اخوان منو من جماعه الي استلموا نتائج المحلف يوم الاحد 27 /3/2011 عمان

[اريج الراوي]

مرحبا جميعا
حبيت اسئل على جماعه الي استلمو  نتيجه المحلف يوم الاحد 27/3 /2011 وما المستجدات التي حصلت لهم  بهذه الفتره ارجو التواصل فيما بيننا اذا احد اخذ نتيجه المحلف بهذا اليوم وممكن لاي مشارك يكتب النه اول رقمين من الملف وتاريخ التحويل الى الي او ان واي  تفاصيل يجدها مهمه للتواصل. وايكول النا شنو الي صار معه بهذه الفتره سواء  اخذ الموافقه او بعده على الانتضار او سافر .مبروك عليه مقدما  وساكون انا الاولى
رقم الملف 121 عمان طبعا
تاريخ االتحويل الى الاي او ان شهر 3_2010
مقابله اولى شهر8/2010
تاريخ التبصيم شهر 9/2010
مقابله محلفين شهر 2/2011
والنتيجه معروفه27/3/2011 ولحد الان لا جديد  واتمنى بهذه الايام تفرج علي وعلى الجميع يارب  

[اريج الراوي]

ما شاء الله اشكد مستلم النتيجه يوم 27 عبالي بس اني استلمتها بهذا اليوم المشؤوم
اخوان على كيفكم بالردود مدا الحك اقره ما تنزلوه صدك جذب 
(شنو الفضيه اخوان بس اني استلمت بهذا اليوم لو شنو 
بس لا سافرتوا وماكلتولي تره ازعل 

[كاتلوني الى الابد]

اخت اريج عندي صديقي وجاري بس ميشارك بالمنتدى وياج بنفس اليوم بس هذا شغلته ادوخ حتى فحص متصلوا عليه ومحد دينطيه نجده وهو استلم الموافقه المبدئيه يعني المربع الاول

[(COBRA)]

طولي بالج اريج ........... هسه نايمين بسابع نومه
التفكير امتعبنه كلنه ........... تره الهم جبير وكلها صايره شيزوفرينيا عدهم  
جيبيلي واحد مرتاح اهنا حته يجاوبج  
كلها روحها طافره  حته امل تزوجت  وعافتنه  

[اريج الراوي]

اخي كاتلوني الى الابد الله ايسهل امرك وامر صديقك
وشكرا على المشاركه. وحبيت اكلك منو كال لك ان  الاحد الي مابيهم ولا واحد ظهر  لحد  الان عاملين فحص طبي  اني وحده منهم لا فحص ولا اي شي.
 يعني كلنا بالهوا  سوا. الله ايسر للجميع يارب
واكون ممنونه لو تكتبنه معلومات عن صاحبك حتى نعرف وضعه وان شاء الله خير

اخي العزيز كوبرا
طبعا اني متابعه مشكلتك من البدايه الله ايكون بعونك وعوننا جميعا
انتو الاثنين ونحن الاحد ماكو فرق اهوايه مشكلتنه وحده ومصيرنه واحد مع انه احنا قبلكم لكن المصيبه واحده
 الله ايفرجها عليكم وعلينا يارب
والله ايصبرني ليباجر علما يكعدون الي بسابع نومه 
واذا مكعدو باجر وصار الموضوع بالصفحه الاخيره اذكرنا بup من عندك
و احتمال نفتح جمعيه اني وياك اسمها جمعيه الاحد والاثنين لو انت عندك جمعيه الاثنين ومو فاضي الجمعيه مابيها اعضاء من هسه مهزومين و ما عدهم واهس ايشاركون 

[سندريلا]

أخت اريج اني من جماعه السبت بس حبيت ادعيلكم بالفرج القريب يارب وتتسهل أمور الجميع بأذن الله والسفر القريب الكم والنا

[man84]

بس حبيت اسال نتائج يوم الاحد هي موافقة لو تاجيل؟

[اريج الراوي]

شكرا للاخت ستندريلا على المشاركه والدعاء ويارب سفرج عن قريب واتبشرينه فيه قريبا قريبا

الاخ  man84 نتائج يوم الاحد تعني تعليق وليس موافقه اي قريبه لقيد الدراسه 
هل انت مستلم يوم الاحد واذا استلمت يوم الاحد ممكن تكتبنا بيا شهر وين وصل ملفك واي معلومه قد اتقفيدنا للتواصل وشكر  لمشاركتك وان شاء الله السفر القريب

[ابن بطوطه]

lمرحبه اخت اريج
اني هم وياج جماعه يوم الاحد و ليهسه ماكو اي خبر بس الي كانوا ويايه الي اعرفهم معرفه شخصيه كلهم اتصلوا بيهم اخر واحد اتصلوا قبل اسبوعين و راح فحص  وما اعرف شاكول صدكي اكوا شخص اعرفه استلم رفض بالوجبه مالتنه و قدم استئناف و حصل موافقه و احنه ليهسه ماكو خبر؟؟؟؟؟
مقابله اولى و ثانيه شهر 11-2010
مقابله محلف 8-3-2011
كيس 122
ابن بطوطه عمان

[اريج الراوي]

اهلا بك اخي ابن بطوطه وشكرا لمشاركتك وخليك على تواصل وان شاء الله خير وكنا نتمنى انه الي من جماعتنا والي اجتهم موافقه ايبلغونه حتى نفهم مثل ما عملت الاخت فلونا مشكوره ومبروك عليها  تستاهل الف خير والي فقط هي الوحيده بلغتنا والباقي اطشرو.
 والف مبروك للجميع والله احنه نفرحلهم وحابين ايكولونه اخبارهم حتى ايصير النه امل.
ومع ذلك اني دا احس انه احنه جماعة يوم الاحد قليلين بالمنتدى ا لان جدا قليله المشاركات يعني معقوله بس احنه 3 مع انه كنا مجموعه كبيره بيوم تسليم المغلف

[ابن بطوطه]

مرحبه
اختي اريج اكو هوايه من جماعتنه اتصلوا بيهم و غلسوا عل الموضوع و تكدرين تتاكدين من هذا الحجي رجعي لموضوع نتائج يوم الاحد صدمه كبيره تلكين هوايه من جماعتنه بس الله سهلهه عليهم و سووه سكته بس اذكر الاخت فلونه بشرتنه بوكتهه الله يوفقه و يوفق الجميع المهم اختي ما كو غير الصبر و الله كريم اني بس يصير شي جديد كوني على ثقه رح انطيج علم.
ابن بطوطه عمان

[اريج الراوي]

مرحبه
اختي اريج اكو هوايه من جماعتنه اتصلوا بيهم و غلسوا عل الموضوع و تكدرين تتاكدين من هذا الحجي رجعي لموضوع نتائج يوم الاحد صدمه كبيره تلكين هوايه من جماعتنه بس الله سهلهه عليهم و سووه سكته بس اذكر الاخت فلونه بشرتنه بوكتهه الله يوفقه و يوفق الجميع المهم اختي ما كو غير الصبر و الله كريم اني بس يصير شي جديد كوني على ثقه رح انطيج علم.
ابن بطوطه عمان

تسلم اخي وانا ان شاء الله اي جديدسوف اعلمكم به وان شاء الله ايكون الشي الجديد موعد سفر وعن قريب لنا ولكم ولكل من ينتظر الفرج يارب ورجاءا اذا اتصلت او بعثت ايميل كذلك بلغنه بصيغه الرد وانا كذلك ان شاء الله علما انه اليوم حاولت  الاتصال بهم كثير لكن بدون جدوى ان شاء الله اعاود الاتصال الاحد واشوف ما هو ردهم 
يا ميسر لا تعسر امين يارب