هل فتاة النت فتاه سيئه ولا يفضلها الشباب ؟موضوع مهم للنقاش

[nuhra]

فتاة تكتب في منتديات الانترنت
أتت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك
الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعة مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها

وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون خطابات الدعوة لليلة الفرح الموعودة

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام ؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان نفتح المنتدى لنشاهد مواضيع خطيبتك ؟

قال العريس والعرق يتصبب ولما لا ؟

فتح الزميل المنتدى استخرج بالبحث جميع مواضيعها
ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي ؟ قالت امها لامانع .. اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل ؟
لكنه فاجاءها بسؤال واحد
هل انتي الكاتبة الفلانية في المنتدى الفلاني ؟
قالت نعم انا هي
قاطع حديثها وقال اسف انا لا اتزوج فتاة انتر نت
وأطبق السماعة

حالة قد تمر يوما ما على فتى او فتاة

فما موقفكم ؟
- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
- 3 -
بنظركم ،، هل كل فتاة تستخدم النت لابد أن يكون لها صديق ؟
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً )))
ارجو ان تجيبون على السؤال بصراحة

[stella]

اذا كانت الفتاة التي محبوسه في غرفه واحده تدعى سيئه في البلاد العربيه فعلى الدنيا السلام.

 وبختصار، الشاب الذي لا يرضى بمثل هذه المراه, لا يريد اي امراه من  هل زمن.
شكرا على الموضوع الحلو

[Loleeee]

موضوع حلو للمناقشة
عزيزتي نهرا راح اجاوبج من وجهة نظري بالنسبة للشاب ما مفروض يتدخل بهالشغلة لان البنت من دتكتب بالنيت جانت تكتب قبل لا تنخطب يعني هاذي حياتها الشخصية قبل لا تعرف هذا الشاب فا مو من حقه يتدخل بهالشي او يزعل عليه بس ورا ما يخطب البنت و تصير اللعلاقة رسمية بيناتهم ذاك الوقت يكدر يحاسبها
وشي ثاني البنت من تتعرف على شاب و تصير علاقة جدية بيناتهم تكدر تعترفله و تكوله اني اكتب بالمنتديات او اشارك بمواضيع او ادخل الجات وغيرها من الامور و هو ميصير يزعل لان مثل ما كلت هاي حياتها الشخصية شوكت يكدر يزعل و يقطع علاقته بيها من تصير العلاقة جدية بينهم و يطلب منها تعوف المنتديات و هية متعوفه ذاك الوقت من حقه يزعل و يبهي علاقته بيها
اما اذا كانت العلاقة اللي تربط الولد بالبنت علاقة صادقة و حقيقية فا ما يأثر بيها اي شي لا المنتديات ولا غير شي ... بس ملخص الحجي سبب كل هذا هو الغيرة اللي يشعر بيها الشاب تجاه البنت اللي يحبها و مثل ما نعرف الغيرة تجي من الحب الصادق

وشكرا على الموضوع و اسفة على الاطالة بالجواب

[كارولين-البغدادية]

هللوووو.. موضوع جميل جدا للنقاش..

بصراحة هذه السالفة سامعتها من زمان.. انه البنت اللي تكتب بالأنترنت مو زينة...!


ليش ؟؟؟؟


ليش شبيها البنية اللي تكتب بالمنتديات ؟؟؟

خل كل واحد يشوف نفسه ، ويشوف خواته وبعدين يحجي عالعالم..


بصراحة اللي ما يحبني لأني اكتب بالمنتديات ، ما يستحقني .. لأني والحمد لله ، أعرف شكتب ... وأكيد كل بنت ومن كتابتها تبين إذا زينة وبنت ناس لو لا.. ومو كل من ضحكت صارت مو زينة...!

ومثل مكالت لولي ، هذه حياة البنت الخاصة ، عود لمن تنخطب أو لمن تشوف ابن الحلال ، يكدرون بيناتهم يحلون القضية وكل واحد يكول رأيه.. إذا يريد الشاب من حبيبته الإستمرار او لا..!


تحياتي وشكرا عالموضوع أختي العزيزة

[RoOoVi]

ردود جميلة جدا
وشكرا على الموضوع الرائع


صراحة ماكو داعي لهيجي تصرف لان هذا مو الحل
شاكو بيها اذا بنية تكعد على النيت او المنتدى ... بس كلشي بحدود المعقول
واكو شي اهم من هذا ... ليش النيت النا مسموح (الولد) وللبنات محروم ؟؟
اريد جواب صريح ومعقول من الولد[/color]

[nuhra]

شكرااا  ستيلا ولولي وكارولين وروفي على مشاركتكم بالموضوع ومروركم الجميل

[babylon_11_1]

 الموضوع خطير واني ما احب اكول بس شي اذا نمشي وراء كلام الناس فلازم احنا لانسوي شي بس نشتغل ونكعد بل بيت كدام التلفزيون علمود الناس ترضا علينه  وتكول فلن زين وفلان موزين لن يستعمل النت شنو هل العقليه القديمه على قسط الناس اني من اريد اتزوج راح اكتب بل كارت حب بل انترنت حتي الناس تموت من القهر          نهرا انتي ملكيتي غير موضوع  ام المشاكل    ههههههههههه

[mahir jamil]

اولا انا اتعجب ونحن في الالفية الثانية وبعد اكو  هيجي عقول تعبانا لانه لايوجد اي عيب  او حرام في اي  مناقشة او رد ثانيا الفتاة السيئة سيئة اينما كانت وانا اعرف فتيات ونساء من عوائل محترمة ومتزمتة  وتكون عضوة محترمة ولا يستطيع اي واحد الكلام عنهم  ولو بكلمة وشكرا

[Firass]

اعتقد العالم وصل الى المريخ و احنة بعد اكو بينة ناس يكولون يصير تكعد البنية عالنت لو لا و يصير البنية تسوق لو لا و ما اعرف شنو طبعا كلشي يسوي الولد تسوي البنت و بدون اي فرق اعتقد احنة مثل مكال اخوية القبلي بالقرن الواحد والعشرين و هاي الأفكار مال العصور الجاهلية  ... الى متى نضل بهاي السوالف و غيرنة ديعبر مراحل تطور بالسرعة الي هوة مدا يلحك بيه .. تسلمين نوهرا على الموضوع

[nuhra]

شكرااا لكم على ردودكم ومشاركتكم برايكم

[FreeManEyes]

مرحبا نهرا

قبل لا اجاوب راح أني هم سأل فد سؤال (هل شاب النت سيء ولا تفضله الفتيات؟؟)
ليش كل ما صار شيء نسوي البنية شماعة و نعلق عليها الاخطاء ؟؟ احنه بزمن ما فرق بين البنيه و الولد لا على النت و لا على ارض الواقع مثل ما اكو طبيب اكو طبيبه و مثل ما اكو رئيس جمهوريه اكو رئيسة جمهوريه  .طيب شنو الفرق ؟؟ ماكو اي فرق اذا البنيه ضحكت على نكته فالولد هم ضحك اني اعرف هوايه بنات على النت و بصراحه كلهم في غايه الاخلاق و اللطف و الطيبة و نفس الشيء بالنسبة للشباب الذين اعرفهم طيبين و لطاف . خلي نشيل هاي النظره عن بنات النت و لو هاي الكلمة مو حلوه بس نضطر نكولها شكراً

[nuhra]

شكراااا FreeManEyes على مشاركتنا برايك وشكراا على مرورك الحلووووو

[heart sniper]

هاي شباب شلون البنات الموضوع حلو  ويستاهل النقاش

اني حسب راي الي يفكر ابهل  الطريقة يعني هذا شخص مريض وما عنده ثقة
لا بنفسة ولا بالشخص المقابل ثانيا احنل وصلنا لعالم صار بي النيت جزء من حياتنا
اليومية واعتقد اغلبنا النيت بالنسبة الا صيار جزء من شغلة واني بالنسبة الية ثل ما
الولد عنه حقوق فا البنية هم نفس الشي واعتقد هذا الشاب اصلا جان على حجة على
هاي البنية فشافلة هاي الحجة علمود ينفصل وياها هذا راي الشخصي وشكرا.

heart sniper

[nuhra]

heart sniper شكرااا على المرور والرد الحلووووو

[husswoo]

والله موضوع جميل وشيق وياخذ عدت مجالات للنقاش وكلام الاعضاء الي قبلي كافي بس حبيت اكول انو اليوم اصبح النت جزء رئيسي بحيات الانسان واعتقد انو الانسان ما يكدر انو يستغني عنه ويدخل بكل مجالات حياته وحتى العاطفيه منها لذلك ما نستطيع ان نتهم انسان بانو سيء لانه استخدم العلم والتكنولوجيا سواء كانت بنت او ولد  لذلك ما نستطيع ان نطلق الاحكام جزافا على اي انسان اله بعد ان تكون عشره ودراسه معمقه لنفسيه وشخصيت هذا الانسان وبعدين بامكانا ان نطلق اي صفه تناسبه واعتقد انو من مكملات شخصيه الانسان الاحتكاك بالجنس الاخر واكتساب الخبرات لذلك اني اكول انو فتاه النت هي فتاه متعلمه  وليست فتاه سيئه


تسلمين اخت نهرا  وشكرا على هذا الموضوع

[ankawa_data]

الاخت نوهرا

اني اشكرج على اثارة هذا الموضوع

الذي اثار شك هو ان الفتاة هذه هو انت

وحتى لو تكونين انت ام الموضوع فانه ليس من حق

اي شاب اهانة الشابة بهذه الكلمات المتخلفة الرجعية

التي ان دلت على شي فانها تدل على تخلف هذا العجوز

وليس من حقه ان نسميه شاب لان كلمة شاب تعني النشاط

والحيوية والتجديد والمستقبل وليس التخلف والذبول

والرجعية ... واني شخصيا من اكثر المعجبين ببنات

النت لانهم وبالتاكيد اكثر المام بالتطور ونحن نعيش

في عصر التكنلوجيا وليس في عصر (الحجرلوجيا)

تحياتى

عنكاوة داتا

[nuhra]

شكرااا اخي على مرورك ومشاركتك برايك .... بس لانه اني اثرت الموضوع مو بالضرورة اكون المقصودة بالقصة.....
وطبعا اني هذي الفكرة شفتها بغير منتدى وطورت عليها ونقلتها الكم ....لانه الموضوع مهم ممكن اي انسان يمر بيه والعقليات ماشاء الله منوعة واكو هيجي افكار ناس يعتقدون انه فتات النيت سيئة ...

بس المشكلة اللي لكيتها بالموضوع انه الكل اللي راح يجاوبون اكيد يرفضون هذا الشي ... وهذا اكيد لانه اللي ديستعمل النيت واصل فت امكانية تقبل البنية تعمل عالنيت... بس يمكن لو يجي شخص ما شايف نيت او هيجي شي يمكن راح يكول غير راي ....

تحياتي  

[salam adil]

هذا الموضوع جدا مهم بالنسبه النه كشباب ونعاني من هاي الحاله بس انا اتكلم عن نفسي اولا هاذا الشي بالنسبه الي مرتاح لان اني ماعندي اخت حتى تكون في هالمواقف بس انا بالنسه الي ما اقبل البنت الي احبه انهو تحكي ويا احد غريب بالجات بس اقبل تحكي ويا شباب الاخويه مالنه بالكنيسه لان احنه نعرفم وهمه همينه وحلو يكون التواصل بينه بس لغير غرض انا ما اقبل وحتى هي هم متريد احد غريب يحكي وياهه بس انا ما اعرف اذا هذا الشي هو صحيح او لا بس انا اعتقد انو البنات الي يقعدون على الانتر نيت يكون بالشكل المعقول ويستخدمون الانتر نيت لغرض الاستفاده من الاشياء الزينه والمفيده الي بيه مثلا الدخول على هذة المواقع الدينيه والتثقيفيه مو المواقع التافه واسف على هاي الكلمه لان اكو مواقع فعلا تستحق هذا المعنى بس البنت مو هيه المشكله الوحيده لان شمعنه البنت تصير مشكله النسبه اله والولد لا الاثنين معرضين للخطاء ولا نحكي على البنت وننسى الشباب لان شبابنه هم يخلطون في استخدام الانترنيت س احنه من واجبنه انهو انبه ونصحح وارجو ان هذا رايي يعجبكم ويفيدكم تحياتي للجميع اخوكم في المسيح سلام عادل

[nuhra]

شكرااا سلام على مرورك الحلووو ومشاركتك بالموضوع

[لانس كونوي]

تسلمين أختي الكريمة نوهرا عالموضوع



بالرغم من أنه عنوانه عام جداً وهو عن فتاة النت

فتاة النت ما نعرف اي مواقع تتصفح أصلاً !
هل هي مواقع مخلة بالأدب لا سمح الله ؟
أم مواقع محترمة كمنتديات المعرفة والعلوم واللقاءات الإجتماعية والمواضيع المفيدة ؟؟؟



لكن بقراءة متن الموضوع وقصة خطوبة الشاب للكاتبة بالمنتديات

أشوف أن الشاب ما يستاهل هالبنت مثل ما تفضلن أخواتي لوليي والبغدادية كارولين والإخوان مشكورين

يعني شاف له حجة واهية حتى يتهرب من شخصيتها القوية والمحترمة

نعم

مثل هؤلاء الشاب للأسف ما تنفعهم إلاّ البنات إللي يضمون عليهم !

لأنه جزاء صراحة ووضوح البنت الكاتبة هو رفض الشاب لها



إذن

لا يجوز الحكم على الفتاة لمجرد إستخدامها الإنترنت

لأن الكثيرين بعالمنا اليوم يستخدم الإنترنت

تبقى صفات وسلوكيات الإنسان وثقافته وأخلاقه هي معايير تقييمه









مشكورة ويعطيكِ ألف عافية اختي الغالية نوهرا

[your angle]

انا اهنئك على هذا الموضوع المهم لكل فتاة وشاب
احب ان اعطي راي انو مو كل فتاة استعملت النت يعني هي (سيئة) فيوجد من هي متعلمة ومثقفة وتعرف كيف تتصرف  هل يعني اللي تحجي مع الجنس الاخر يعني هي سيئة لالالالالالالالالا
هذا التفكير غير صحيح . ان الشاب الذي يحكم على الفتاة التي تستعمل النت(سيئة) فهو شاب جاهل ولايعرف الحياة على هذه الارض (يبقى لايثق باي فتاة على الاطلاق)حتى لو كانت لاتستخدم النت لانه بمجرد انه سمع من فلان كلام عليها يصدق فهو عندو مشكلة بنفسه(ماعنده اي ثقةلابنفسه ولابالاخر) خاصة في هذا العصر(عصر التكنولوجيا)

[vanoshka]

تسلم ايدج نهرااااااااااا ياوردة على هذا الموضوع الجميل واحب اشارك الرد مع الاعضاء الكرام

يعني لو اني كنت بمكان هاي البنت ولله اكول لهيجي شاب اني اللي مااريدك ولا اريد هذا العقل المتخلف اللي يحتويك
لانه مو كل اصابع الايد متشابهة او معنى انه اكو كم شخصية شاذة تتصرف بطرق غير مناسبة هذا يعني انه تعكس صورة لكل فتيات النت
نعم انا فتاة النت واقولها للجميع فانا اشارك اخوتي واصدقائي افراحهم واحزانهم ومشاركاتهم وكلي شرف بان اكون عضوة في مواقع نت رائعة وجميلة .
فجميل ان تعبر عن خواطرك وتشارك الاصحاب والاصدقاء ونتبادل الاحاديث العامة وماذا يختلف النت عن باقي وسائل الحياة . الا نجتمع في الكنائس والحفلات والسفرات والندوات الا نخاطب الجنس الاخر فاذن اين الاشكال ؟
ولكن هي عقدة موجودة في ذهون البعض . وهي ليست عقدة وحسب وانما مرض الشك وعدم الثقة
اااااااوف حجيت هواية والموضوع جدا حلو الواحد لو يتناقش بيه منا لباجر مايخلص . شكرا مرة ثانية خاثي نوهراااااااااااا

[تيريز]

هاي اني صديقتكم الجديدة تيريز من بغداد                                                                                                                                           الموضوع على فكرة حلو  بس ماكو بنية بهذا الوكت متكعد عالنت واذا اي شاب يسال فتاة انتي تكعدين عالنت وجاوبت لا اكيد هي كذابة       وبعدين النت مجرد تسلية   واذا البنية تتزوج  راح تقلل من كعدتها على النت راح تلتهي بزوجها وبيتها واسرتها                                                                                                                                             وشكرا لكم                                                           قبلاتي

[hewy]

شكرا خاثي نوهرا على طرحك للموضوع .......

بالنسبة الى رايي... مو راسا نكول لا ميصير نعتبر فتاة النيت سيئة ...

لا ...لكن نحكم وفق ما تتصفح وتكتب وتتكلم .
فكثير من الفتيات في قمة الاخلاق وهذا نراه من خلال ما يكتبون ويناقشون ويتصفحون لمواقع فيها من الفائدة الكثير .وهناك الكثير من الفتيات الاجتماعيات اللواتي يستقتل الشباب للتكلم معهن لرقي اخلاقهن .

لكن في المقابل هناك من الفتيات من استحي ان القبهن بالفتيات حيث يتصفحن في مواقع لا انسانية مليئة بالشهوات الحيوانية او تكون ردودها مشبوهة وملغمة بالشبهات واما على الجات فحدث ولا حرج تلزك بالشباب وتعرض نفسها وتثير المشاكل الى اللا محدود .هكذا فتاة من حق الشاب ان يرفض الارتباط بها لانها وبكل وضوح فتاة سيئة

اذن مثلما هناك فتاة صالحة يتشرف الانسان بالارتباط بها سواء كزوج او صديق اكيد هناك العكس
لذا فعلا قد تكون فتاة النيت احيانا سيئة .

فلا تحكم قبل ان تتاكد لان الناس كوكتيل بيهم الطيب وبيهم اللا.

[nuhra]

شكراااا يا ورود على مروركم وردكم الحلووووووووووو

[باسل ادريس]

ان النظره السوداوية المغلقة جعلت كل شئ على البنت ممنوع   ومنها استخدام النت .

الكل يعلم ان اي اختراع او تقنية لها وجه ايجابي واخر سلبي  والانسان لديه العقل في ما يفيده او يضره

وانا اعتقد ان علاقة النت تبقى شفافة ونقية مثل ان صح التشبيه  قصص الحب العذري  روميو وجولييت وغيرها  هذا ان وجدت هذا علاقة. 

                                                                                   تحية

[nuhra]

شكرااا اخ باسل على مرورك ومشاركتك الحلووووة

[teena]

كيف حالكم يا شباب  .لقد جذبني الموضوع لاقرا  المشاركات والاراء لكن  بنفس  الوقت وجدت ان هذا الشاب الذي رفض هذة البنت هو من العصر الجاهلي ومع الاسف ان ترتبط الشابة  المثقفة بهذة العقلية التي تتمحور  حول العزلة والانغلاق عن العالم .ألم يسمع هذا الشاب عن معنى ثورة المعلومات الهائلة التي  يكتسبها الشخص من الانترنيت اسرع وابسط  واسهل الطرق ؟في  حقيقة  اني لا  احبذ الارتباط  بشخص مازال في العالم الاخر لانة سيكون عالة ليس لي  فقط بل  للمجتمع و لنفسة ايضا .ان  البنت  الشريفة لا يمكن لاي  شىء ان  يفسدها لا النت و لا اي  قوة اخرى لكن من  يتكلم عن  الناس  ومن يحكم على العنوان فهو  جاهل لايستحق  الاعتبار  ونصيحتى للشباب ان  يرفظوا  هذا  الفكر  المتطرف و ان يتطلعوا للمستقبل لان المراة سوف  تدخل  جميع الميادين  والخطر  لا  مفر  منه يارجال العصر  الجاهلي .

[nuhra]

شكرااااا تينا على مشاركتنا برايج

[atoreta82]

فعلنا هذا الموضوع مهم للنقاش لان هذه حاله رايتها بنفسي وخاصه للعراقين المقيمين في سوريا حيث اغلب الشباب ياخذون نضره سيئه على الفتاه التي ترتاد الى مكاتب الانترنيت حتى لو ارادت الفتاه الذهاب للنت للتحدث مع اقاربها في الخارج لانها الوسيله الوحيده تمكنها من الاتصال باسعار معقوله باتت تخشى على نفسها من نضره الشباب والتكلم عليها بالسوء انا براي الشاب الذي يفكر بهذه الطريقه على فتاه لمجرد دخولها النت هو شاب لايزال يعيش في القرن الجاهلي

[abeer]

ردي على هذا الموضوع

  مو كل اصابعك سوى

يعني اكو بنات شريفات ومتعلمات ومثقفات يدخلون الانترنيت والمنتدايات مو لخاطر تصيدلها صيدة او تقشمر على فد واحد وانما هدفهم يكون اسمى واتصور 99,9 % من البنات الموجودات بالمنتدى مثل هل بنات

واكو نوع ثاني من البنات الي يريدون بس يقضون وقتهم ويصيدون صيدتهم فهاي نسبة جداً قليلة ومعدومة هنا بهل منتدى بس اني شفت هيج بنات بغير منتديات بحيث توصل بيهم الجراءة الى كتابة غزل الي... والله يبعدكم يا شباب مثل هيج بنات

اخوكم عبير

[nuhra]

شكرااا اتوريتا وعبير على ابداء رايكم ومشاركتنا افكاركم

[مراد قلي]

ان فتاة نت ليس تسيئة لكن بشرط تعرف شلون تتصرف من خلال هاي نقاط:
1- لاتدخل باسمها حخقيقي ولالاتتحدث بما تفتعه بنت لصديقاتها وخاصة اهلها لأنهم يفهمون بانها تعمل جاتات وتصادق الولد لقلة فهمهم هو بدون شي الناس تحجي لحد لو كشفت اسرارها شلون

2- اذا فتعت ماسنجر لاتتكلم مع اي شخص لأنه هناك من الناسش ضعفاء يسجلون اصوات
3- لاترد كثيرآ على مواقع لكِ لاتتورط بمناقشات ويكشف شخصيتها ومكان تواجدها
4- لاتكن اما اهلها ملهوفة لفتع نت ولاامام صديقاتها ليفهموها بسؤ ملهوفة على شي اخر

5- لاتثق باحد بنت نهائيآ حتى لو كان نفس ديانتها وقوميتها او منطقتها

ولأسف قبل كان للبنت حرام تدرس عيب او تلعب رياضة او تغني او تعمل بمسرحية بلمدرسة الأن نرى نفس شي بعصض بيوت تضوج من ترى بناتها قاعدين على نت خوفآ من عمل صداقات غير جيدة
لكن الأن صار شويا احسن

على كلين شكرآ لفتعكمِ الموضوع جميل وواقعي

[saloniki2]

يـانـاس،يـانـاس،نحـن نـعيـش فــي عـــام 2008.باي حـق تـعتـبر فـتاة الـنـت سـيـئـة و غـيـر مقبوله؟

ومن هـؤلاء الـشـبـاب الذين سـيـحكـمـون على مـصـيــر الفـتـيــات؟الشـباب لا ياخذون بنظـر الاعتـبار ثقـا فـة

الفتاة بل اسـتعمالها للنــت ....

الانـسـان المــثقف والمتطلع  لا يـنظـر الى الشـجــرة و يـخـسـر الغـــــابـــة.
تـحـياتي لكم جميعـا..

لــيــث الـمـــــالـح

[سوسن كليانه]

شكرا لبي نوهرا عالقصه.... وهي  اتعبر على التخلف واللاوعي او الغير تحضري احنا نعيش حاليا في زمن الكمبيوتر والثقافه والعلم فلو كان هو مثقف ومتفتح ماكان لازم يتصرف بهذا الاسلوب.

مابالنسبه لسؤال1_عن الفتاة الانترنت فهذه تسميه خاطئه لان احنا في زمن العلم والمعرفه والتطور.

2_وبالنسبه دخولهم الانترنت ومخاطبه الجنس الاخر...فاذا كانت المخاطبه لغرض المناقشات عن مواضيع معينه ومفيده وتخص المنتديات ويستفادون منها وتكون محترمه فاكيد الفتاة ليست سيئه.

3_حتى لو تتكون صداقه بين شخصين عبر النت بس على شرط اتكون مبنيه على الاحترام المتبادل فذلك ليس عيبا.

4_يجب ان لاتتخطه الحدود او تتدخل مواقع سيئه .

5_تقول للانترنت باي وداعا عندما يؤثر ذلك على حياتها او مستقبلها .

6_السؤال الاخير اذا منتديات معروفه والها اسمها وسمعتها مثل منتىدى عنكاوه فلا مانع لذلك .

مع جزيل الشكر

[غروب الشمس]

اولا مشكورة نوهرا الوردة على الموضوع القوي والجديد

وثانيا النت حاله حال اي شي ثاني بالحياة عنده اضراره وفوائده وعلى الفتاة والفتى الواعيين معرفة كيفية استخدامه بالطريقة الصحيحة، ولو كان هناك صفة غير لائقة تعطى لفتاة تستخدم النت انا متأكدة اننا لما كنا هنا. مو بنات لو مومو؟
على فكرة الولد هم نفس الشي بس مذكرت لان ظهركم قوي ومحد يكدر يحاجيكم لوووووووووووووووووول

[nuhra]

شكرا يا ورود على مروركم وردكم الحلوو

[lena_wrda]

حقاً أن هذا العريس هو شخص متخلف ولا يستحق هذه الفتاة المثقفة والصريحة ومع الاسف بأن مجتماعتنا الشرقية تجعل الفتاة تكذب فقط لكي تكون بنظرهم انسانة جيدة و رائعة ولا يجعلون مكان للصراحة بحياتهم ولهذا نرى الكثير من الفتيات يلجأون للكذب فقط لكي لا يتعرضوا لهكذا مواقف مثل الموقف التي قد تعرضت له هذه الفتاة

وبالنسبة لفتاة النيت مؤكد هي فتاة ليست سيئة فالذي يعرف كيف يستخدم النيت بطريقة ايجابية ومفيدة مؤكد لن يرى منهُ سوى الفائدة والجمال ولكن التي  قد تكون من أصلها فتاة سيئة فمؤكد بأنها ستُسيء استخدام النيت وسيُطلق عليها فتاة سيئة ولكنها ستكون بكل حياتها هكذا وليس عن طريق النيت أصبحت سيئة
وعلى العكس النيت فيه الكثير من المنتديات الجميلة التي تُثقف الانسان وتزيد من معلوماتهُ وفي النهاية كل هذا يعتمد على الفتاة التي تتصفح النيت فالتي من أصلها جيدة ستعرف كيف تتصرف بالنيت فقط بكل ما هو مفيد و جميل

ويسلمووووووووو عززتي نهرا على الموضوع الجميل والهام للنقاش

[اوتافيا_2008]

اني مع الاخت لينا لان مو اي بنية دخلت نت معنها موزينة وحتى لو شاركت بالمواضيع الموجودة يعني اذا تختلط تصير بنظر العالم موزينة عجيب هذا الشي والله زين الي تاخذ رقم من واحد وتحجي ويا مثلا اذا كان ابن المنطقة مالها واجها خطابة من غيرمكان وسال عليها مو نفس الشي يمعود المحترمة محترمة بكل مكان وحتى اذا تغتلط لعد اذا هيج لازم ماتنوظف ولا نروح كانايس ولانشارك بنشاطات كنسية حتى لاتغتلط بالشباب زين ليش الشباب يضوجون من البنية الي تكعد نت ويجيهم مليون سؤال عن ويامنو تحجي وغيرها ليش مو اكو هواية ولد متزوجين ويسون علاقت بالنت ويا بنات بلا ميكولون عن علاقتهم الزوجية ليش هذا مو اذى للبنية وخيانة لزوجة؟؟؟؟

[غاده البندك]

هكذا زوج متخلف و رجعي و لايقدر كيان امرأته او خطيبته و لا يستطيع ان يثق بها لأتفه الأسباب لهو انسان عار عن انسانيته. لا يستحق الخوف منه دون ارتكاب جرم. و يجب مناقشته بالموضوع
مهما كانت النتائج و اقناعه ان الحكم الخارجي هو ناقص.

كما ان لكل شيء له حدود و الفتاة الرزينة توزن وجودها و تعرف كيف تستثمر نعمة الإنترنت دون ان تقلل من قيمتها ، و ذلك بمزج التواضع بالجدية و الحذر.

موضوع هام و خطير

شكرا لطرحه.

[المستبدة]

يسلموووو نهرا للموضوع الرائع , شفت الردود كلها و أنا من رأيهم .
يعني هي ما مسوية شي غلط حالها حال غيرها من الناس .

[بنية القوشية]

اختي نوهرا اكيد مو غلط انو البنية تكعد عل نت
و اكيد مو كل اصابعج وحدة
يعني اكو بنات يستخدمون الانترنيت للاشياء الغلط
بس اكو غير شكل يستعملوه للمناقشة مثل اغلبية  بنات وشباب منتدانا

1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
عادي كلت نظرتي فوك

- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
اكيد لا

- 3 -
بنظركم ،، هل كل فتاة تستخدم النت لابد أن يكون لها صديق ؟
اكيد لا
مثلا اني استخدم النت بس ماكو عندي صديق و هوايا غيري

- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
طبعا انو متدخل على المواقع ال...........

- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
لمن يجيلها مشاكل منا

- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً )))
اكيد بس بحدود و ميبالغون بيه

تحياتي

[مطرالشتاء]

هاى انى صديقة جديدة لكم
                      بخصوص هذا الموضوع ليش دائما الفتاة او المراء مضلومة
حتى فى ابسط حقوقها اليست هى ايضا انسانة من دم ولحم
                                           يعنى شنو بنية تكعد ع  نت عادى مجرد ثقافة وتوعية الروح
        بس الشباب اليوم ماعدهم ثقة باانفسهم لهذا ليس لديهم سوى الكلام الزايددددددددددددددد                                                                                                   

[maher_85]

al9ra7ab mn bdaya howa asas 7oob o al nja77777777

[عراقية كلدانية]

شكرااااااااااااااااااااااااااااااااااااااااااااااااااااااا
على الموضوع الحلو

[Ankawi-N]

هاي شباب شلون البنات الموضوع حلو  ويستاهل النقاش

و اني  بصراحة كلش  حبيت اشارك و شكرآ يا  الاخت نهرا
..........................................................................

الاول شئ هاذا  التصرف يجي  من  التخلف  تبعآ  و نقص ثقة من النفس و ثاني  شئ  احنا  هسة بعصر متطور مو متخلف .... و مي  صير احنا نسوي  بكلام  الناس ... و البنت قبل  ما  يخطبوهه  هية كانت حرة و هي  حياتها  الخاصة و من  تنخطب  او تتزوج لازم هي  تعوف كلشي و دور على مسؤليت البيت .. و هكذا  الولد  و كل  اصابع  ايد  مو  نفس الشئ .....و شكرآ  الاسف على التقصير ...
                          تحياتي  للجميع الاعضاء..
                                              Ankawi-N

[nuhra]

شكرااااااااااااااااااااا  لكم جميعا
على مشاركتكم بالموضوع وابداء ارائكم القيمة

منور المنتدى بوجودكم