الدوره التثقيفيه في عمان ؟؟ و علاقتها بالسفر ؟؟

[فكتور كانسينو]

مساء الخير على عيونكم اجمعين
طبعا اني عضو جديد بالمنتدى و اتمنى تقبلوني كصديق الكم

عندي سؤال صغيروني
اني بعمان ويا العائله من جماعة 26 شهر الثالث 2011 خابروني قبل كم يوم على الدوره التثقيفيه من دون اهلي هل هذا يعني شي لو مجرد دا اقشمر على روحي انو احتمال الامنيه جايه
علما انو الدوره 4 ايام من يوم الاحد من ال9 لل3 الظهر
ملاحظه هوايه من الي اعرفهم سووها وره الظرف راسا الا اني و عائلتي هسه يلا
علما دا انتظر الامنيه و اخر شي جتني هاي الكليشه الجديده

فكتور

[فكتور كانسينو]

طبعا معظم الي شفتهم اليوم مكملين الامنيه و على امنية قبل السفر و جان اكو عائله عندهم موعد سفر يوم 12 بشهر 9 

[فـلـونـا]

والله يا اخي احنة صارلنا اكثر من شهر مخلصين الدورة التثقيفية وماكو شي
واكو ناس صارلهم اكثر شهرين و3...

ما اريد اهبط معنوياتك بس ترة كل واحد شكل يعني ماكو فد قاعدة معينة

[xxlm569]

ماكو علاقه بين الدوره التثقيفيه و المغذي مال الامنيه

[فكتور كانسينو]

اني هم كلت هيجي اخواني لان الموظفه كالت مالها علاقه بس اغلب الي شفتهم عندهم موافقات امنيه و فاصلين ملفهم عن اهلهم و جايين دوره

[ألن في بلاد العجائب]

اخويه العزيز
الدوره التثقيفيه تتحمل احتمالين

1- الاحتمال الاول هو انو الامنيه جايه او جزء كبير منها خلصان بحيث خلوك بالدوره التثقيفيه لان باي لحظه ممكن تسافر و هذا الشي شفته من هوايه ناس اعرفهم لما عائله كامله تجي الامنيه لشخص بيهم بس و عنده كيس و يفصل ملفه عن اهله يدخلوه رأسا دوره تثقيفيه .

2- من الممكن ان تكون روتين ماله علاقه بالسفر او الامنيه و هذا الشئ ايضا غير منطقي نوعا ما

ملاحظه اعداد الداخلين للدوره تختلف باختلاف الظروف يعني مرات يجمعون ناس كلهم على جداول سفر و ينطوهم دوره مرات ناس محد جايته الامنيه و هكذا

تحياتي
ألن

[فكتور كانسينو]

شكرا جزيلا اختنا فلونا و اخونا XXLM569
و شكرا للاخ الن في بلاد العجائب على التوضيح الوافي

فكتور

[عراقي كرادي]

اخويه العزيز
الدوره التثقيفيه تتحمل احتمالين

1- الاحتمال الاول هو انو الامنيه جايه او جزء كبير منها خلصان بحيث خلوك بالدوره التثقيفيه لان باي لحظه ممكن تسافر و هذا الشي شفته من هوايه ناس اعرفهم لما عائله كامله تجي الامنيه لشخص بيهم بس و عنده كيس و يفصل ملفه عن اهله يدخلوه رأسا دوره تثقيفيه .

2- من الممكن ان تكون روتين ماله علاقه بالسفر او الامنيه و هذا الشئ ايضا غير منطقي نوعا ما

ملاحظه اعداد الداخلين للدوره تختلف باختلاف الظروف يعني مرات يجمعون ناس كلهم على جداول سفر و ينطوهم دوره مرات ناس محد جايته الامنيه و هكذا

تحياتي
ألن

رأيِّ من راي الاخ الن.

تحياتي.

[doori]

السلام
اخويه صاحب الموضوع
الدوره التثقيفيه عباره عن ينطوك معلومات عن امريكا من ساعة صعودك الطياره وحتى من تمشي امورك لكن اكو مرات و الاغلب موظفة الدوره التثقيفيه تنطي مواعيد سفر للي يجيهم مواعيد سفر لان يجي على ايكيلها انو هذا عنده موعد سفر فانت اسالها من اليوم الثاني للدوره اكو موعد سفر باسمي هي اذا جايها شي تكلك اي لو لا ومرات مينطون لان ما يريدون يتحملون مسؤوليه لكن الدوره التثقيفه مو فد شي مهم لان نفسها راح يعيدها عليك الكيس منجر مالتك من توصل لامريكا ويسوي وياك الاورينتيشن يعني مجرد تحصيل حاصل و اكو كم واحد سافرو بدون ما ياخذون الدوره التثقيفيه قمتكدر تعرف عن موعد السفر او الها علاقه بالسفر لو لا اكو ناس اخذو دوره تثقيفيه وراها بسنه سافروا فمتعرف كلشي بوقته لكن الدوره التثقيفيه الواحد هم يروح يتعرف على الناس و يتونس شويه فروح مخسران شي
اتمنالك دوره تثقيفيه ممتعه
تحياتي للجمييع

[السفير80]

الدورة التثقيفية ليس لها علاقة بالسفر والدليل اني مسوي دورة تثقيفية من 20\7\2010 ولحد الان انتظر الامنية