ارجو المساعدة من الاخوات انجي وريم عبد وكل الاخوة الي عدهم خبرة بموضوع سحب الزوجة لامريكا

[renoma]

السلام عليكم اخواتي واخواني الاعزاء ارجو منكم مساعدتي
اكو شخص مقدم على الاي او ام من احد دول الجوار فبحالة راح يعقد قرانه على خطيبته قبل سفره بفترة بسيطة فبهيج حالة هو شيسوي
1- لازم ينطي خبر للاي او ام وهمه شنو اجراءاتهم لازم ينتظر حتى يضيفها لو يسافر وممكن يكدر يسحبها من يروح ؟
2-واذا يصير يسحبها بعدين فتقديم المعاملة راح يكون عن طريق الاي او ام لو عن طريق السفارة ؟؟
3- هل راح تعتبر زوجته لاجئه مثله اذا سحبها بعدين يعني بعد ان يسافر ؟
4- هل تكدر زوجته بعد عقد القران الرجوع للعراق؟  لان هي ليست مقيمه في نفس الدولة الي هو بيها
5- و بحالة راح يكدر يسحبها شلون تكون طريقة التقديم هل تحتاج محامي خاص او هو يكدر يقدمها ؟وشوكت يكد يقدمها لازم ينتظر يحصل كرين كارد لو عادي بعد وصوله لامريكا بفترة بسيطة ؟


اني اسفه عالاطالة وياريت كل من عنده معلومات اكيدة يفيدني بيها والكم جزيل الشكر

تقبلوا تحياتي
اختكم رينوما

[renoma]

up للمساعدة

[ريم عبد]

1- لازم ينطي خبر للاي او ام وهمه شنو اجراءاتهم لازم ينتظر حتى يضيفها لو يسافر وممكن يكدر يسحبها من يروح ؟

اخي اول موضوع انه هوه تقديم مباشر على ال اي او ام؟؟؟ اذا كان تقديم مباشر فيسوي الاتي
 لازم يبلغ بانه تم عقد قرانه قبل السفر
لان اكو تعهد هوه موقعه في مقابلة المحلفين انه اذا تزوج بعد مقابلة المحلفين ومبلغ راح يلغون اللجوء مالته

2-واذا يصير يسحبها بعدين فتقديم المعاملة راح يكون عن طريق الاي او ام لو عن طريق السفارة ؟؟
من يبلغهم ايقدملها معامله على الاوراق مالته ويصير عدها كيس على ال اي او ام

3- هل راح تعتبر زوجته لاجئه مثله اذا سحبها بعدين يعني بعد ان يسافر ؟
اخي هاي الطريقه مو سحب ولا لم شمل وانما تقديم معاملة لجوء على برنامج ال USRAP

4- هل تكدر زوجته بعد عقد القران الرجوع للعراق؟  لان هي ليست مقيمه في نفس الدولة الي هو بيها
اخي اذا قدملها من اي دوله ميجوز ترجع للعراق
لكن اذا قدملها من العراق خلي تبقى بالعراق ويستمر الكيس مالتها من العراق

5- و بحالة راح يكدر يسحبها شلون تكون طريقة التقديم هل تحتاج محامي خاص او هو يكدر يقدمها ؟وشوكت يكد يقدمها لازم ينتظر يحصل كرين كارد لو عادي بعد وصوله لامريكا بفترة بسيطة ؟

اخي ميحتاج اي معامله ولا اي سحب حالها من حاله تقديم لجوء عن طريق ال اي او ام على اوراق الريكومنديشن مالته ومن تخلص معاملتها تسافر وراه

[ابو غادة]

اخوية العزيز
اول شي لدز اي ايميل تكول بي اني تزوجت لان راح تلاص عليك
انت كمل كل اجراءتك وسافر ومن توصل تقدم الها مناك وتكول الهم اني متزوج واريد اسحب زوجتي طبعا راح يكولون الك قدم عقد زواجك والاجراءات الروتينية تعرفها الخاصه بالعقد من ترجمة وتصديقات ويكولون الك دز شهاده جنسية وجنسيتها مترجمة  هم بفتره 3 اشهر او خمسه يحددون الها مقابله ولان معاملتها لم شمل كزوجه تكون فيزتها 93 وره المقابله مباشرة تسوي فحص طبي ودز ايميل كملت فحص يحددون الها مقابله ثانية وتسلم جوازها وتنتظر الفيزه وبعد هي وحظها بس نصيحه قدم الها من اميركا مو من العراق واي شي تحتاجه اخوية اني حاضر

[renoma]

1- لازم ينطي خبر للاي او ام وهمه شنو اجراءاتهم لازم ينتظر حتى يضيفها لو يسافر وممكن يكدر يسحبها من يروح ؟

اخي اول موضوع انه هوه تقديم مباشر على ال اي او ام؟؟؟ اذا كان تقديم مباشر فيسوي الاتي
 لازم يبلغ بانه تم عقد قرانه قبل السفر
لان اكو تعهد هوه موقعه في مقابلة المحلفين انه اذا تزوج بعد مقابلة المحلفين ومبلغ راح يلغون اللجوء مالته

2-واذا يصير يسحبها بعدين فتقديم المعاملة راح يكون عن طريق الاي او ام لو عن طريق السفارة ؟؟
من يبلغهم ايقدملها معامله على الاوراق مالته ويصير عدها كيس على ال اي او ام

3- هل راح تعتبر زوجته لاجئه مثله اذا سحبها بعدين يعني بعد ان يسافر ؟
اخي هاي الطريقه مو سحب ولا لم شمل وانما تقديم معاملة لجوء على برنامج ال USRAP

4- هل تكدر زوجته بعد عقد القران الرجوع للعراق؟  لان هي ليست مقيمه في نفس الدولة الي هو بيها
اخي اذا قدملها من اي دوله ميجوز ترجع للعراق
لكن اذا قدملها من العراق خلي تبقى بالعراق ويستمر الكيس مالتها من العراق

5- و بحالة راح يكدر يسحبها شلون تكون طريقة التقديم هل تحتاج محامي خاص او هو يكدر يقدمها ؟وشوكت يكد يقدمها لازم ينتظر يحصل كرين كارد لو عادي بعد وصوله لامريكا بفترة بسيطة ؟

اخي ميحتاج اي معامله ولا اي سحب حالها من حاله تقديم لجوء عن طريق ال اي او ام على اوراق الريكومنديشن مالته ومن تخلص معاملتها تسافر وراه

تسلمين اختي العزيزة ريم اشكرج على ردج والله يسهل امور الجميع

تقبلي تحياتي
اختج رينوما

[renoma]

اخوية العزيز
اول شي لدز اي ايميل تكول بي اني تزوجت لان راح تلاص عليك
انت كمل كل اجراءتك وسافر ومن توصل تقدم الها مناك وتكول الهم اني متزوج واريد اسحب زوجتي طبعا راح يكولون الك قدم عقد زواجك والاجراءات الروتينية تعرفها الخاصه بالعقد من ترجمة وتصديقات ويكولون الك دز شهاده جنسية وجنسيتها مترجمة  هم بفتره 3 اشهر او خمسه يحددون الها مقابله ولان معاملتها لم شمل كزوجه تكون فيزتها 93 وره المقابله مباشرة تسوي فحص طبي ودز ايميل كملت فحص يحددون الها مقابله ثانية وتسلم جوازها وتنتظر الفيزه وبعد هي وحظها بس نصيحه قدم الها من اميركا مو من العراق واي شي تحتاجه اخوية اني حاضر

اخوية العزيز ابو غادة
اشكرك على ردك وياريت لو تكمل معروفك وترد على رسالتي عالخاص ولو راح اتعبك ويايه

تقبل تحياتي
اختك رينوما

[ريم عبد]

عزيزتي رينوما
اقري هذا التحذير الي يوقع عليه كل اعزب اثناء مقابلة المحلفين



اذا تزوجت ورحلت الى الولايات المتحده دون اخطار مكتب خدمات الجنسيه والهجره الامريكيه (INS) يمكن أن يتم انهاء حالتك كلاجئ ويتم ترحيلك من الولايات المتحده
وبناء عليه سوف يرفض مكتب خدمات الجنسيه والهجره الامريكيه اي طلب  للتحاق الزوج (I-730)

[ريم عبد]

اذا تزوجت قبل او بعد مقابلتك مع مسؤول خدمات الجنسيه والهجره الامريكيه INS) )  من الازم أن تعلم مكتب خدمات الجنسيه والهجره الامريكيه بزواجك قبل ان تغادر الى الولايات المتحده
هذا الاخطار يمكن ان يتم من خلال مكتب وحدة عملية عبر البحار OPE)) انت وزوجك سوف تمنحان مقابلة لجوء جديده

[ريم عبد]

وهذا رابط الموضوع اذا تحبين تطلعين عليه وتشوفين الحالات الي مثل حالتكم
http://www.ankawa.com/forum/index.php/topic,387835.msg4459294.html#msg4459294