مساء الخير مساعدة بخصوص استمارة 260 جماعة اس اي في مجموعة استفسارات

[micky mouse]

شلونكم حبايبي اخباركم
عندي مجموعة استفسارات بخصوص عدة امور
الاول : بيان الولادة مال زوجتي طلع بيه غلط بالاسم ولمن  سالت شلون اعدله كلولي لازم تقدم طلب وتروح محكمة وثنين شهود والخ
يعني شغلة كلش طويلة فهل بيان الولادة جدا ضروري اثناء المقابلة
الثاني : بخصوص استمارة 260 وكيفية ملئها
الثالث : اكو اكثر من ايميل على اكثر من شغلة اني بعدني مداز استمارة 260 شنو اللي بعدها
الرابع: صديقي كلي انه صيقة قبل ميدز استمارة 260 وصلة موعد مقابلة اكو هيج شي ويكول قدمت استمارة للفيزا وديريد يقابل اكو هيج شي وهم اكو استماير للفيزا لازم نمليها؟؟
الخامس والاخير : ديدزولي هواي شغلات اللي افتهمتها انه مال منظمات مجتمع مدني وخدمة الي هناك فهاي لازم اقدملهم اوراقي لو لا لو انتظر لو شنو
ملاحظة : الاجابة على جميع الاسئلة ( لكل سؤال 20 درجة )
مشكورين حبايب تعبتكم
ميكي ماوس

[Black Angel]

السلام عليكم

اولا بالنسبة لبيان الولادة تكدر تستعيض عنه بصورة القيد واذا سالوا بالسفارة كوللهم عن طريق قابلة ماذونة مو بمستشفى
ثانيا حدد اخوية شنو الي متعرفه بالاستمارة 260 واحنا وياك
ثالثا قبل متبدي تملي الاستمارة 260 حضر الهويات يمك مالتك ومال العاءلة ومجوازات السفر وال 157 واملي الفورم 230 وراهة ابدي ابلي الفورم 260 راح يصير عند اسهل بهواية همة يطلبون منك هواية مستمسكات شوف همة شنو طالبين عادة صور القيد وبيانات الولادة وعدم محكومية وعقد الزواج وهويات الاحوال وشهادات الجنسية طبعا اكيد المستمسكات كلهن مترجمة للانكليزي واحتمال اكو مستمسكات اخرى لازم تراجع الايميل وتشوف شنو رايدين منك
رابعا نعم ممكن اخي يحددولك موعد مقابلة وانت بعدك ممخلص المستمسكات وال 260 وبهالحالة متحتاج ترسل اي شي لل nvc لان راح ياخذوهة منك بالسفارة
خامسا اخي هو بكج يوضحلك من تروح لامريكا شنو طبيعة المنظمات وشلون تتواصل وياهم بالاضافة الى امور ثانية اما اذا انت تريد مساعدات لازم تملي الفورم 234 لكل شخص من العائلة بالاضافة الى فورم البنفت ونسخة من كل جواز وترسلها الى الجهة المسؤولة عن المساعدات

اذا احتاجيت اي شي اخر برسم الخدمة بس حاول اخي سؤالك يكون واضح مو عام جدا حتى نكدر نوضحلك بالي يمكنها عليه رب العالمين

تحياتي

[micky mouse]

حبيبي الغالي اني جدا اشكرك والله راح ابلش بال230 وراها ابلش بال260 ومثل مكلت على موضوع البيان ممنون ورد والله ما قصرت وفدتني حيل بس بعدني شوية بموضوع المنظمات ممفتهم هو ضروري امليها او وشنو اللي يقدمولياه واسف اذا كان سؤالي وشية مو وضاح اخي اغالي

[Black Angel]

اهلا وسهلا اخي العزيز ايامك سعيدة وكل عام وانت بخير
بالنسبة للمساعدات هي مبلغ من المال تقريبا 1100 دولار يسمى ويلكم مني بالضافة الى التامين الصحي والايجار لفترة تتراوح من 3-8 اشهر فود ستامب خاص بالاكل وكاش مني وهاي الامور تفرق من ولاية لاخرى وحسب اعزب لو متزوج