مظاهرة الامم المتحدة 12/9/2011 الاثنين

[اسمر كنان]

             بسم الله الرحمن الرحيم
ايها الاخوة والاخوات ابناء الجالية العراقية في مصر لقد تم استحصال موافقةالمكتب الاقليمي للامم المتحدة في القاهرة على اقامة وقفة احتجاجية سلمية امام مكتب المفوضية السامية لشؤن اللاجئين في القاهرة الكائن في مدينة 6 اكتوبر الحي السابع شارع مكة المكرمة وذلك يوم الاثنين الموافق ( 12/9/2011 ) من الساعة ( 11 صباحا لغاية الساعة 12 ظهرا )وسيتم تقديم مذكرة احتجاج باسم الجالية العراقية في مصر الى الامين العام للامم المتحدة تتظمن النقاط التالية :

1- سوء الاوضاع السياسية والمعيشية التي يعاني منها الشعب العراقي منذ الاحتلال الامريكي للشعب العراقي ولغاية هذا اليوم .

2- الاصرار على عدم بناء ميناء مبارك الكويتي بسبب الاضرار التي سيلحقها بالملاحة البحرية العراقية وتاثيره السلبي عليها .

3- الاوضاع السيئه والمتردية للاجئين العراقيين المسجلين لدى المفوضية السامية لشؤن اللاجئين في مصر بسبب البطئ في تسيير معاملاتهم كافة وعدم الاهتمام بهم وهناك تميز بينهم وبين اللاجئين من الجنسيات الاخرى .

ملاحظة .....

نحن لانتبع اي حزب او مكون سياسي بل اننا مجموعة من ابناء الجالية العراقية في مصر جمعتنا راية العراق وسيكون شعارنا العراق فوق الجميع


للاستفسار الاتصال على الارقام التالية

( 0144316111 - 0110028445 - 0111649738 )

[Dark...Angel]

ملاحظة .....

نحن لانتبع اي حزب او مكون سياسي بل اننا مجموعة من ابناء الجالية العراقية في مصر جمعتنا راية العراق وسيكون شعارنا العراق فوق الجميع



هذه اجمل ملاحظة بلموضوع

وفعلا نقاط مهمة .... فكرة سليمة ورائعة

واتمنى لكم التوفيق لكل الموجوديين في مصر

الف شكر لك عزيزي صاحب الموضوع على نقل الخبر

وبارك الله فيكم على هذه نقاط ولملاحظة الرائعة

تحياتي

[ابو نعنوع]

اخي صاحب الموضوع بارك الله بيكم وفقكم الله
اقسم الك اني لو بمصر الا راح تلكاني اول واحد بهذي المظاهره لان احنه عدنه الي يتظاهر بالعراق ينقتل مثل ما قتلوا اخونه وزميلنه شهيد العراق (هادي المهدي) رحمه الله خويي نصيحه لله المحاوله جهد الامكان التركيز على النقطه الاولى والنقطه الثالثه ..اما ميناء الامبارك فاذا حكومة الحراميه موافقه عليه شنو الي نكدر احنه ان نسويه بس موضوع الوضع السياسي والمعيشي وموضوع اللاجئين عاشت ايدك على هذه الفكره الرائعه خويي لازم ان تذكرون هذا الشيء ان امريكا احتلت العراق وهي المسؤوله الان عن ما يجري بالعراق فاصبح من الضروري على حكومة الولايات المتحده ان تساعد المهاجرين واللاجيئن لان وكما اسلفت ان الي جاي يصير بينه من وره الولايات المتحده واذناب الامريكان حكام المنطقه الغبراء وكم اتمنى لو ترفعون ولو صوره صغيره الى شهيد العراق هادي المهدي الي قتلته مليشيات الدوله المدعومه بكواتم الصوت الايرانيه ...شهيد العراق الي كان يطالب بحقوق العراق والعراقيين وبدون ان يفرق بين اي احد منهم  كان يحمل هموم العراق والعراقيين في قلبه الكبير لله درك ياشهيد العراق كم انت رائع ياهادي وانني احسدك لانك نلت الشهاده يا اخي ويا عزيزي الذي لا ولن انعيك لانك حيي وساشارك بكل مظاهره وسوف ارفع صورتك معي هذا اذا لم اقتل من بعدك وخصوصا التهديدات بدءت بالوصول الي ... رحمك الله يابن العراق

[فـلـونـا]

الله يوفقكم وينصركم

[ميمي2010]

الله ينصركم يارب وويوفقكم

[ابو مريم سوريا]

الاخ اسمر كنان

تحية طيبة

براي المتواضع لو تخلون التركيز بهاي الوقفه الاحتجاجية على النقطة رقم 3 يكون افضل واجدى واكثر نفعا من ان يتم تشتيت المطالب بمطالب هيه اصلا حكومتنا الرشيده ممعترفه بيه والدليل التقرير اللي قدمته اللجنة الفنية حول ميناء مبارك واللي يكول ماكو اي تاثير اله على العراق هههههههههههه
مجرد راي

وبالتوفيق ان شاء الله

اخوكم
ابو مريومة
cairo

انا مع الاخ ابو مريومة

[اسعد الزبيدي]

تحية  طيبة  لكل  الطيبين  


             وياكم  بس  بالفقرة  3   لان  الي  عايش  بالامرين  هوة  اللاجئ   المتهجول

                تحياااااااااااااااااااااااااااااااااااااااااااااااااااااتي

[شنايزر]

الله يوفقكم بهاي الخطوه ولكن لو يتم التركيز على النقطة الثالثه لانها من صميم معاناتكم هناك

وانشاء الله خير

[sahar38]

بالتوفيق يا رب وجميع النقاط جيدة

[PlatinuM]

أنا من رأي الاخ ابو مريومة في أن يتم التركيز على النقطة
الثالثة والتي تخص أوضاع اللاجيء العراقي
تحياتي

[بصراوي مظلوم]

عاشت يدك ابو مريومة النقطة الثالثة اهم من الكل البقية خليها الحكومة تحلها

[احمد سلطان]

مع راى الاخ ابو مريومة التركيز على نقطة الثالثة

[اسمر كنان]

شكرا لكم على مشاهدتكم الموضوع بس اني مجرد ناقل للخبر الي اتوزع في 6 اكتوبر باوراق مطبوعه تم توزيعها على الناس لكي يتم نشر الخبر لاكبر عدد ممكن واكيد كما تقولون سيكون التاكيد على فقره رقم 3 التي تخصنا بالذات والي يستطيع الحظور بارك الله بيه والي مايكدر هم براحته والله يوفق الجميع

[عراقيه 3]

اني ايضا من راي الاخ ابو مريومه لان احنا هنا كالاجئين اعتقد مغبون حفنه عن باقي دول الجوار  خلونه انركز على نقطه رقم 3 حتى كنا انشارك وياكم على الاقل ينسمع صوت لحقنه ولو لمره في مكتب المفوضيه  لان احنه هنا ابصر انعاني من بطى سير معاملتنا  وياريت لو كل احنه كعراقين موجوديم في مصر انشارك اختكم من مصر

[مغتربة في مصر]

افضل شئ هوة التركيز على النقطة الثالثة
بالتوفيق ان شاء الله

[Edy Simon]

عزيزي ابو مريومة
بارك الله بيك, لأنه انت رفعت صوت اللاجئيين العراقيين, او اقترح المشاركة بالمظاهرة لأنه اكيد مجازة من قبل السلطات المصرية , او هذي فائدة الكم او فرصة لأجل رفع اصواتكم ومطاليبكم, حتى الأمم المتجدة اتشوف انه الشعب العراقي المشردفي مصر ما يرضي بالظلم.
او حاولو ان ترفعو شعار النقطة الثالثة لأجل ان يشوفون الأمم المتحدة اشكد امقصرة وياكم ابمصر, او اتمنى لك وللمشاركين الموفقية والسلام
جوسي البغدادي

[Edy Simon]

عزيزي ابو مريومة
شكراً عزيزي ياوردة , نادرة من نوعها, او اتمنى الك باجر ان تلتقي بالكوري ابن كمونة او اتشويا اتنبه ترى الشعب العراقي مولعبة, اتخليه يتبهدل, او اتمنى الك توطين سريع مثل الصاروخ, والله لو المانيا اشويا تتساهل جان خليتك على راسي, بس مع الأسف وكت الخير بيها انتها, بس مو مشكلة اذا ضاكت بيك الأمور بلكي اتشوف فيزة شنغن او تكلب على بلجيكا, او الباقي عليا , هلا بيك عزيزي اتمنى الك الموفقية , او بلغ سلامي للعائلة الكريمة والسلام
جوسي البغدادي

[Edy Simon]

هلا ابجيتك ابو مريومة الطيب والأصيل.
شنو اخبار المظاهرة ولا منعوها البلطجية
تحياتي
جوسي البغدادي

[تعبان وماعرف]

افضل شئ هوة التركيز على النقطة الثالثة
بالتوفيق ان شاء الله
يارب تلكون اذان صاغيه

[(COBRA)]

المفروض اليوم ..........المظاهره
بس صاحب الموضوع مكتب شي

[اسمر كنان]

[/sizeالسلام عليكم
اخوان المظاهرة فشلة كالعادة][/color]

[/b]بسبب حظور عدد قليل جدا 15 نفر فقط ياهو لانشوفه يكول نسيت الموعد ادري نخلي بظهر كل واحد ورقه الرجاء ايها الناس ذكرو هذا الشخص عندة موعد مظاهرة لو يريد انخابرة ونعزمة على المظاهرة والله الي اشوفه انو محد يريد يطلع خارج مصر الا فئه قليله جدا والباقين عاجبتهن الكعدة بمصر والله على مااقول شهيد يعني معقول كل العراقيين عندهم اشغال وصايرين تجار ومحد نايم بالبيت اشوف اومورك استعجب اسمع كلامك اصدقك حسبي الله ونعم الوكيل شكرا لكل شخص شارك بالمظاهرة ملاحظه اني سمعت اكو ناس رايحين للسفاره مسوين المظاهرة هناك شتريدون من السفارة المشكله الحقيقية هية الامم المتحده لان تريدون تطلعون هجره اشجاب السفارة بالنص لو هية عدوى مال مظاهرات وبس