المحرر موضوع: الى كل الكوادر الهندسية في امريكا ...أستفسار علمي عملي واقعي  (زيارة 16892 مرات)

0 الأعضاء و 1 ضيف يشاهدون هذا الموضوع.

غير متصل eng_joker2008

  • عضو فعال
  • **
  • مشاركة: 68
  • الجنس: ذكر
    • مشاهدة الملف الشخصي
تحيه طيبه ;D
كيف حالكم اللي ساكنين امريكا
اتمنى ان احصل منكم على جواب الشافي وهو :-
ما هو اكثر قسم من الاقسام الهندسيه اكثر نجاحا من حيث الراتب و توفر الوضيفه و المستقبل المضمون  ??? ???في امريكا
هلو هو هندسه معماريه مدنيه كهرباء ميكانيك
ام مهندس انتاج مهندس حاسبات مهندس طائرات ......الخ ??? ???
و ما هي اعمالهم مكتبيه مثلنا بالعراق العظيم ام ميدانيه علميه بحته ؟
اتمنى من احد زملائنا ينورنا طريقنا و احنا بعدنا بالظلام ... بانتظار الفيزا :P :-[ :-[ :-[
SIV و دا انتظر الرحمه



غير متصل eng_joker2008

  • عضو فعال
  • **
  • مشاركة: 68
  • الجنس: ذكر
    • مشاهدة الملف الشخصي
صدك تحجون
ماكو مهندسين بأمريكا ؟؟؟
uuuppp
SIV و دا انتظر الرحمه

غير متصل أسد بابل

  • عضو فعال
  • **
  • مشاركة: 37
    • مشاهدة الملف الشخصي
مرحبا أخي آني مهندس مدني وأحمل شهادة ماجستير وخبره 10 سنوات منها 8 أستاذ جامعي وأمتحنت FE ونجحت الحمد لله وحصلت على سيرتفكيت الEIT ومدا أحصل شغل هندسي.
نصيحة:
حاول تصادق وتسوي علاقات ولاتهتم بأي أختصاص أنته لأن الشغل الهندسي بأمركا مكوم بس يرادلك واسطة مع الاسف ما سووينا شي.
آني راح أرجع لبلدي أحسن.

غير متصل أسد بابل

  • عضو فعال
  • **
  • مشاركة: 37
    • مشاهدة الملف الشخصي
مرحبا أخي آني مهندس مدني وأحمل شهادة ماجستير وخبره 10 سنوات منها 8 أستاذ جامعي وأمتحنت FE ونجحت الحمد لله وحصلت على سيرتفكيت الEIT ومدا أحصل شغل هندسي.
نصيحة:
حاول تصادق وتسوي علاقات ولاتهتم بأي أختصاص أنته لأن الشغل الهندسي بأمركا مكوم بس يرادلك واسطة مع الاسف ما سووينا شي.
آني راح أرجع لبلدي أحسن.

غير متصل zozk

  • مبدع قسم الهجرة
  • عضو فعال جدا
  • *
  • مشاركة: 277
    • مشاهدة الملف الشخصي
اني مع اسد بابل في كل ما قال
لكن افضل اختصال هندسة الكهرباء و لكن لازم اتكون عبقري بكل ما تحملة الكلمة من معنى لان بالمقابلات مال الشغل صدك يسالون اسئلة جدا صعبة و شوف راي الاخوان
نموت نموت كي يحيى الوطن
يحيى لمن؟؟؟
نحن الوطن
من بعدنا يبقى التراب و العفن
نحن الوطن
من بعدنا تبقى الدواب و الدمن
نحن الوطن
ان لم يكن بنا كريما امنا
و لم يكن حرا
فلاعشنا و لا عاش الوطن

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
اخوية هو يا مهندس اشتغل باختصاصه حتى يكلك منو احسن ..المهندسين العراقيين هنا بامريكا زبابيل و حماميل و عربنجية يشتغلون ..نصيحة انسى الهندسة من تجي لامريكا و الي يكلك عادل شهادتك و مدري شنو من هالخريط كله انت كذااااااااب

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
الاخ العزيز سنوبي على كيفك شوية وية العالم صدك مشايف لحد الان مهندس بامريكا يشتغل زبال لو حمال لو عربنجي هاي اولا
ثانيا مسالة معادلة الشهادة جدا بسيطة باامريكا ما اعرف انت مهندس لولا معادل شهادتك لو بعدك اذا متعرف شلون تعادلها اني اكدر ادليك الطريق شلون تعادلها لانه انت دتكول اذا اكو مهندس معادل شهادتة ومن هل الخريط كلة كذاب لا اكو مهندسين معادلين شهادتهم واولهم اني بس المشكلة بالشغل يريدون خبرة وخبرة ماعدنا بامريكا فلازم مثل مكال الاخ اسد بابل تصير اما لوكي او يكون عندك معارف حتى تشتغل بيها والا مراح تكدر تشتغل بس مع ذلك ترة ممشتغلين حماميل لو زبابيل مثل محضرتك تكول
مع احترامي لراي حضرتك وللجميع

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
اخوية الذكي بالنسبة للحماميل و الزبابيل اذا انت مشايف فهذا شأنك انا اتكلم عن شي شايفة بعيني ..اما شغلة المعادلة فندري بيهه سهلة و اسهل منهه ماكو بس انت كلتهه شغل ماكو انا اقصد الشغل يا عزيزي اكو ناس تكذب و تكول عادل شهادته و اشتغل بيهه فحبيت اخلي الناس الي بالعراق على اطلاع انه من الوارد جدا اذا انت مهندس تشتغل شغل وضيع و لا تفكر تعادل شهادتك و تشتغل بيهه ..اتمنى اكون وصلت المعنى بشكل صحيح
ملاحظة:الحماميل و الزبابيل عبارة عن رمز لكل الاعمال الوضيعة في امريكا مثلا عامل مصنع او اي في اس او غيرهه مع احترامي لجميع الاعمال و الناس الي يشتغلون بيهه و الي اني منهم

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
اخي العزيز سنوبي حتى اذا ماكو شغل اتصور المهندس يكدر يطور روحة ويشتغل شغلة احسن من الزباببيل والحماميل او عامل عادي بمصنع صح بالبداية تصير اول  مجيئك لامريكا بس بعدين لازم تطور روحك او همة بالمصنع  او الشركة  يرقوك بعد ميشوفون مستواك فانت اذا باقي ليهسة علة نفس مستواك انصحك نصيحة طور روحك وانكليزيتك بدون زعل بلة زحمة احنا دناقش قضية معينة مو نتعارك مع احترامي لحضرتك

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
اخوية الذكي هي مو شغلة عركة انت مقتنع بشي و اني مقتنع بشي و محد يكدر يقنع الثاني لأن كل واحد متعنت برأيه اني اسولف عن اشياء شايفهه بعيني و انت دتسولف عموميات لعلمك اني انكليزيتي فول و عندي خبرة 3 سنين اي تي و بمكانات راقية بالعراق و مكطع السيرفرات و السوجات و الروترات على راسي و قدمت يمكن مية الف ابلكيشن و ماكو نتيجة هاي صارلي سنتين و نص و هذا مو حالي بس بل حال كل الي اعرفهم بمدينتي ما شفت واحد ابو شهادة اشتغل ولو حتى عامل بشهادته
و لعلمك ايضا اليشتغلون وياي حاليا بشغل خلي نكول وسط مو بسيط كلهم امريكان و عدهم بكالوريوس و مع ذلك يشتغلون بمستويات تعبانة بالنسبة لأي شخص عنده شهادة
المشكلة معقدة و هي انه الامريكان نفسهم اصحاب الشهادات ملاكين شغل فشلون تريد يشغلون العراقيين؟
بالمناسبة ممكن تسولفلنه على تجربتك و التجارب المتفائله الي شايفهه؟و شنو شهادتك اصلا؟ لأن يجوز حضرتك بامريكا ثانية غير امريكتي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
حبيبي الغالي سنوبي
من خلال شرح كلامك لللوضعية بامريكا تبين انه الشغلة عامة يعني مو بس للعراقيين امريكان همينة ديعانون من قلة الاشغال والاقتصاد فشلون تريد عراقي يشتغل مهندس والامريكي المهندس كاعد بدون شغل او يشتغل شغلة تعبانة هاي اولا ثانيا الشغلة تعتمد علة الشطارة والحظ اني شهادتي هندسة مدنية عندي خبرة متواضعة بالعراق مايقارب خمس سنوات اجيت هنانة عادلت شهادتي ودا ادرس للامتحان  حتى اخذ الرخصة قبل 3 سنين كنت اشتغل عامل بسيط بمصنع كنت مشغل ماكنة لمدة سنة وبعدين شفت اكو قسم يسموه  quality assurance  بنفس الشركة كلت خلي اقدم لانه شفت الموضفين البيه مستواهم مو اعلة مني صح امريكان لغتهم اقوة بس علميا مو احسن مني قدمت عليه والله قابلت المنجر بنفس الشركة وامتحنوني وانقبلت هسة شغلي الحالي هو  quality control inspector وهو ترة شوية اقل من المهندس مو مشكلة الهندسة ناخذها بس شوية ينرادلها وقت الاقتصاد مديساعد وبالنسبة لحضرتك والنماذج اللي حجيتلي عنها اللي ملاكين شغل ترة هية شغلة حظ لانه كل ولاية تختلف عن الاخرى يمكن اذا تحاول تغير الولاية يصبح حضك احسن مع تحياتي لحضرتك

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
اخوية الذكي ..طبعا بالبداية احب اهنيك على ترقيتك بصراحة اني اتذكرك من قبل سنتين او اكثر و اتذكر حالتك و اتصور بوقتهه كلت اني عندي ماستر مدني
اخوية اني تقريبا نفسك بديت اغسل مواعين و ترقيت الى قسم الحسابات بنفس الشركة
بس المشكلة وين المشكلة انت تبقى مو بمكانك و محصل اقل من الي مقدمه بهواي بالاضافة رغم هذا و نكول الحمد لله و الشكر لأن من اشوف الامريكان الي وياي عدهم بكالوريوس الي بالبزنس مانجمنت و الي بالهيلث كير مانجمنت اكول الحمد لله لأن الوضعية العامة بامريكا كلش تعبانة
و على كولتك هي كلهه شغلة حظ في حظ
تحياتي

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
الاخ العزيز سنوبي اني هم اكول الحمد لله والشكر ترة غيرنا ملاكين شغل وبالنسبة لحالتي ترة همة مرقوني اني رقيت نفسي لانه امتحنت امتحانهم البعبع وقابلت وانقبلت ولو ممقدم كان بقيت لحد هسة مشغل ماكنة بامريكا اذا متتحرك متصعد ولعلمك لو كانت شركتي اللي اشتغل بيها تابعة لاختصاص المدني كان هم اشتغلت باختصاصي وبشهادة العراق بس لسوء الحظ مو اختصاصي تحياتي الك

غير متصل TO US

  • عضو
  • *
  • مشاركة: 25
    • مشاهدة الملف الشخصي
هذا كلش خوش موضوع...

زين اخوان ومهندس الاتصالات اللي عنده خبرة شنو فرصته هناك؟ واذا امكن تدلوني على طريقة معادلة الشهادة... هل تاخذ وقت سنوات لو اشهر؟

وشكرا مقدما

غير متصل TO US

  • عضو
  • *
  • مشاركة: 25
    • مشاهدة الملف الشخصي
شكرا اخ نايت موون على المعلومات الحلوة، اتمنى تكمل خصوصا بموضوع شكد تطول معادلة الشهادة؟

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
اني برايي ميكانيك لانه اكو معامل هواية وكهرباء هم خوش اختصاص

غير متصل zozk

  • مبدع قسم الهجرة
  • عضو فعال جدا
  • *
  • مشاركة: 277
    • مشاهدة الملف الشخصي
العزيز eng_joker2008 من واحد يسال سؤال لازم اتجاوب بطريقة مباشرة مو اتظل اتلف و اتدور و افضل مجال هندسي مو بس بامريكا لكن بالعالم هو هندسة الكهرباء و هذا جواب بسيط اي مهندس يعرف ايجاوبة مع العلم اني مو مهندس كهرباء لكن هذة الحقيقة
اهم من هذا اني اشتغلت بشركة بامريكا جدا كبيرة و اشتغلت مهندس و كان راتبي راتب مهندس و اكتشفت انو هندسة الكهرباء تكدر تشتغل شغل
مهندس الحاسبات
مهندس السيطرة
مهندس الميكاترونكس
مهندس البي ال سي
مهندس الاتصالات
و تكدر تاخذ فد كم سيرتفيكيت و تبدي تشتغل اي تي لان انت عندك فكرة عن هذة الامور اذا كنت مهندس كهرباء و عندك خلفية قوية بالبرمجة تكدر تشتغل مهندس سوفت وير
ترة ماكو اي سبب للتهكم لو شتكول ؟؟؟؟
اهم من كل شي اخواني اني قابلت عدة مقابلات بعدة شركات محترمة اول شي ايسوة انو ايدزولد ايميل بي تكت مال امتحان اتسوي اون لاين و لاحظت اغلب جماعتنا هنانة يفشلون بي اهم من هذا معظم الشركات ايطلبون جي بي اي عالي و يسالون اشكد كان معدلك بالكلية
و انت كمهندس لازم اتكون عندك عبقرية .. اي نعم عبقرية بمجالك يعني مو اتسوي شي تقليدي لكن تخترع شي هذة هي الهندسة هنانة  لذلك اني حاليا د اغير اختصاص البكلوريوس مالتي و الله كريم
لكن اني اتفق انو الشغل هنانة حتى اتحصلة صعب و اغلب الاحيان العلاقات و المعارف يكدرون ايفيدون بهذا الموضوع جدا
احترامي للنقاش الرائع بين الذكي و سنوبي
نموت نموت كي يحيى الوطن
يحيى لمن؟؟؟
نحن الوطن
من بعدنا يبقى التراب و العفن
نحن الوطن
من بعدنا تبقى الدواب و الدمن
نحن الوطن
ان لم يكن بنا كريما امنا
و لم يكن حرا
فلاعشنا و لا عاش الوطن

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
مهندس جوكر تعال يمنا شوف المهندسين نصبوا 3 روبوتات بالشركة حتى يسرعون الانتاج شغلة تفيدك ومن اختصاصك
تحياتي الك

غير متصل Celine

  • عضو فعال
  • **
  • مشاركة: 60
  • الجنس: أنثى
    • مشاهدة الملف الشخصي
اخوية هو يا مهندس اشتغل باختصاصه حتى يكلك منو احسن ..المهندسين العراقيين هنا بامريكا زبابيل و حماميل و عربنجية يشتغلون ..نصيحة انسى الهندسة من تجي لامريكا و الي يكلك عادل شهادتك و مدري شنو من هالخريط كله انت كذااااااااب

هاي شباب .......
سنوبي انت عالرراس اي واللهع كل الي كلتة صح والمصيبة اانة المهندسيين يركضون علموك ال PE
اوف اوف هاي بعد الله ينولاني ويتولاكم شبابب

غير متصل Celine

  • عضو فعال
  • **
  • مشاركة: 60
  • الجنس: أنثى
    • مشاهدة الملف الشخصي
الاخ العزيز سنوبي على كيفك شوية وية العالم صدك مشايف لحد الان مهندس بامريكا يشتغل زبال لو حمال لو عربنجي هاي اولا
ثانيا مسالة معادلة الشهادة جدا بسيطة باامريكا ما اعرف انت مهندس لولا معادل شهادتك لو بعدك اذا متعرف شلون تعادلها اني اكدر ادليك الطريق شلون تعادلها لانه انت دتكول اذا اكو مهندس معادل شهادتة ومن هل الخريط كلة كذاب لا اكو مهندسين معادلين شهادتهم واولهم اني بس المشكلة بالشغل يريدون خبرة وخبرة ماعدنا بامريكا فلازم مثل مكال الاخ اسد بابل تصير اما لوكي او يكون عندك معارف حتى تشتغل بيها والا مراح تكدر تشتغل بس مع ذلك ترة ممشتغلين حماميل لو زبابيل مثل محضرتك تكول
مع احترامي لراي حضرتك وللجميع
مرحبا م. الذكي ..
من خلال قرائتي للمناقشة عرفت انة حضرتك ماست مدني ياحبذا لو تنطيني مختصر لاجرائات معادلة شهادتك لانة ااني همات ماست مدني وسمعت هواية عن المعادلة الصراحة ااكو اكثر من طريقة للمعادلة بالمرحلة الاولة منها فحبيت ااعرف نفس الشي وهل امتحنت ال   GRE
    نحيااتي

غير متصل hussam2010

  • عضو فعال جدا
  • ***
  • مشاركة: 273
  • الجنس: ذكر
    • مشاهدة الملف الشخصي
    • البريد الالكتروني
السلام عليكم ورحمة الله وبركاته
طبعا حبيت اشاركم موضوعكم بالنسبة للعمل الهندسي في امريكا عندي شخص اعرفة موجود في امريكا منذ سنة بالضبط والان يعمل مهندس معماري حسب اختصاصة منذ شهر من دون معادلة الشهادة ولا شي طبعا ما اكدر احجيلكم التفاصيل الان لان علي الذهاب للعمل ولي عودة لتكملة التفاصيل بموضوع منفصل
تحياتي للجميع

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
السلام عليكم ورحمة الله

اخوان صحيح العمل مو سهل بس التساهيل من ربك اعرف ولد صديق صارلة تقريبا 3 سنين بامريكا هو مهندس ميكانيك ظل يشتغل اعمال جسدية متعبة وباجور قليلة بالنهاية راح على المنظمة الي هو عنده ارتباط بيهة وكاللهم اريد اقدم على شغل يمكم كمهندس او مساعد مهندس واستمر وياهم دورات واجتماعات ويعلموهة شلون يكون بالمقابلة بالنهاية اجتي شغلة الهة علاقة بشركة WATER AND WASTE MANAGEMENT هو مشتغل بهذا الشي بالعراق وجماعة الميكانيك يعرفون هذا الشغل هو  FLUID وهيدروليك وفعلا قابل وصفوا من الماقبلين 3 سوولهم ماقبلة اضافية وهو صارت الشغلة من نصيبه والحمد لله تعين 6 اشهر تحت التمرين صحيح يكول البداية صعبة بس لازم يتعب حتى يفتهم بس هو يحمد الله ويشركه لان راتبه كمبتدا يعادل 3 مرات تقريبا راتبه من كان يشتغل اعمال حرة
الي اكدر اكوله الي يرغب انه يشتغل كمهندس لازم يحدد اما يحصل شهادة عليا وبوقته المنظمة والجامعة راح يحاولوله على انترشب او يتوجه للحصول على ال FE وراهة ال PE
بالمناسبة نفس الولد انعرض عليه شغل بس موافقوا عليه لسبب 1 هو انه ماعنده FE يعني مختصر الحياة مو سهلة هناك ابدا بس لازم تبدي صحيح حتى تستفاد من الوقت مو مثل صاحبي 3 سنين يلا
وان شاء الله الموفقية للجميع
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل hussam2010

  • عضو فعال جدا
  • ***
  • مشاركة: 273
  • الجنس: ذكر
    • مشاهدة الملف الشخصي
    • البريد الالكتروني
السلام عليكم
مثل ماحجيتلكم اعلاه اعرف شخص اشتغل بختصاصة و هذا الشخص هية زوجتي مهندسة معمارية بخبرة 6 سنوات في العراق وفي الاردن بالتصميم المعماري واحتراف الاوتوكاد  جنا نسئل على كيفية العمل بأختصاص الهندسة في امريكة عن طريق المنتدى الاخوان جانو ينطونا طرق كلش صعبة قد تصل الى 7 سنوات دراسة بالقليل وتكلف مبالغ ضخمة وينسد الموضوع وننسة الشهادة ونروح نسأل الكيس وركر يحجيلنة نفس الحجي وبعدين رحنة للجامعة اعترفو بالشهادة العراقية المعمارية بس لازم تمتحن عدد من المواد الي ما دارسيهة بالعراق وقبل الدراسة هاية لازم تاخذ التويفل هم جانت لغوة طويلة ونسينا الموضوع لمدة 7 شهور تقريبا وبالصدفة جنت دا احجي وية ولد عراقي يحجي عن واحد ما متخرج ولا شي صار من عامل بمصنع الى مدير المصنع نفسة
لانه جان يشتغل بالمعمل 12سنة فسألتة شلون خلوه فكال اعتمدو على الخبرة ...... بعدفترة فكمت اخذ زوجتي وافتر بيهة على مكاتب والشركات الهندسية في ولايتي اعتقد ضليت على هاية الحالة 4 اسابيع تطلب منهم العمل فلنتيرعلمود تكتسب خبرة  فجانو يرفضون مبدء الفلنتير بسبب الشهادة الهندسية ما مسموح يشتغلون فلنتير بأمر من الحكومة الامريكية لان يكلك الطالب الي درسة هندسة وتعب على نفسة ما ممكن يشتغل ببلاش وبقيت على هاية الحالة فدخلتها على شركة في الداون تاون وكلعادة جنت مئيس لان هاية الشركة يمكن من بعد 60 شركة قوبلت بالرفض وقابلت المدير واجتني فرحانة لان وافقو عليها بالعمل وياهم ( مهندسة معمارية ) في اول اسبوعين جانو حاطيها انترشب  وبعد الاسبوعين صارت تشتغل مهندسة تصميم وديزاين فول تايم مع منحها منفيست طبي الشركة اعتمدت على الخبرة مو على الشهادة والان الشركة حتقوم بمعادلة الشهادة في احدى الشركات المختصة بهيجي مواضيع التي تكلف المعادلة 3000 دولار ومن بعد استحصال المعادلة وبعدها   استخراج لاينسز هندسة كل هاية الامور والتكاليف وكعت على عاتق الشركة مصاريف ومتابعة
اخوتي اني هم جنت مثلكم اسأل اهنا بالمنتدى واسأل المنضمة وغيرهم وجانت كل الابواب تتقفل بس من قصة صغيرة سمعتها عن الرجل الي ما مكمل ابتدائية وصار مدير معمل حققتلنا طموح
فالي عندة خبرة خلي يروح يدور ويحجي وية المدراء مو يروح يملي ابلكيشنات لو وية السكرتارية خلي يفوت على المدير ويحجيلة ضرفة
اتمنى فدتكم من تجربتنا
تحياتي الكم

غير متصل Celine

  • عضو فعال
  • **
  • مشاركة: 60
  • الجنس: أنثى
    • مشاهدة الملف الشخصي
السلام عليكم
مثل ماحجيتلكم اعلاه اعرف شخص اشتغل بختصاصة و هذا الشخص هية زوجتي مهندسة معمارية بخبرة 6 سنوات في العراق وفي الاردن بالتصميم المعماري واحتراف الاوتوكاد  جنا نسئل على كيفية العمل بأختصاص الهندسة في امريكة عن طريق المنتدى الاخوان جانو ينطونا طرق كلش صعبة قد تصل الى 7 سنوات دراسة بالقليل وتكلف مبالغ ضخمة وينسد الموضوع وننسة الشهادة ونروح نسأل الكيس وركر يحجيلنة نفس الحجي وبعدين رحنة للجامعة اعترفو بالشهادة العراقية المعمارية بس لازم تمتحن عدد من المواد الي ما دارسيهة بالعراق وقبل الدراسة هاية لازم تاخذ التويفل هم جانت لغوة طويلة ونسينا الموضوع لمدة 7 شهور تقريبا وبالصدفة جنت دا احجي وية ولد عراقي يحجي عن واحد ما متخرج ولا شي صار من عامل بمصنع الى مدير المصنع نفسة
لانه جان يشتغل بالمعمل 12سنة فسألتة شلون خلوه فكال اعتمدو على الخبرة ...... بعدفترة فكمت اخذ زوجتي وافتر بيهة على مكاتب والشركات الهندسية في ولايتي اعتقد ضليت على هاية الحالة 4 اسابيع تطلب منهم العمل فلنتيرعلمود تكتسب خبرة  فجانو يرفضون مبدء الفلنتير بسبب الشهادة الهندسية ما مسموح يشتغلون فلنتير بأمر من الحكومة الامريكية لان يكلك الطالب الي درسة هندسة وتعب على نفسة ما ممكن يشتغل ببلاش وبقيت على هاية الحالة فدخلتها على شركة في الداون تاون وكلعادة جنت مئيس لان هاية الشركة يمكن من بعد 60 شركة قوبلت بالرفض وقابلت المدير واجتني فرحانة لان وافقو عليها بالعمل وياهم ( مهندسة معمارية ) في اول اسبوعين جانو حاطيها انترشب  وبعد الاسبوعين صارت تشتغل مهندسة تصميم وديزاين فول تايم مع منحها منفيست طبي الشركة اعتمدت على الخبرة مو على الشهادة والان الشركة حتقوم بمعادلة الشهادة في احدى الشركات المختصة بهيجي مواضيع التي تكلف المعادلة 3000 دولار ومن بعد استحصال المعادلة وبعدها   استخراج لاينسز هندسة كل هاية الامور والتكاليف وكعت على عاتق الشركة مصاريف ومتابعة
اخوتي اني هم جنت مثلكم اسأل اهنا بالمنتدى واسأل المنضمة وغيرهم وجانت كل الابواب تتقفل بس من قصة صغيرة سمعتها عن الرجل الي ما مكمل ابتدائية وصار مدير معمل حققتلنا طموح
فالي عندة خبرة خلي يروح يدور ويحجي وية المدراء مو يروح يملي ابلكيشنات لو وية السكرتارية خلي يفوت على المدير ويحجيلة ضرفة
اتمنى فدتكم من تجربتنا
تحياتي الكم

بعد التحية ....
بالبداية تحيااتي الى الاخ حسام وزوجتة .
وااكول عغية عليكم هنانة الحجي لانة مال تدرس وتعال كم سنة والداسة مكلفة مو شلون مااجان !!!!!! وياب يوفقك انت وزوجتك ان شاء الله بس سؤالي ؟زوحتك عدها خبرة من جانت بالعراق وهذا شي حلو والشركة اعتمدت الخبرة كشرط اساسي بس ااكو نسبة لاباس بها من المهندسيين الجدد الي سافرا حديثا لامريكا والي ماعدهم ذيجي الخبرة باختصاصهم والي ماعدهم ااصلا  هنانة هي المشكلة من جديد الله يوفقك اانت وزوجتك والجميع يارب

غير متصل خورشيد

  • عضو فعال جدا
  • ***
  • مشاركة: 119
    • مشاهدة الملف الشخصي
    • البريد الالكتروني
اخ zozk تحياتي

اكدر اعرف منك ان المهندس الكهرباء يكدر يطور نفسة بالعراق وياخذ خبرات وشهادات من شركات امريكية بالعراق
ويكدر ايدبر امورة

غير متصل hussam2010

  • عضو فعال جدا
  • ***
  • مشاركة: 273
  • الجنس: ذكر
    • مشاهدة الملف الشخصي
    • البريد الالكتروني
شكرا اخي العزيز Celine وربي يوفقك
وبالنسبة لسؤالك
ااكو نسبة لاباس بها من المهندسيين الجدد الي سافرا حديثا لامريكا والي ماعدهم ذيجي الخبرة باختصاصهم والي ماعدهم ااصلا  هنانة هي المشكلة

اعتقد ماكو مهندس ماعندة خبرة بالبرامج الهندسية مثل المعماري يعتمد في شغله على برنامج الاوتوكاد وبرنامج رفت اذا ما امارس هاية البرامج مع اعتزازي ماراح اكدر اكول عليه مهندس
تحياتي لك ولبقية الاخوة

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
اخوية eng_joker مع احترامي لرأيك ورأي الاخوان الاخرين بس المسألة مو سهلة مثل ما تتصور ..لمن تبلش بالشغل حتى تدفع ايجارك و بلاتك غصبن عليك راح يسرقك الوقت و حتى مجال تدور ما عندك..اني خلال سنتين و نص تقريبا كل اسبوع املي من 10 الى عشرين ابلكيشن اونلاين و لوضائف تتراوح من الانتري لفل الى السينيور انجنيير مع ذلك ماحصلت شي ..سويت بعض المقابلات بس ما انقبلت و السبب الرئيسي هو الوورك هستوري لأن مو بامريكا..الشركات دائما تحب تتحقق من تاريخ العمل مالتك بالاضافة الى شهادات الخبرة المهمه

نصيحتي للقادمين الجدد بالنسبة لمهندسي الحاسبات يا اما تحصل شهادات A+ و Mcse وccna وجماعتهن او تحترف لغة برمجة معينة و ياريت بمجال الداتا بيس..قد بعد هذا تحصل وظيفة انتري لفل تبدي من عدهه مشوارك و التوفيق من الله اولا و اخيرا


غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
اخي العزيز

عادة طلاب الهندسة الامريكان يمتحنون ال FE خلال او مباشرة بعد الصف الرابع لان تكون معلوماته فريش فيبدي يشوفوله انترشب ويشتغل تحت التدريب وبعده يتثبت ووراهة يمتحن ال PE علما انه خلال فترة دراسته هو اصلا داخل انترشب بمجال معين يعني عنده معلومات لاباس بيهة بالجانب العملي بالمناسبة ال FE , ال PE هي لجيمع الجنسيات يعني مو بس العراقيين او اللاجئين هنه رخصة مزاولة مهنة
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل hussam2010

  • عضو فعال جدا
  • ***
  • مشاركة: 273
  • الجنس: ذكر
    • مشاهدة الملف الشخصي
    • البريد الالكتروني
اخي العزيز

عادة طلاب الهندسة الامريكان يمتحنون ال FE خلال او مباشرة بعد الصف الرابع لان تكون معلوماته فريش فيبدي يشوفوله انترشب ويشتغل تحت التدريب وبعده يتثبت ووراهة يمتحن ال PE علما انه خلال فترة دراسته هو اصلا داخل انترشب بمجال معين يعني عنده معلومات لاباس بيهة بالجانب العملي بالمناسبة ال FE , ال PE هي لجيمع الجنسيات يعني مو بس العراقيين او اللاجئين هنه رخصة مزاولة مهنة
مضبوط

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
اخوية جوكر..مثل مكالو الاخوان قبلي انت اذا متخرج من امريكا امورك توب لأن الشركات تفضلك كليتك معروفه و accredited بالاضافة الى انه الكثير من الكليات توفر انترشب يخليك مؤهل للعمل..اما الي جاي من خارج امريكا مثل حالاتنه فاله الله الطريق كدامه طويل و لو بالهدف لو بالنجف

غير متصل Celine

  • عضو فعال
  • **
  • مشاركة: 60
  • الجنس: أنثى
    • مشاهدة الملف الشخصي
شكرا اخي العزيز Celine وربي يوفقك
وبالنسبة لسؤالك
ااكو نسبة لاباس بها من المهندسيين الجدد الي سافرا حديثا لامريكا والي ماعدهم ذيجي الخبرة باختصاصهم والي ماعدهم ااصلا  هنانة هي المشكلة

اعتقد ماكو مهندس ماعندة خبرة بالبرامج الهندسية مثل المعماري يعتمد في شغله على برنامج الاوتوكاد وبرنامج رفت اذا ما امارس هاية البرامج مع اعتزازي ماراح اكدر اكول عليه مهندس
تحياتي لك ولبقية الاخوة
الاخ العزيز حسام .
الهندسة بشكل عام كلة تطبيق عملي ماعدا يمكن المعمارية الاتصالات الي معطم شغلهم اوفس, بالتاكيد مايلغي فكة البرامح الهندسية لباقي الافسام بس احجيلك من منطلف خبرة شخصية كمهندسة مدني 60% اساس عملنا مواقع بس و40% برامج هندسية اما ممارسة هذي البرامج فتجي من خلال الشغل مو من خلال الي درسناة بكلية الهندسة لانة درسنا كانت عبارة عن ملخص للبرامج الهندسية هذا باعتبا انة احن بمستوى جيد جدا عند التخرج, وحسب مااشرت انة اعتمدوا اساس الخبرة العملية وليس الشهادة بتعيين زوجة حضرتك ولولا, الخبرة العملية هي الي تكسب المهندس مماسة واجادة للبرامج الهندسية وعلى راي المهندسيين الامريكان خريج كلية الهندسة فقط حريج هندسة وليس مهندس (المهندس هو خريج هندسة+خبرة)
تحيااتي