كيفيه تقديم استأناف للمرفوضين iom بغداد

[big show]

السلام عليكم

اخوان حبيت استفسر الي عنده خبره بكيفيه تقديم الاستأناف بعد رفض المحلف يعني شلون اندز طلب والمن وشنو بالطلب نكتب ونرسله ايميل لو بريد الرجاء مساعدتكم ولاتبخلون علينا بأي معلومه والله يسهل امر الجميع وتسافرون بخير وسلامه

[sahar38]

اخوية بعد شكت من مقابلة المحلف اجاك الرفض ...

[big show]

4 اشهر بالضبط

[storm2000]

السلام عليكم
اخوية العزيز الاستئناف ايصير عبارة عن ورقتين  تكتبها على الوورد وتركز على الموضوع الي ماصدك بيه المحلف او الي الح بيه عليك او سبب رفضك مكتوب عندك وتحاول اتوضحلهم الصورة اكثر لان الي راح يقره الاستئناف مو هوه نفسه الي قابلك ومن تكتب الاستئناف تسحبة بالطابعة وتوقعة وتسويه سكنر ودزه على الايميل مال iom وتكتب رقم الكيس  مالك وحاضر لاي سؤال

[ام تسنيم1]

اخونا ان شاء الله تستانف وتنقبل وهوايه انقبلو بعد الاستئناف بس تكدر توضحلنا شنو سبب الرفض اذا مابيهه زحمه

[big show]

تلفيق بتلفيق شوضح يا ام تنسيم همه من مايريدون احد يطلعون علي حجج من جوه الكاع ابسط شي يكولولج كلامج مو متوافق ومو صحيح

[big show]

اخويه ستورم اني كتبت ورقه بيها شرح للنقاط الي همه رفضوها بيه وطبعتها على الوورد بس اني حسب ماقريت بالتعليمات الي همه كاتبيها اول شي يريدوها عربي انكليزي ويريدوها لازم تنبعث بريد والعنوان بعمان وماذاكرين شي عن هنا بغداد انت دزيتها على ايميلهم مال iom ؟؟

[صفاءالدين]

            أخي ستورم تحية طيبة سؤال عن حالة تهمني جدا... شخص مع عائلته مسجل على UN في سوريا وبعد قراءة ملفه قالوا  له  ان ملفك غير مشمول بالتوطين .غير انك تبقى لاجى وفي حماية ال UN بسوريا ...علما ان الامور التي تعرض لها بالعراق مما يستحق ان يكون له توطين وذكر الامور التي مرت عليه بالعراق .. وللتأكيد ان ملفه لم يحول توطين وبالتالي لم تجرى له اية مقابلة لا بكفر سوسة ولا بال IOM ... فما هي نصائحك اخي المحترم ستورم لصاحب الملف والعمل الذي عليه لمراجعة ملفه واحالته على التوطين ...(علما ان جوابهم له كان يوم الثلاثاء 6 ايلول)