مساعدة على استمارة I-360 الرجاء مساعدة مستعجلة

[ZOKO1976]

السلام عليكم

اخواني الطيبين ...عندي صديق ديملي الفورم I-360  و محتاج مساعدتكم
بخصوص Part 1 الفقرة 2 اتكول Company or or Organization Name  اللي المفروض يكتب بيها اسم الشركة اللي اشتغل بيها
سؤالي انه الشخص مشتغل وية شركة عراقية متعاقدة وية الامريكان فهل يكتب اسم الشركة العراقية لو يترك الفقرة فارغة لو يكتب N/A لو None ؟
اكون ممنون لأجاباتكم و اتمنى اتكون عن خبرة حتة انفيد الولد
و الشكر الجزيل للجميع مقدما و شكر خاص الاخونا عراقي هواي

تحياتي

[yasir fakhri]

حبيبي انت يخلي اسم الشركة اللي كان يشتغل وياهم مثلا TITAN / GLS / OR whatever you want

[ZOKO1976]

حبيبي انت يخلي اسم الشركة اللي كان يشتغل وياهم مثلا TITAN / GLS / OR whatever you want

زين مو هو جان يشتغل وية شركة عراقية و هاي الشركة عدها عقود وية اكثر من جهة امريكية...يعني تقصد يكتب اسم وحدة من الشركات اللي اشتغلت وياها الشركة اللي جان يشتغل بيها؟
شكرا لمرورك

[ZOKO1976]

شنو ماكو بس اخونا ياسر عندة خبرة بالموضوع؟
يمعودين همتكم وين؟!!!
UP

[ZOKO1976]

ليش هيجي؟؟؟؟؟؟
صدمة
جبييييييييييييييييييييييييييييييييييييرة
معقولة ليهسة بس واحد بالمنتدى ايريد ايفيد الباقين من خبرتة؟؟؟؟ 
ممنون الكم يا عينكاويين... وشكرا جزيلا

[cristiano ronaldo]

اخوية اعتقد انه لازم يكتب اسم الشركة العراقية

وننتضر باقي الاعضاء يجاوبوك

[ألن في بلاد العجائب]

اخويه العزيز

اكتب اسم الشركه العراقيه بالاضاف الى الجهه الي متعاقده وياها و حضر العقود الي ويا الجه الامريكيه لان تحتاجها

تحياتي
ألن

[need justice 1]

حبيبي هم من قدم اصلا الشخص الامريكي اللي وقع له الريكومنديشن على يا شركة يشتغل
يخاي اسم الشركة التابع لها الشخص الامريكي الكتب له الريكومنديشن وال اتش ار لتر منين جابها ومن موقعها
ما ينرادالها شي

[امين عبد الله]

 الجواب الصحيح هو  ما ذكره الاخوان ( ألن في بلاد العجائب والاخ need justice 1 ) وسوف تجده مكتوبا في شروط التقديم على برنامج ال SIV

[need justice 1]

شكرا اخ امين
 

[willpower]

من رخصة الاخوان. اكو خطأ بالمعلومات الى دتنطي الحضرتك.

اخي اذا حضرتك دتسأل بخصوص استمارة I-360  و بالتحديد Part 1 الفقرة 2 .... فلاحظ انو بدايه البارت شنو مكتوب.

Part 1: Information about person or organization filling this petition
(individuals use the top name line, organizations use the second line …..etc

بمعنى هذا البارت ميخص اسم الشركة الي صديقك اشتغل بيه ابدا. اذا صديقك هو الي ديملي الفورمه فهايه الخانه يكتب N\A  . و بالبارت الاول الي يصير فوكاه يكتب اسمه و اسم الاب و اسم العائلة..... لا اسم شركة ولا هم يحزنون.

تحياتي

Willpower

[need justice 1]

والله انا بوقتها كتبت
GLS
ويمكن هي هاي اللي ماخرتني 10 لو ادري كاتب N\A
كان هسه الفيزة بجيبي

[ZOKO1976]

مشكورين كل الاخوان اللي ردو على سؤالي
yasir fakhri
cristiano ronaldo
ألن في بلاد العجائب
need justice 1
willpower

اللي اشو اكو تضارب بالاراء..فدوة الولد داح ....
هسة شيسوي يكتب N/A لو اسم الشركة العراقية ويا الامريكية ؟
لأن اني اللي افتهمتة من الفورم مثل ما كال الاخ willpower انه هاي تنكتب ابحالة الشركة دتمليها و بعد ما اعرف!

[ZOKO1976]

والله انا بوقتها كتبت
GLS
ويمكن هي هاي اللي ماخرتني 10 لو ادري كاتب N\A
كان هسه الفيزة بجيبي

هاي مو خوش سالفة ... الله ايساعدك على 10 اشهر منتظر.... كان الله بالعون

[ZOKO1976]

اخوية اعتقد انه لازم يكتب اسم الشركة العراقية

وننتضر باقي الاعضاء يجاوبوك

شكرا اخي كرستيانو....يعني شوفوا الولد عندة لعبة اليوم و عاف التمرين و النادي و جاوبني على سؤالي
حيل ممنون اخوية
 

[need justice 1]

اخي انا كتبت GLS وما بسطوني وصديقك حر
 

[ZOKO1976]

اخي انا كتبت GLS وما بسطوني وصديقك حر
 

اي صحيح اخي انت اصلا تشتغل وية ال GLS بس الشركة العراقية اشلون؟

[yasir fakhri]

أخي وعزيزي صاحب الموضوع كلنا مرينه بهذه المرحلة من أشهر مضت وأكيد من مرينه بهذه المرحلة سألنه باقي الأخوة الذين سبقونا في رحلة الهجرة مع مراجعتنه لموقع اللي يتحدث عن ملئ الاستمارة وانت اللي عليك تسويه أما أتباع الرابط اللي يتحدث عن كيفية ملى الاستمارة وما المفروض وضعه في الفراغ اللي تتحدث عنه أو أنه تمشي برأي الأكثرية من الذين فعلا قد ملئوا هذه الاستمارة ومعظمهم حاليا يعيش في بلاد العم سام .. أحيي كل من شارك وابدى رايه في مساعدتك وهذا من شيم  العراقيين واللي نادرا مانشوفه في بلدان أخرى. نصيحتي الى صاحبك أنه يخلي أسم الشركة اللي وقع العقد وياها واكيد العقد ثانوي sub-contract وايضا يذكر اسم الشركة الامريكية اللي مذكورة في العقد كدليل على العمل مع الحكومة الامريكية لانه منو بامريكا يعرف الشركة العراقية؟ واللي حيكون مطابق للتوصية اللي راح يقدمها للسفارة .حبيبي توكل على الله لانه صاحبك وراه حصبة وجدري
أخوكم ياسر

[ZOKO1976]

أخي وعزيزي صاحب الموضوع كلنا مرينه بهذه المرحلة من أشهر مضت وأكيد من مؤينه بهذه المحلو سألنه باقي الأخوة الذين سبقونا في رحلة الهجرة وانت اللي عليك تسويه أما أولا أتباع الرابط اللي يتحدث عن كيفية ملى الاستمارة وما المفروض وضعه في الفراغ اللي تتحدث عنه أو أنه تمشي برأي الأكثرية من الذين فعلا قد ملئوا هذه الاستمارة ومعظمهم حاليا يعيش في بلاد العم سام .. أحيي كل من شارك وابدى رايه في مساعدتك وهذا من شيم  العراقيين واللي نادرا مانشوفه في بلدان أخرى. نصيحتي الى صاحبك أنه يخلي أسم الشركة اللي وقع العقد وياها واكيد العقد ثانوي sub-contract وايضا يذكر اسم الشركة الامريكية اللي مذكورة في العقد كدليل على العمل مع الحكومة الامريكية لانه منو بامريكا يعرف الشركة العراقية؟ حبيبي توكل على الله لانه صاحبك وراه حصبة وجدري
أخوكم ياسر

ممنون اخوية ياسر
و فعلا العراقيين اهل غيرة و اني اشكر كل واحد ايحاول ايساعد ..بارك الله بالطيبين امثالك و امثال الاخوان اللي شاركو حتة ايساعدون شخص ميعرفو و لا شايفي و هذا دليل عالغيرة و النخوة الاصيلة
و بس جنابك كلت اكو رابط بي تفاصيل ملي الاستمارة ...يا رابط تقصد ؟
شكرا للجميع مرة اخرى

[yasir fakhri]

حبيبي zoko هذا الرابط
www.uscis.gov/files/form/i-360instr.pdf
وماكو اي مشكلة على اي محرك تكتب  Instruction for Form I-360 / special immigrant petition

[need justice 1]

عاشت ايدك اخ ياسر

[willpower]

اخويه صاحب الموضوع انت تعرف تقرأ انكليزي لو لا ؟لو اتطكطك؟ اذا تعرف... فاقرأ ثم اقرأ زين الاستمارة قبل لا تملي المعلومات.

قريت اشمكتوب فوك بالبارت 1 ؟ لو هايه الجماعه كاتبيه ديكور حته شويه تنملي الصفحه؟
. ديكلك هايه الفقرة خاصه بالشخص الي ديملي الاستمارة. اذا جنت انت ابو الانه نفسك دتملي الاستماره فاملي السطر الاول و اذا الجهه الي دتملي هايه الاستماره شركه او منظمه فاملي بالخانه الثانيه و السطر الثاني.
بعد لو هسه السفير بنفسه يكولي لا لازم تكتب اسم الشركه الي اشتغلت هم اكله انت غلط. واني مسؤل عن حجايتي . هي مينرادله خبره و مو شغله تجميع اراء. لان الشغله واضحه.

بعد انت ضلت يمك ,تكتب اسم الشركه... اتعوفه فارغ... تريد تكتب اسم المنتدى  انت بكيفك.

وفي الختام السلام

Willpower

[MohdS]

حجي شوف هذا الرابط راح يجاوبك على هواية شغلات http://www.ankawa.com/forum/index.php/topic,389950.0.html

[ZOKO1976]

حبيبي zoko هذا الرابط
www.uscis.gov/files/form/i-360instr.pdf
وماكو اي مشكلة على اي محرك تكتب  Instruction for Form I-360 / special immigrant petition

عزيزي ياسر..هذا الرابط قاري كلة..مابي اشارة واضحة للفرة 2 من البارت 1 بس بي شرح عام و كل نوع تقديم شنو متطلباتة بس مذاكر انه نكتب اسم الشركة
ممنون

[ZOKO1976]

اخويه صاحب الموضوع انت تعرف تقرأ انكليزي لو لا ؟لو اتطكطك؟ اذا تعرف... فاقرأ ثم اقرأ زين الاستمارة قبل لا تملي المعلومات.

قريت اشمكتوب فوك بالبارت 1 ؟ لو هايه الجماعه كاتبيه ديكور حته شويه تنملي الصفحه؟
. ديكلك هايه الفقرة خاصه بالشخص الي ديملي الاستمارة. اذا جنت انت ابو الانه نفسك دتملي الاستماره فاملي السطر الاول و اذا الجهه الي دتملي هايه الاستماره شركه او منظمه فاملي بالخانه الثانيه و السطر الثاني.
بعد لو هسه السفير بنفسه يكولي لا لازم تكتب اسم الشركه الي اشتغلت هم اكله انت غلط. واني مسؤل عن حجايتي . هي مينرادله خبره و مو شغله تجميع اراء. لان الشغله واضحه.

بعد انت ضلت يمك ,تكتب اسم الشركه... اتعوفه فارغ... تريد تكتب اسم المنتدى  انت بكيفك.

وفي الختام السلام

Willpower
 

هاي قوية مال اسم المنتدى..ههههه... بس اخاف ادارة المنتدى متقبل
عزيزي...اني اللي افتهمتة من اول مرة انه هاي تنملي اذا اللي ديملي الطلب شركة او منظمة .... لأن الحمد لله انكليزيتي زينة بس المشكلة افتر عندي الديلكو من قريت الارشيف مال منتدى اللي مكتوب بي انه لازم تملي هاي الفقرة
و ابصراحة حتة اذا جان لازم انعوفهة فارغة ..فالاحسن ان ينكتب هذا الحجي ابموضوع حتى يستفاد من عندة الغير
اخي Willpower ..مو غلط جمع الاراء خاصة من ناس عدها خبرة و مالية هاي الاستمارة و امسافرة
شكرا جزيلا على ردك

[ZOKO1976]

حجي شوف هذا الرابط راح يجاوبك على هواية شغلات http://www.ankawa.com/forum/index.php/topic,389950.0.html

شكرا اخي العزيز..هو هذا الرابط اللي خلاني اسوي هذا الموضوع لأم اببداية البارت 1 مكتوب
Information about person or Organization Filing this petition (individuals use the top name line; organizations use the second line )

يعني انه هذا الجزء : المعلومات حول الشخص او المنظمة الذي يعبيء هذا الالتماس( الاشخاص يستخدمون خانة الاسم العليا , المنظمات يستخدمون خانة الاسم الخانة الثانية )

بس من قريت الرابط حيل افتر عندي الديلكو

شكرا جزيلا مرة ثانية