ارجو من اصحاب الخبرة افادتى جزاكم اللة الف خير

[امنيتى اسافر برة]

ارجو من كل انسان نبيل انة يساعدنى فى ايجاد طريق لعائلاتى اريد اطلعهم من هذا القهر احنا عائلة مكونة من 3 نفرات والدتى وزوجتى وانى اللى اعيل عائلتى بعد وفات والدى رحمة اللة ضاقت بيا السبل مخليت عمل معملت بية او طريق قدمتلة الة ونهايتة باب مسدودة تعبت بداخلى من التفكير اخاف على عائلتى واتمنى اطلعهم برة واخفف الالم عن والدتى المسكينة والمريضة انى من سكنة بغداد وهذة اول مشاركة الى فى هذا المنتدى الرائع اللى صدك حسيت بية يعالج مشاكل المجتمع ويحس بمعاناتهم ويارب التوفيق لكل من شارك فية وانشالة الكل يسافر ويرتاح من هذا العذاب المستمر ولكم جزيل الشكر

[ابن الرافدين للابد]

اذا عدكم امكانيه يعني فد دفتر اتوكلو عله تركياواذا عدكم فد ايجار هم يجي وراكم هم بعد لتخاف
 وقدمو يو ان بس حضرولكم قصه بيهه دليل تهديد
لان احسن شي باليوان تركيا

[امنيتى اسافر برة]

اشكرك اخوية العزيز ابن الرافدبن على ردك الى بس سوالى اللة يخليك تركيا احسن لو سوريا انى سمعت تركيا غالية جدا بالنسبة الى بغداد زين اذا رحت لتركيا وين اروح وبيا مناطق الايجار اسعرة زينة اشكد تقريبا انى اسف لان ضوجتكم بس اخوك تعبان كلش منا وحاير ويارب يارب تتحقق كل امانيكم بهذا الشهر الفضيل

[مايكل اندريه85]

اخي الغالي تحياتي لحضرتك وان شالله تنفرج الامور وتتيسر ..........

بالنسبة الى سوريا ماتفيدك بالنظر الى الظروف الحالية لسوريا وماينتظرها من مستقبل مجهول وذلك لاستمرار الاحتجاجات ضد  الحكومة ورئيسها  .............

بالنسبة الى تركيا ان شالله الاخوان بتركيا راح يدخلون ويشرحولك عنها ..........

 

[امنيتى اسافر برة]

الاخ ماركوس جزيل الشكر على جوابك الى انتة والاخوان وانى بانتظار الاخوان فى المنتدى العزيز انة يشرحولى كم تكلفنى رحلة تركيا وين اكدر اعيش واقدم مناك على اليو ان وانشالة الخير جاى للجميع يارب وشكرا

[rayanchase]

للرفع  رجاءا اصحااب تركيا لاتبخلون  بمعلومااتكم   
وانشالله  الله يوفقكم  جميعا وتسافرون ويشاافيلك الحجية يارب

[امنيتى اسافر برة]

اللة يباركم بيكم وبكل عراقى وعراقية شريفة وهذا المعهود عن العراقى انى بانتظار اى رد منكم ويارب يارب تتيسرللجميع امنياتة ويحقق اللى يريدة وماكو ايد اتصفك وحدها الة وياها اختها وانى انتظر معاونتكم معا جزيل احترامى وتقديرى الكم

[storm2000]

للرفع جماعة تركيا تحياتي الكم 

[تقوى الله]

الله يكون بعونك
ويارب الله يفرجها عليك
بس انت اختار بين تركيا والاردن
بالنسبه للاردن ممكن تلاكي اجارات رخيصه
 وبالنسبه لتركيا اكيد جماعة تركيا مراح يقصرون وياك
وان شاء الله تسافر وتخلص

[امنيتى اسافر برة]

تقوى اللة الف شكرااا على الرد سئوالى اذا اقرر على عمان فبيش الايجارات هناك وبيا منطقة وحضرتك ساكن بعمان لو بغداد اريد تفاصيل ولكم جزيل الفضل والشكر واللة يسهل اموركم يارب بهذا الشهر الفضيل

[(COBRA)]

انشالله تتحقق امانيكم
اخي تركيا اسرع .....بس بيها اشياء غاليه  والاردن رادلك هم مصاريف بين مكان ومكان بي غالي وبي رخيص
سوريا متفيدك  ولبنان هم بيها .......المعيشه صعبه ......
والله يسهل عليك امرك
وهاذا رابط مال اخوانه الي بتركيا
http://www.ankawa.com/forum/index.php/topic,520966.0.html

[مايكل اندريه85]

للرفع جماعة  تركيا  حبايب وينكم ؟؟؟ نوار عيوني وين صرت وردة انت ...........

[مايكل اندريه85]

up

[Eagle eyes]

صاحب الموضوع جاوبتك على الخاص

تحياتي

[xzeus84]

اخوية العزيز
هنا كلشي الاخ شارح على تركيا
http://www.ankawa.com/forum/index.php/topic,520966.0.html
طبعا اهم شي الفلوس اخوية هنا ماكو شغل ترة
عندك فلوس سنة سنتين تطير اذا مو امركيا كندا ووراها استراليا

[امنيتى اسافر برة]

جزاكم اللة الف خير حبايبى اللى جاوبونى على سئوالى بس حبيت اعرف انة اول ما اروح لتركيا بيش الفيزة ومنين اكدر اسويها وبالنسبة الى المناطق اللى بيها اجارات مناسبة مذكرولى الاخوان اسم المناطق وشون اكدر اوصللها لان حسب متعرفون اللغة صعبة هناك ويكولون طكة عربى ميحجون ولا انكليزى وهاى شايللها هم واللة ولكم جزيل الشكر بانتظار الرد

[ابن الرافدين للابد]

مرحبااااااااااااااااااا
عيني الي كلك تركيا غاليه ماكو هيج حجي اني اهلي ابتركياانت مو تروحلي تسكن ابانقره لو باسطنبول ا5ورقات بالشهر وتكلي غاليه
اكو ايجار ابورقتين اكو ايجار ابورقه هاي بالنسبه للبيت
والمعيشه كله مسواكهم من سوك الاربعاء ابفلس ونص
والكعبه عيشه مال ملوك وهاي داحجيلك عله محافظة جرم بس هسه جرم بعد مينطوهه للاجئين يخيروك غير محافظات بس اني اكولك بالشتا ايكولون بارده
انت بس ازمتك اول متزل بالمحافظه الي رح ينطوكياها او الي انت تختارهه شوفلك احد يستقبلك ويدليك حتى لتخسر شي زايد
وبالنسبه للفيزه تاخذهه من السفاره التركيا بس لازم عندك هويه مال غرفه تجاره او انت موضف وعندك هويه او حساب مصرفي بالبنك او تقريرطبي اي وحده من هذني عندك ينطوك فيزه وكلهم اني رايح سياحه
وتدلل

[امنيتى اسافر برة]

شكرا الك ابن الرافدين على الجواب الوافى بس انى المشكلة انة ماعندى احد يستقبلنى هناك مثل متفضلت اذا جرم متتوقع ينطون بيها سكن لاجثين معناتها لازم ادور غير مكان زين سئوالى هما ينطون مساعدات جماعة اليو ان للاجئين مادية او هيج شى مثل مواد اكل يعنى تمن غير هاى الامور مثل عمان لو لاء ؟؟ زين تقديرك الشخصى حسب مدتشوفة على اهلك هناك اشكد يكلفنى مصاريف اضافية كتخمين بالشهر اذا لاقدر اللة طبيب او شى لان وياى والدتى وصحتها تعبانة شوية واللة يبعد الكل عن المرض والبلاء يارب تحياتى لكل الطيبن بالمنتدى والسفر والخلاص منا باسرع وقت

[Abnaa Al-Iraq]

اخي العزيز ... الكل يأكد تركيا اجراءات السفر بيها اسرع ان شاء الله اما بخصوص كونها غالية حتما هي اغلى من عمان بصفتها قريبة من اوربا ومتأثرة بالاقتصاد الحر لكن بالمقابل تكدر اترتب امورك اذا كنت مقتصد وبعمان كذلك يوجد بيت بورقتين واكو بيوت بخمس ورقات حسب طريقة الشخص وتدبيره في الحياة لكن لو تحسبها فرق المدة تطلع نفس الشي لهذا انصحك بتركيا رغم قد تواجهك صعوبة اللغة بس الواحد ينظر للهدف اهم ... اتمناك التوفيق والطمئنينة .

[ابن الرافدين للابد]

شكرا الك ابن الرافدين على الجواب الوافى بس انى المشكلة انة ماعندى احد يستقبلنى هناك مثل متفضلت اذا جرم متتوقع ينطون بيها سكن لاجثين معناتها لازم ادور غير مكان زين سئوالى هما ينطون مساعدات جماعة اليو ان للاجئين مادية او هيج شى مثل مواد اكل يعنى تمن غير هاى الامور مثل عمان لو لاء ؟؟ زين تقديرك الشخصى حسب مدتشوفة على اهلك هناك اشكد يكلفنى مصاريف اضافية كتخمين بالشهر اذا لاقدر اللة طبيب او شى لان وياى والدتى وصحتها تعبانة شوية واللة يبعد الكل عن المرض والبلاء يارب تحياتى لكل الطيبن بالمنتدى والسفر والخلاص منا باسرع وقت

حبيبي مساعدات موجوده وراتب شهري بس اول مره ايسولك مقابله يشوفوك صدك محتاج لو لا وانت وحضك
امابالنسبه للمصاريف فانته احسب احسابك يرادلك5ورقات شهريا اتعيش بيهه ملك هاي داحجيلك عن اهلي
والدكتور كله ابلاش عله حسابهن تدفع من جيبك وبعدين اتودييلهم الوصل ويصرفولك اشكد دفعت
وهسه الدولار174ليره يعني توب كلوب يعني ال5ورقات اتغركك معيشه وايجارواذا عندك اكثر بعد تكدر اتطور نفسك

[امنيتى اسافر برة]

شكرا على الاخوان على الاجابة وانشالة اقرر بهاى الايام وين رح اسافر لو تركيا لو عمان بس اجمع معلومات اكثر عن فيزة تركيا وشون اكدر احصلها