الاخوة الاعزاء استفسار بخصوص الرابط

[dr.m]

السلام عليكم و رحمة الله:
احنه مقدمين عن طريق والد زوجتي...و كانت الكيس كلهه واحدة و بعدين فصلناهه....اني و زوجتي كيس و اهلهه كيس...بس بصراحة ما كنا نعرف شنو يعني رابط و حتى من فصلناه محد كال شي على موضوع الرابط لمن طلبنا الفصل
الاستفسار هو....شلون اعرف نوع الرابط مالتنه؟؟؟ وشنو انواع الرابط و كل نوع شنو تاثيره(شنو فرق بين رابط و آخر)؟؟و اذا فكرت اغير نوع الرابط شكد تطول الفترة(يعني ياخر ملفنا اكثر لو لا)؟؟؟
بصراحة اني سامع ...طبعا اكييد من المنتدى... انه اكو رابط قوي و رابط ضعيف...و بصراحة احنه سفرنا كلش تاخر(صارلنه اكثر من 3 سنوات) و من المواضيع فهمت انه الرابط ممكن ياثر...فكلت استفسر عليه و بلكت يطلع هو المشكلة
اخوكم من عمان

[beautiful angel]

اخي اذا انته مطالب من المنظمة ربط قوي فانتوا حاليا ربط ضعيف

والربط القوي معناه ان تقابلون سوة و تسافرون سوة وهذا ياثر بمسألة الامنية يعني اذا كيس اتاخر الثاني هم يتاخر حتى لو طالعه امنيته الى ان يكمل الكيس الي مرتبط بي ويسافرون سوه بس اذا ضعيف لا الي تطلع امنيته يسافر اول

[dr.m]

الف شكر لبيوتفل انجل على الرد الوافي و المعلومات الكاملة

بس بصراحة احنه كنا نقابل سوة و فحصنا سوة و حتى التبليغ يكون على ايميل والد زوجتي على الرغم انه احنه فصلنه الكيس من البداية لكن موعد السفر(المؤجل) وصل بس النه....شنو الطريقة اللي اعرف بيهه نوع الرابط؟؟؟و اذا فكرت اغيره تطول السالفة؟؟؟؟

[beautiful angel]

العفو دكتور ام  لكن انته راسل المنظمة وقولهم يراسلوك على ايميلك وقولهم اريد تحديثات الكيس مالتي توصل على ايميلي من الافضل وثانيا بخصوص شلون تعرف نوع الربط اني اقولك راسلهم واستفسر عن نوع الربط واعرف وبعدين اذا شفته قوي وتريد تغيره راسل الموظف اسالة قولة هل ياخرني التغيير بهذي المرحلة الي واصللها حضرتك بحيث تحصل على جواب مضمون ويخص كيسك

تحياتي

[dr.m]

و الله جدا جدا جدا ممنون من الجواب الوافي و السريع ...الف شكر و يا ربي نسمع اخبار سفركم

[beautiful angel]

تدلل عزيزي وان شاء الله قدرت اساعدك


تحياتي

[زهرة الصبار]

خابر المنظمه واسالهم عن نوع الربط واذا قوي اطلب يفصلو وميطول اكثر من شهر وبس

[dr.m]

الف شكر لزهرة الصبار و بالمناسبة سمعنا خبر سفركم يا ربي بداية خير و توفيق و تحقيق لكل الاماني الطيبة
الف شكر لبيوتفل انجل و الله ردودكم اكثر من كافية و جدا وافية و مفيدة
اخوكم من عمان