ماذا بعد الدورة التثقيفية لل IOM وبالنسبة للSIV تعرفون احد سافر هاي السنه؟

[BlancoCool]

صباح الخير ان كان صباحا ومساء الخير ان كان مساءاً
شلونكم شباب وبنات - عندي استفسار .... اهلي خابروهم علمود الدورة التثقيفية وكملوهه والحمد لله يوم 5\9 ماعدا اختي كلولهه مموجود اسمج؟؟ ماادري ليش مع العلم هي كملت مقابله اولى وثانيه ويه باقي اهلي.... فسؤالي شنو يجي بعد الدورة التثقيفية؟؟ وهل معناها انو اهلي هاهيه تم قبولهم مادام خابروهم عالدورة التثقيفية والباقي مسألة وقت؟؟؟  والسؤال الآخر من يطلع موعد السفر يطلع لكل افراد العائله معاً باختلاف ارقام الكيس نمبر مالتهم وبتاريخ واحد لو اكو احتمال انو يطلع موعد سفر لكيس نمبر معين والبقيه بعدين؟؟؟؟

وبالنسبه الي اني SIV وكملت مقابلتي من الشهر الثالث وكلولي انتظر 6 اشهر  ,,, اكو احد منكم او احد تعرفوه او احد تعرفوه يعرف أحد او احد تعرفوه يعرف احد يعرف أحد..... الخ سافر هاي السنه تكلولنه عليه بلكت تصعد معنوياتنه شويه

ولكم جزيل الشكر والتقدير

[/color][/b]

[ضوء]

ماعليك الى الانتظار اختكم ضوء

[fddd]

السلام عليكم احنا اى اوام من انطونا الدورة التثقيفية جانو حاطينا على جدول السفر فانشاء الله خير

[BlancoCool]

شكرا اخت ضوء.... واخ fddd بعد شكد من الدورة اتحددلكم موعد السفر؟؟

[جاسم كراده]

 السلام عليكم ....
والله اني ابصرحا اهلي هم كملو الدورة التثقيفية في نفس التاريخ اعلاه مع العلم اني( اس اي في) وامكل مقابله من العام شهر 12 والى حد هسه ماكو شي..... 

ان شاءالله الفرج للجميع