شلون ورطة

[black jack]

السلام عليكم اخواني وخواتي جميعا

اخوان رجاء الي عنده معلومة عن منظومة الجوازات اشتغلت لو لا خصوصا بغداد هاي صار شهرين وماكو اي وين بعد ترجعونا لي وره شكد بعد واله مادري يمكن راح ايصير الجواز الجديد نقش علي صخرة يعني كلمن حصواية بجيبة العفو جوازه الصخري اخوان الله يخليكم الي عنده خبر عليها يبشرنا
مع جزيل الشكر

[ARMY STRONG]

كالو بنهايه التاسع 

[Edy Simon]

المنظومة موجودة او منصوبة.
بس الكادر التدريبي بالوقت الحاضر متواجد ابالمانيا, لتمشية المنظومة ابالمانيا او للراحة والأستجمام
تحياتي
جوسي البغدادي

[ARMY STRONG]

المنظومة موجودة او منصوبة.
بس الكادر التدريبي بالوقت الحاضر متواجد ابالمانيا, لتمشية المنظومة ابالمانيا او للراحة والأستجمام
تحياتي
جوسي البغدادي

مولاي جوسي البغدادي

عاطله المنزومه
بغداد و هنا هم

[kunda]

وهالمنظومة تشتغل على شنو باتري قلم لو شحن؟ لو طاقة شمسية؟

[ARMY STRONG]

وهالمنظومة تشتغل على شنو باتري قلم لو شحن؟ لو طاقة شمسية؟

لا على دهن الحصه

[Edy Simon]

اعزائي المنزومة تشتغل بالدفع والكفخ, لأنه واكفة
بس على الله, مو مشكلة العراقيين لازم ينتظرون شويا لأنه يوميا الحكومة امطلعين جواز ابحرف جديد.
هالمرة يكون ض لأنه ناطقين بالضاد او لازم يضيفون اللغة الفرنسة على الجواز, لأنه لغة الدبلوماسية العالمية هي الفرنسية
تحياتي
جوسي البغدادي

[امين عبد الله]

اني اقترح لو يضيفون اللغة الصينية لأنها لغة ربع سكان العالم او يضيفون بعض اللهجات العراقية كالبصراوية و المصلاوية على سبيل المثال لا الحصر واذا ارادوا اضافة اللغة الاسباني تره هم ماكو مانع

[كلي امل]

لا عيني بعدهة مشتغلت احنا بسوريا ومقدمين من شهر السادس وبعدها ماوصلت جوازاتنا يمكن جمعه العتاك ديباركهن جواز وجواز يلله ينطينياها

[نــــــــــوار تيتــــــو]

لا بعدها مشتغلت لان البارحه خابرت على العراق علمود هاي الشغله  وكال  المنزومه  عاطله

[Edy Simon]

عزيزتي الاخت كلج امل
المنظومات موجودة في عدة سفارات بالعالم, بس مكو كادر يشغل هذي المنظومات, او ديدربون الكوادر على المنظومات بس الى حد الأن المنظومات واكفة حسب تصريح السفير العراقي في المانيا او هذا المقال المرفق يثبت كلامي: تحياتي

 جوسي البغدادي

القنصلية العراقية في فرانكفورت تقيم مأدبة  افطار للجالية العراقية في وسط وجنوب المانيا

فرانكفورت-خاص بشبابيك

26-08-2011

بتوجيه من معالي وزير الخارجية العراقي  السيد هوشيار زيباري اقامت السفارة العراقية في المانيا مأدبتي افطار على شرف الجالية العراقية في المانيا وكانت مأدبة الافطار في مدينة فرانكفورت احداها..حيث اقام الاستاذ القنصل العام فارس ال شكر مع طاقم القنصلية في فرانكفورت مأدبة افطار على شرف الجالية..وقد حضر المأدبة وجوه كثيرة تمثل مختلف اطياف المجتمع العراقي..وقد حضر ممثلوا الجالية ومنظمات المجتمع المدني من مختلف المدن الالمانية..وساد المادبة جو الالفة والمحبة ..حيث تبادل الجميع عبارات الترحيب والتبركات بمناسبة حلول شهر رمضان المبارك..حيث حضر المأدبة جمع كبير من ابناء الجالية..وقد ساهم السيد معالي القنصل ال شكر في انجاح هذه التجربة التي تجمع ابناء الجالية كل عام خلال شهر رمضان الكريم...وكان الجميع يستفسر ويسال عن مستجدات عمل القنصلية..وكان طاقم القنصلية بمن فيهم سعادة القنصل يردون بكل رحابة صدر على استفسارات ابناء الجالية الذي حضروا المأدبة..

لقد كانت المأدبة فرصة لمعرفة مايدور في اروقة القنصلية والسفارة العراقية من مستجدات حول جوازات السفر وتحرير الوثائق والمستمسكات المطلوبة...وقد كانت فرصة سعيدة ان نلتقي بالاخ ابو شهد مسؤول ملف الجوازات العراقية في القنصلية واين وصل الحال بها..وكانت اجاباته مباشرة على ماطرحه الاخوة المعلقين في الموقع حول المقابلة التي نشرناها مع سعادة القنصل العام ال شكر..وقد رد الاخ ابوشهد بالقول..ان الملفات التي يتم انجازها وارسالها الى القنصلية هي 50 طلب جواز كل وجبة وليس 100..وان الاستمارة الصحيحة التي يتم الاعتراف بها والتي يتم ملؤها بالمعلومات هي الموجودة على موقع السفارة العراقية على الانترنيت وهي نفسها الموجودة في مديرية الجوازات العامة في العراق..وقدر ركز على ان تكون الوثائق والمستمسكات الخاصة باصدار الجوازات صحيحة حتى يتم انجاز المعاملة وارساها الى العراق عبر الطرق الالكترونية والانترنيت الى العراق خلال دقائق..عملية اصدار الجوازات حاليا تتطلب مدة شهرين لكي يتم الحصول على الجواز العراقي من فئة أ..وبسبب الزخم الكبير على طلب اصدار الجوازات تكون العملية بطيئة بعض الشيئ..ولكن الاهم في ذلك هو ان الجوازات العراقية الحالية تتمتع بدرجة امان كبيرة وبسبب وجود الوثائق الخاصة باصادر الجواز التي هي اصلا مخزنة في قاعدة البيانات الموحدة في العراق..فعملية اصدار الجواز لاتتطلب سوى المطابقة بين المستمسكات وعدم وجود اشكالية امنية او قانونية على صاحب الطلب..وان تكون هوية الاحوال المدنية صادرة بعد 1997 لتكون معتمدة في استمارة الطلب على الجواز...كما اوضح السيد القنصل ان دول بلجيكا ورومانيا تابعة ايضا لعمل المنظومة الخاصة باصدار الجواز في السفارة في المانيا...كما وعد الاستاذ القنصل بالتواصل مع ابناء الجاليةوسيقوم بزيارة الى مدينة نيورنبيرك وميونخ حيث سيحدد موعدها لاحقا

[كلي امل]

شكرا جزيلا

[مالي سواك]

السلام عليكم ممكن اعرف شنو هاي المنظومة حاليا اكو اصدار جوازات من بغداد شكرا صاحب الموضوع

[Aiham_]

لعد اشو المنظومة شغالة يمنة 

[uae123]

هي ليش بس الجوازات صارلي انا 3 شهور انتظر تخلص الجنسيه وشهاده جنسيه من بغداد وكلشي ماكو هي ولادتها الامارات لما انروح للسفاره يقلك لما يخلص الدفتر  يله نودي الكتاب كله لبغداد يعني لو ماكو مواليد هاي السنه يبقى الفتر يمهم على السنه الجاليه وهاي الشغلات وانت استلم وبعدين يجيلك هو الجوازات تنتظرك فد كم شهر اذا مو كتابنا وكتابكم  ما يمشي بعدهم ما وصل النت والسكنر وهاي الشغلات

[كلي امل]

اخويه هسة خابرت السفاره وگالو اسبوع الجاي تشتغل المنظومة ننتظر والله كريم

[ZOKO1976]

اني اقترح ميبقون ولا لغة بالجواز و يبقة فارغ ...لأن العراقيين ظلوا بلا هوية من ورة هالتفاهات اللي يومية دتصير
يومية جواز شكل حتة العالم مل من عدنة
قبل اشهر من جددت الاقامة بالاردن ظابط الاقامة ايكلي شنو جوازكم دتكتبوا بالايراني؟....
و الاحلى انه الخارجية الموقرة متدز تعميم عالجواز ابوزارات الخارجية العالمية اللا ورة اشهر من اصدارة
عمي ليش احنة من انريد انهاجر من اشوية؟
خلووووووووووونا ساكتيييييييييين احسن

تحياتي للجميع

[s350thebest]

اني اقترح لو يضيفون اللغة الصينية لأنها لغة ربع سكان العالم او يضيفون بعض اللهجات العراقية كالبصراوية و المصلاوية على سبيل المثال لا الحصر واذا ارادوا اضافة اللغة الاسباني تره هم ماكو مانع

ههههههههههههههههههههههههه 
قوية

[بصراوي مظلوم]

والله الي اعرفة انه المظومة مو  عاطلة بس هما جماعة الجوازات يكولون هذا الكلام الي اعرفة انة مطلوب  ديون عليهم من قبل جماعة المنظومة  والمبلغ مو قليل ولهاذا لا تعمل  تحياتي
ابو علي
البصراوي

[ابوجنة]

اني اقترح لو يضيفون اللغة الصينية لأنها لغة ربع سكان العالم او يضيفون بعض اللهجات العراقية كالبصراوية و المصلاوية على سبيل المثال لا الحصر واذا ارادوا اضافة اللغة الاسباني تره هم ماكو مانع

احيك من نص قلبي على هذا الاقتراح .. وخاصة اللهجة المصلاوي

[Edy Simon]

اعزائي الكرام

المنظومة ترى مدفوع افلوسها, من زمان من جيب الشعب العراقي, بس الاحجاية وين انه مدة عقد الصيانة انتهى, او الحكومة العراقية خطية ماعدها افلوس اتجدد عقد الصيانة, او دتز ناسللتدريب على المنظومة , غير كفوئين , بعد اشلون اتريدون تشتغل هذي المظلومة المسكينة.
اما بالنسبة للغات , هناك فكرة باصدار ملحق للجواز العراقي يحتوي على جميع لغات العالمية والبشرية,
وتقبلو تحياتي
جوسي البغدادي

[levis]

جانت البصمه عاطله وسووها لان البارحه اني شفت بعيني الناس دتقدم وتسحب استماير ومخبوصين
اكيد انفتحت الجوازات

[ARMY STRONG]

جانت البصمه عاطله وسووها لان البارحه اني شفت بعيني الناس دتقدم وتسحب استماير ومخبوصين
اكيد انفتحت الجوازات

لعد هاي تكذب عليه تكلي 1-10 تشتغل 

[اهل العراق]

السلام عليكم اخوان اللي عنده احد بل موصل او ولاته موصل خلي يسوي جوازه هناك اذا مستعجل وبحاجه اله لان جوازات الموصل فاتحه وديطلعون جوازات والجماعه بغداد ممعلوم شوكت وبسوريا هم ممعلوم اصبر والله كريم كل واحد اساله يكولك شكل والمواطن واكع بيها شحجي على الحكومه والعلى اللي جونه حسبي الله ونعمه الوكيل عليهم
سلامي وحياتي للجميع