أخي العزيز اكيد اكثر الاخوان مفكرين بهكذا طريقة بس بيها شروط وصعبة احجيلك على محاولتي بالحصول على فيزا دراسة لاكمال اختصاصي على الماجستير وقابلت مندوبين من جامعات .. ايرلندا ، بريطانيا ، استراليا ، امريكا .. اتوصلت لنتيجة معهم للحصول على هذه الفيزا يجب اجتاز امتحان اللغة توفل ، او ايلتز والشرط الاخر وهو المهم تأمين مبلغ مايعادل 25-30 الف دولار .. اكيد اللي عنده هيج مبلغ حتى اللغة ممكن يجتازها لان يوجد بعض الجامعات يكون القبول مشروط يعن يميطالبوك باختبار الغة من البداية وانما بعد التسجيل والحصول على مقعد دراسي وعندي صديق وقبل ما اجي لعمان قدم على جامعة في بريطانيا لاكمال الماجستير وبالفعل حصلها لان عنده مايعادل 25-30 الف دولار امنه بالبنك وبعدها سافر والان خلصت السنة وهم اكيد حصل على الماجستير من اهم دولة في العالم وقبل فترة اشوفه على الفيسبوك صورها في هولندا او السويد ؟؟ الظاهر غير الفيزا من دراسية الى اقامة او ماشابه ذلك .. اما بخصوص الفيزا السياحية بالنسبة اللي ممجربها لكن حتماً اكثر صعوبة وتحتاج كونك تاجر او اتأمن مبلغ مايعادل 50 الف دولار حسب ما اسمعت .. ارجو ان تكون المعلومات افادتك لكنها حقيقية من مجرب وبالتوفيق .
