪ̈ܐ ܒܫܲܪܝܼܪܘܼܬܼܵܐ
ܘܬܵܡܵܐ ܡܲܫܚܸܕ ܒܐܲܬܼܪܵܐ ܚܲܕ̄ܬܵܐ
ܠܪܘܼܚܵܐ ܕܣܵܗܕܹܐ ܡܢ ܒܢܲܝ̈ ܐܘܼܡܬܵـܐ؛؛
ܐ̄ܡܘܼܪ ܡܹܐܙܲܠܬܲܢ ܠܲܝܬܠܵܗ̇ ܟܠܲܝܬܵܐ
ܠܙܸܕܩ̈ܐ ܕܚܲܝ̈ܐ ܘܒܲܪܢܵܫܘܼܬܼܵܐ
ܐ̄ܡܘܼܪ ܡܹܐܙܲܠܬܲܢ ܒܓܪܵܫܵܐ ܝ̄ܠܵܗ̇
ܒܟܼܠ ܠܒܼܝܼܒܼܘܼܬܼܵܐ ܕܠܵܐ ܡܲܚܦܲܠܬܵܐ
ܒܓܲܒܼܪ̈ܐ ܠܒܼܝܼܒܼ̈ܐ ܢܲܛܪ̈ܲܝ ܨܒܘܼܬܼܵܐ
ܒܕܸܡܵܢ ܢܛܵܪܵܐ ܠܗ̇ـܝ ܐܝܬܘܼܬܼܵܐ؛؛
ܠܲܝܬܠܗ̄ܘ̇ܢ ܟܠܲܝܬܵـܐ ܘܠܵܐ ܡܲܢܝܵܚܬܵܐ
ܒܥܲܝܢ̈ܐ ܕܡܲܘܬܵܐ ܦܪ̈ܝܼܕܹܐ ܠܫܸܢܬܵܐ
ܕܠܲܒܼܫܝܼ ܟܠܝܼܠ̈ܐ ܒܝܲܕ ܣܵܗܕܘܼܬܼܵܐ
ܡܫܵܡܠܝܼ ܐܘܼܪܚܵܐ ܕܗ̇ـܝ ܘܵܠܝܼܬܼܵܐ؛
ܘܒܕܸܡܵܐ ܪܵܫܡܝܼ ܩܵܐ ܬܲܫܥܝܼܬܼܵܐ
ܦܣܵܥܵܐ ܠܢܝܼܫܵܐ ܥܕܲܡܵܐ ܠܚܲܪܬܼܵܐ؛؛
ܕܡܘܼܟܼ ܒܲܢܝܵܚܵܐ ܠܹܘܝܵܐ ܙܲܗܝܵܐ
ܣܵܗܕܵܐ ܕܫܪܵܪܵܐ ܕܡܸܘܼܟܼ ܦܪܹܐܠܘܼܟܼ
ܝܵܐ ܡܩܵܘܝܵܢܵܐ ܥܲܠ ܡܲܕܼܒܚܵܐ
ܬܵܡܵܐ ܫܦܝܼܚܠܘܼܟܼ ܒܝܼ ܚܹܐܪܘܼܬܼܵܐ
ܒܟܠ ܛܲܝܒܘܼܬܼܵܐ ܥܕܲܡܵܐ ܠܚܲܪܬܼܵܐ
ܥܕܲܡܐ ܠܚܲܪ!!!!!!!!!!!!!!!!!!!!!!ܬܼܵܐ
ܥܲܒܼܕܝܼܫܘ̇ܥ ܣܵܗ̄ܕܵܐ ܝܘܼܚܲܢܲܢ
