شلون قابلت مقابلة اولى متتمنهاة لعدوك ... فهموني رحمة على والديكم شنو السالفة خربت لو لا

[صحفي عراقي]

السلام عليكم ورحمة الله وبركاته ...
شباب آني جيت لعمان قادماً من سوريا بتاريخ 8/8/2011 ( يعني بعدني بالجيس ) ... قابلت يوم 29/8/2011 مقابلة اولى قابلتني وحدة شابة ... ما عدهة اي ذرة من الرحمة او الاخلاق ولا تتفهم أي أمر ...
طبعاً احنة عائلة ( آني وزوجتي وابني ) اول ما استلمنة أوراق القصة كتبنة الأسماء وجان يصيحونة فما لحكت اكتب القصة كاملة ...
المهم دخلنة للغرفة تحجي ويانة عبالك عبيد كدامهة وتستفز بية وشحجيلهة تكلي اي مو مهم لو تكلي يالله ياعمي كملي وبصورة مو حلوة المهم كعدت اكتب بالقصة كدامهة وهي كام تاخذ مني معلومات عن قصتي فأخذت 70% من القصة وجان تكلي خلصت المقابلة ... !!؟؟ وراهة انطتنة ربع ساعة كتبنة القصة بصورة مستعجلة وانطيتهيا ... وطبعاً كتلهة آني مالي حل غير التوطين وهاي السوالف ...

هذا الصار وياية وما ادري شلون راح تصفة ... طبعاً يجوز يلوموني بعضكم ويكول جان لازم تحجي واطالب بمقابلة مسؤول واطالب بتغيير الموظف بس صدكوني احنة ملجومين من سوريا صارت بعائلة وطالبو بتغيير الموظف وانوبة فروهة عليهم ولعبو بملفهم طوبة ...
فآني تجرعت المسألة على مضض وحاولت اطلع منهة بأقل الخسائر ....

فيا أخوتي وخواتي فهموني شنو قرائتكم لحالتي ... شسوي اعوفهة على هلحالة لو شسوي ... وطبعاً ( المكموعة ) ما قبلت تاخذ كل وثائقي أخذت بعضهة  ...

[cristiano ronaldo]

حسبي الله ونعم الوكيل

اكو ناس يصيبهم الحظ ويقابلوهم اشخاص جدا ودودين ومبتسمين وتصير المقابلة مالتهم سهلة

الله كريم اخي مادام انت مخربطت روح والهوة بظهرك

الموفقية انشاءالله

تحياتي الك والموفقية بأذن الله

[ــــ{{{ABADY}}}ـــــ]

حبيبى الصحفى شنو قلتلك على التلفون؟؟؟؟؟؟؟؟؟؟؟؟؟؟؟




عمى ناااام مرتاح ولا تفكر امورك بالسليم ان شاء الله

[صحفي عراقي]

حسبنا الله ونعم الوكيل ... والله يا اخوية سنتين ونص بسوريا شفت الويل وجيت هسة استفتحت بهاي عديمة الضمير ...

[صحفي عراقي]

حبيبي الغالي عبادي وأخوية الجبير ... والله يا اخوية انت خير معين بعد الله بهاي الغربة ... بس أنت تعرف شغلتي كلش زين وصدكني مدنام الليل من ورة هاي المقابلة الكشرة ... بس نسأل الله ان تعدي على خير ... دعواتكم

[ميمي2010]

لا حول ولا قوة الا بالله العلي العظيم
 اخي هاي المقابلة باليو ان معقولة ليش هيج تصرفت وياك الموظفة بس اخوي اصبر ولا تتاخذ اي اجراء اخف يشدون وياك متعرف اكو ناس نفسياتهم مريضة
اصبر ان الله مع الصابرين

[ــــ{{{ABADY}}}ـــــ]

حبيبي الغالي عبادي وأخوية الجبير ... والله يا اخوية انت خير معين بعد الله بهاي الغربة ... بس أنت تعرف شغلتي كلش زين وصدكني مدنام الليل من ورة هاي المقابلة الكشرة ... بس نسأل الله ان تعدي على خير ... دعواتكم

وعيونك معديه على خير واحسب فتره قصيره انت متحول على التوطين

[صحفي عراقي]

وعيونك معديه على خير واحسب فتره قصيره انت متحول على التوطين

آمين الله يسمع منك يا طيب ...

[yasir fakhri]

أخي العزيز هاي احدى طرق الاستفزاز اللي مرات يستخدموها للتاكد منك ومن قصتك ان كانت حقيقية او لا
لاتضوج أخوية وانشاءالله امورك ماشية لانه بعض الناس شافوا الاصعب من هاي وهسة هم حاليا ببلد التوطين
تمنياتي لك بالموفقية والاستقرار

[صحفي عراقي]

حبيبي الغالي ياسر أشكر مرورك ودعواتك ياطيب ... الله يطمن قلبك ... وييسر امرنة وامرك

[محارب]

الله يسهل امورك ويوديلك واولاد الحلال
اخويه لاتشيل هم هاي العوبه اللي قابلتك كلشي مابيدهه لاتقلق
خلي عينك بعين الله

[saeedsaeed]

اخويه الصحفي العراقي الله يسهل امرك ويريح بالك لاتشيل هم هواي لهاي المقابله الاولى وراك مقابلات ربي يسرلك امرك بيهن
فأنسى الي صار وفكر بالي جاي والله يوفقك

[saleem 6]

اخي صحفي عراقي الله يكون بعونك ويسهل امرك ويكتب لك الذي تتمناه انت وليس غيرك
اخي الا بذكر الله تطمئن القلوب

[فارس العراق 90]

حبي الصحفي اني لما قابلت وحدي بشهر 12 جان كلش زين وياي وره اسبوع كلي جيب اهلك ضيفهم ملحكت اجيبهم وره اسبوع رحتله كتله انطيني بس يوم جان طردني وصيح عليه وره اسبوع اخذت موعد جديد يعني بشهر الواحد 2011 دخلت عليه نفسه لان قضيتي يمه هم ملحكت يمه كتبت القصه هو يسئل واني اكتب القصه مالتي ولله وراه بشهر نص اتوطنت والحمدلله واتحول ملفي بشهر الرابع للهجره الله سهلك انشاء الله لان هي مو بيدهم اكو لجنه خاصه بتوطين تدرس قصتك فتوكل على الله

[ألن في بلاد العجائب]

اي اخويه عادي اني بمقابلة التوطين سووت بيا فلم هندي لا ينحجي و لا يتسولف و رجعت خابرتني 3 مرات بالتلفون يوميه تعيد المقابله كلها ع التلفون

[ابو زيـــن]

السلام عليكم اخي راسل المنظمة وحجيلهم الي صار وياك بالتفصيل والله كريم تحياتي

[اسامة الهاشمي]

الله يكون بعونك اخوية صحفي وربي ييسر امرك وان شاء الله ماكو شي وهذا روتينهم الي كاعد يستخدموه ويانه ..
مثل اليتيم الي ما اله احد بس رب العالمين الناس الي ما عدهه ضمير تلعب بيه طوبة ويصيحون عليه الي يسوه والي ما يسوه وتلكاه هو تاج راسهم ... بس محد يسنده ويدافع عن حقه .
واحنه العراقيين تدري محد النه غير رب العالمين ومحد يطالب ويدافع عن حقوقنه لا دولة ولا منظمات بس ان شاء الله يجي يوم ويرجعون مثل قبل .
المهم ربي يسهل امرك ويريح بالك وينطيك على كد نيتك وان شاء الله ان شاء الله ياررررررب باسرع وقت تتوطن وترتاح ...

وافتقدناك بسوريا يا غالي .



ابو نور / دمشق

[كلي امل]

اخويه صحفي لتفكر ولا تضوج لان انت اساسا عندك ملف ومسجل بلامم بسوريا واكيد جماعه عمان راح يسحبو لملفك من سوريا وبي كل التفاصيل الي مالحگت تكتبها وتفاصيل القصه وانشالله خير يارب

[Abnaa Al-Iraq]

اخي العزيز فد لا اللي قابلتك هاي اللي شعرها نكرو وتلبس مناظر هي شابة بس عفتها طالبة ماجستير قانون وكلش كريهة رغم كنت اتكلم معها باعصاب باردة جداً وبثقة عالية لكن حاولت عدة مرات تستفزني وهذا اسلوبهم وتعيد التواريخ بشكل مغاير والاسماء بشكل مقارب واني اصححلها لدرجة وبعد مخلصت كالتلي اني راح اقبلك كلاجيء رغم كلامك غير مقنع هههه ؟؟!!

مع العلم عندي اوراق وشهادات وثبوتات ملف كامل ... وبعد كلامها المقرف بشهر ونص تم توطيني على الرغم كنت جديد وما اعرف المنتدى الرائع ولا عندي علاقة بالاخوة العراقيين وصورت راح قضيتي تنركن ومحد يكلبها واذا بيهم يخابروني على مقابلة توطين بعد شهر ونص فقط .. لهذا اخي العزيز لتهتم لان مو بيدهم اي شيء مجرد موظفين واكثرهم قانونيين يحاولون يستفزون ويتأكدون من معلومات الشخص هل هي صحيحة ام ملفقة لا اكثر .

وبالتوفيق .

[ام تسنيم1]

اخويا العزيز خليهه على الله اني هم مثلك    بس خليتهه يم رب العالمين    الكاتبه الله يصير

[(COBRA)]

اخي الصحفي ........
المفروض من تكتب القصه  كان عليك تلخصها ب 3 كلمات  لان مراح تلحك تكتب كلشي
اولا مهدد  ومهجر ..... ومطارد.؟
وهي بعد ذلك راح تسرد القصه كلها شفويا الها  نقطه نقطه........
احنا مصار هيجي شي ويانه بدايه المقابله ... بس انطونا استماره للمعلومات عن الاسماء والي بالخارج والداخل   وسبب الخروج من العراق ....... وبعد ذلك تم المقابله بصوره سلسه وشفويه ......
عموما انشالله  خير ولاتهتم همه يعتمدون على كلام الي حجيته...... بس لاتنسه بمقابله التوطين عليك تذكر ماقلته

[الزبيدية]

اخي الصحفي لا تدير بال كثير منا صار بي هالشي واني وحدة منهم وضليت اسبوع تعبانه نفسيا بس بعدين نسيت الموضوع وجماعتنه بالمنتدى الله يبارك بيهم هونو عليه الامر واني ايضا ردت اشتكي على الموظف والجماعة هنا نصحوني بنسان الامر فاخي هونها تهون والله كريم ان شاء الله يتم توطينك وتسافر وتصير سوالف

[صحفي عراقي]

مساكم او صبحكم الله بالخير يا هلي الطيبين ...
والله يا أخوتي وخواتي ما اعرف شكلكم وشلون اشكركم ... لكن والله كثير هونتوا علينة أشكركم شكر جزيل جميعاً وممنون منكم جداً ...
ولاتنسوني من دعواتكم الطيبة ... أتمنالكم الموفقية وأشكر كل من رد او أطلع على الموضوع ...

[manny81]

اخوية السلام عليكم ..... لا تشيل هم ولا تقلق ..... الموظفة اللي قابلتك لا تحل ولا تربط  بس تهىء الملف للمحلف لا اكثر ولا اقل ....... ويمكن هية عدهه ظرف خاص او بنهاية الدوام شمروكم عليهه كوة فذبت حركته بيكم .... المهم لا تنسة هية لا تحل ولا تربط بس شغلتك كلش طبيعية وحقك ميضيع انشاللة وكون كلش طبيعي

[alzandawi]

اخوية العزيز صحفي عراقي اطمئن والله جماعة اعرفهم بلمقابلة لعبو نفسهم يعني بس محجوزلهم رجعة لبغداد وهسة يسمعون حسك باريزونا اتوكل على الله وهوة مينسى احد

[ام مهند]

ما خربت واطمأن عاديه حيل

[Iraqi77]

اخي الكريم 
1, موضف iom بالمقابلة الاولى  واجبة يستلم منك نسخ من الوثايق الخاصة بيك  وب عائلتك الكريمة
2, يكتب القصة مالتك و يرجع  يقراها الك وياكد عليك انو هيه هاي القصة وبعدين يخليك توقع عل القصه
3, هذا الموضف مابيدة  شي  عليك  بس انته  لازم تتذكر  القصة الي انتة وقعت عليهه لان راح يسألوك
على هاي القصة بالمقابلة الثانية 


وبالموفقية انشاء اللة