السلام عليكم اخواني واخواتي
ارجو من ذوي الخبره ومن المتواجدين بلولايات المتحده الامريكيه المساعده
اني قابلت اول مقابله بل اي او ام وطلبت الموضفه اذا عندي كفيل بامريكا قدمه النا عنوانه ورقم تلفونه ويحقلك 3 ولايات بس استفساري هوه انو اني عندي واحد مستعد يكفلني ب (اوهايو) والثاني ب ( تكساس دالاس) والثالت ب (تكساس هيوستن ) اي المكانات افضل وتنصحوني بيهه من ناحيه الشغل علما انو اني مهندس مدني وعندي خبره 5 سنوات بره العراق والي سامعه انو ميعترفون لا بل الشهاده ولا بلخبره وثاني ايها افضل من ناحيه المساعدات علما انو عندي عائله تتكون من مرتي و بنتي صغيره كلش (رضيغه) وثالث شي بل اجارات وكل النواحي المعيشيه لان الصراحه اخوكم متحير بين هل 3 اماكن لان الموجودين هناك الكل يكولون زينه وتعال بس تعرفون الي يسأل اكثر يستفاد اكثر واتصور انو الاخوان والاخوات ذوي الخبره الموجودين بلمنتدى مراح يبخلون عليه بلمعلومات واشكركم اخوكم وجدي
