iom بغداد فقط

[ابو بنين]

الاخوة لاعزاء رمضان كريم عليكم وان شاء الله يوم السفر للجميع عندي سؤال للاخوة المقدمين من بغداد فقط وهو اذا لم تستطيع المنظمة (اي او ام )الاتصال بك على الموبايل بسبب عدم ردك على الاتصال ولاكثر من مرة هل يؤثر ذلك على سير معاملتك او ان الايميل وحده كافي

[ألن في بلاد العجائب]

لا اخويه همه يرجعون يخابرون و يبلغون بالايميل لا تخاف

تحياتي
ألن

[يوزارسيف]

مثل ما كال الن ..لكن خلي بالك يم التلفون دائما فهو الوسيلة الاسرع للتواصل مع المنظمة ....تحياتي.

[Tulip]

صح التلفون هو الأفضل خصوصا اللي جايلة موعد سفر لأن موعد السفر مايبلغ بيه الا عن طريق التلفون واكو جماعة متصلين بيهم يبلغوهم بموعد وأجراءات السفر ومحصلوهم وراح عليهم موعد السفر فدائما تليفوناتكم لازم تكون مفتوحة وبالموفقية ان شاء الله

[Aiham_]

اي الها تاثير اخوية و عن تجربة

[لورنس السفاح]

اذا بنفس اليوم
ان شاءالله متاثر لان همه اكيد راح يتصلون بيك مرة اخرى

[ابو غادة]

اخوان عن تجربة اكلكم مياثر اني اصلا متصلوا بيا بيوم مقابله المحلف وبالباب مخلوني ادخل كالوا اسمك ماموجود بس الحمد لله كنت مستنسخ كل الايميلات مالتهم وماخذهن ويايه اي سيطرة توكفي اقدم الايميلات يجيكوها ووره ربع ساعه يرجعوها الي يكولولي صحيحه اعبر لحد ماوصلت لباب سفاره وهم شحتوني وقدمت هم الايميلات راحوا تاكدوا وره نص ساعه كالولي احنا اسفين تفضل
يعني ماكو مشكله اهم شي اخذوا نسخ من الايميلات

والله يوفق الجميع

[ام مهند]

لا اخويه همه يرجعون يخابرون و يبلغون بالايميل لا تخاف

تحياتي
ألن

صح كلام الاخ الن

تحياتي

[dr.m]

الاخ صاحب الموضوع ترة ماكو اسوأ من منظمة الاي او ام طبعا هذا عن تجرية لان صار وياية موقف...انطوني موعد سفر ببداية هاية السنة و قبل موعد السفر ب3 ايام اتصلوا مرة وحدة و ما لحكت على التلفون لان كان بالطابق الثاني بالبيت و ما كلفوا نفسهم يكررون التلفون (و طلع التلفون هو تاجيل موعد السفر) رجعت خابرت قبل لا اعرف موضوع التلفون و طبعا على نفس الرقم اللي طلعلي فطلعلي واحد كلتله عندي موعد سفر بفلان تاريخ و اجاني اتصال واحد فقط ما لحكت عليه فكال ماكو اي شي مهم و اذا اكو شي مهم راح يرجعون يخابروك و طبعا كالعادة ما كو اي احد خابر وراهه الى ان رحت على الفحص ما قبل السفر(اللي قبل السفر بيوم بابن البيطار) و هناك يالله كالولي انه انت متاجل...فبصراحة و عن تجربة ماكو اسوأ و اكثر خربطة من هذه المنظمة و ضروري كلش تنتبه على تلفونك لان تره المنظمة بس بالاسم انسانية

[ابو بنين]

شكرا لردود الاخوة الاعزاء الذين ما قصروا في الرد على تساولي وان شاء الله الاخبار الحلوة لجميع الاخوة الاعضاء