تصديق الوثائق

[عمدة فرجينيا]

السلام عليكم كروبي العزيز شلونكم عيوني
بس محتاجة احد ايكلي مكان التصديقات مال وزارة الخارجية وين صاير اني الي اعرفة يم سيد ادريس بكرادة داخل بس كلت اتاكد بعده هناك لو تغير مكانة



اختكم
الملاك الحائر

[امير البغدادي]

تحيه طيبه اخي العزيز اني قبل شهر صدقت شهاده حياة اجتني من اقاربي في اميركه ابوزاره الخارجيه ورحت للعلاوي مكانه متغير بالعلاوي بعد ما اعرف هسه بلكت الاعضاء ايجاوبوك وشكرا

[عمدة فرجينيا]

شكرا اخوية امير عالمساعدة

[rayanchase]

اي  اختي بلعلاوي      بعدها ممتغير مكاانهاا 

[عمدة فرجينيا]

مشكور خوية رايان عالمرور والمساعدة

[الحلوه]

اختي اتروحين للعلاوي وزاره الخارجيه اهناك التصديقات قريبه على دائره الجوازات

[rayanchase]

مشكور خوية رايان عالمرور والمساعدة

اتدللي اختي  بس لازم ترروحين من وكت لان اني  3 مراات اوصل الهم بل11 و يكولولي   ارجع    المدير  طلع 
يعني طلعي بل7 الصبح   لي الله توصلين بلوقت المنااسب و تحياااتي الج

[عمدة فرجينيا]

مشكورين عيوني زين سؤال لاخ صدك الا اني اروح بنفسي يعني ما اكدر ادز كرايبي ايصدقلي الوثائق

[rayanchase]

مشكورين عيوني زين سؤال لاخ صدك الا اني اروح بنفسي يعني ما اكدر ادز كرايبي ايصدقلي الوثائق

حسب ماا ادري الا  اذا اخوج  و الله ماادري اختي العزيزة اني سويت مالت اخويه    بوكتهاا
اكو احتماال يصير    بس لازم يااخذ  جنسيتج  و جنسيته 
تحيااتي

[عمدة فرجينيا]

اها الله كريم نشوف شلون ترهم مشكور ريان تعبتك وياية

[ريم عبد]

حبيبتي الملاك الطائر
بالشارع الي يربط بين العلاوي وكرادة مريم يم دائرة المراسم بمجمع 28 نيسان من تدخلين من العلاوي الشارع يفتر انتي نزلي وسالي الشرطي الي واكف بالاشاره يكولج هذا المدخل
لازم الي يراجعلج يكون قرابه درجه اولى وعنده هويه حتى يثبت الاوراق تخصكم
واستلام الوثائق لحد ساعه 10 يتوقف
وبالتوفيق

[rayanchase]

اها الله كريم نشوف شلون ترهم مشكور ريان تعبتك وياية

لا يابه صدك تحجين بلخدمه   مثل ماكاالت الاخت ريم     

[عمدة فرجينيا]

مشكورين عيوني حبيبتي ريومة دومج تنطين المعلومات بالتفصيل 
اكول ليش مدا ايسفروج علمود ماننحرم من معلوماتج القيمة حبيبة 

[ريم عبد]

 حبيبتي تدللين ومراح اسافر اذا ماطلعكم كلكم

[حيدر الربيعي]

السلام عليكم
أختي مكان التصديقات مجاور وزارة الخارجية في منطقة الصالحية , ونقط الدلال هي:
1.من جهة العلاوي تروحين كبل ومن توصلين تقاطع الصالحية تصير على يمينج
2.من جهة مجلس محافظة بغداد تروحين كبل وتصير أمامج مباشرة
3.من جهة كرادة مريم تروحين كبل وتصير على يسارج عند تقاطع الصالحية
ملاحظة:استلام المعاملات بين ال 8 صباحا وال 11 صباحا من كل يوم عدا ايام العطل ومثل متفضلوا الأخوة لازم تروحين من وكت لان السرة يتأخر مايقارب ال ساعة الى ساعتين حسب الزخم وتأخير التصديق بين الساعتين ال 3 ساعات داخل المديرية والاستلام بنفس اليوم...تقبلوا مروري ولكم تحياتي
أخوكم المهندس حيدر الربيعي

[kunda]

مشكورين شباب اني همينة عندي وكالة اريد اصدقها

[الناسك]

مشكورييييييييييييييييييننننننننننننننن
لأن عندي الشهايد اريد اصدقها سويتولي واهس
تحياتي

[*iskender*]

بالعلاوي قريب على الكراج

[عمدة فرجينيا]

مشكورين اخوان على تفانيكم بالمساعدة واخص الشكر للاخ حيدر الربيعي الي وضحلنا المكان بالتفصيل
عيوني اليوم حماية راح وصدق الوثائق مالتي ومال زوجي وبدون اي وكالة بس اخذ نسخ من هوياتنا يعني مو شرط الا اقارب من الدرجة الاولى للعلم حتى تستفادون



اختكم
الملاك الحائر

[عمدة فرجينيا]

بالمناسبة تصديق الورقة ب3 الاف عراقي
شباب عندي سؤال لاخ اذا ترجمت الهويات والمستمسكات بمكتب نادر هم احتاج لتصديقهة بالخارجية لو لا




اختكم
الملاك الحائر

[حيدر الربيعي]

أختي العزيزة لاداعي للشكر وهذا واجبنه, بالنسبة لسؤالك:
اي مستمسك او وثيقه او هوية لاتعتبر رسمية خارج العراق الا بعد تصديقها من قبل وزارة الخارجية العراقية ولايهم من أي مكتب تم ترجمتها , المهم هو تصديقها بالخارجية, أرجو ان وضحت
أخوكم المهندس حيدر الربيعي

[البغدادية2]

بالمناسبة تصديق الورقة ب3 الاف عراقي
شباب عندي سؤال لاخ اذا ترجمت الهويات والمستمسكات بمكتب نادر هم احتاج لتصديقهة بالخارجية لو لا




اختكم
الملاك الحائر

اني كلها بمكتب نادر سويتها التصديقات  همى يرحون ايودوها بس ملاحظه مهمه جدا

اولا اطول اسبوع واسعارا جدا غاليه

ثانيا يوجد مكتب بشارع فلسطين ورده مال الله اسمى احمد كلش خوش انسان وثاني يوم تستلميها واسعارا جدا مناسبه يعني فرق كبير بين مكتب نادر

اسم المكتبه رايت اكلك مقابيل الجامعه المستنصريه اذا انت بمساواة المستنصريه هو يصير على ايدج اليسره بلظبط امام سيطره الي يم المستنصريه  وجدا يفتهم باامور الهجره ويوضحلج اهوايه امور


عرفتي شنو اسم المكتبه رايت اكلك اسم صاحب المكتبه احمد

[(COBRA)]

انشالله خير ........... واهل بغداد كفوا ووفوا

[الناسك]

بالمناسبة تصديق الورقة ب3 الاف عراقي
شباب عندي سؤال لاخ اذا ترجمت الهويات والمستمسكات بمكتب نادر هم احتاج لتصديقهة بالخارجية لو لا




اختكم
الملاك الحائر

اني كلها بمكتب نادر سويتها التصديقات  همى يرحون ايودوها بس ملاحظه مهمه جدا

اولا اطول اسبوع واسعارا جدا غاليه

ثانيا يوجد مكتب بشارع فلسطين ورده مال الله اسمى احمد كلش خوش انسان وثاني يوم تستلميها واسعارا جدا مناسبه يعني فرق كبير بين مكتب نادر

اسم المكتبه رايت اكلك مقابيل الجامعه المستنصريه اذا انت بمساواة المستنصريه هو يصير على ايدج اليسره بلظبط امام سيطره الي يم المستنصريه  وجدا يفتهم باامور الهجره ويوضحلج اهوايه امور


عرفتي شنو اسم المكتبه رايت اكلك اسم صاحب المكتبه احمد

مكتب رايت كلك قرب ساحة الموال مقابل الجامعة المستنصرية
صاحب المكتب اسمة احمد (اسعارة مناسبة ومضبوط ) رقمه 07710000036
تحياتي

[الناسك]

اني البارحة عمي راح لهناك وأخذ الشهادة مال زوجتي وصدقها بمبلغ وصل 10 آلاف دينار ...
الملاحظات :
1. كال الموظفين تعاملهم حلو وودودين وخدمتهم ممتازة (يعني تختلف عن بقية الدوائر).
2. كال شفت ناس رجعوهم علمود صحة صدور بالشهادة الجامعية او الوثيقة من المصدر والبعض لا اكتفوا بالاختام والتواقيع مال اساتذة الجامعة او المعهد .
3. اكو جماعة رجعوهم لآن جيكوا اساميهم عليهم ضرائب وما صدقوا اوراقة لحين تسديد الضرائب يعني جلب براءة ذمة.
4. الجو حار والسيطرات تشلع القلب. ههههههههههه
تحياتي