زوجة صديقي

[الفضلي]

لدي صديق سافر ولديه زوجة واطفال بالعراق هو مفصول عنها وليسو مطلقين ... تساليني ان كان بامكانها التقديم علي لجؤو علي الاي او ام ....وكيق الطريقة حتي تسافر هي واطفالها....ارجو من الاخوة الاعضاء واصحاب الخبرة ان يفيدونا بارائهم

[مايكل اندريه85]

up

[الفضلي]

عيني ابو مريومه تحياتي الك علي التوضيح ......صديقي مترجم كان يعمل وطلع عن طريق الاي او ام بس ماراد  يصحب زوجته معه واولاده هو الان بامريكا ,,,, بس هي خطيه مع اطفالها بالعراق ....وهو مو سال عنها بصراحة صديقي شخص اناني ويحب بس نفسه.....

[need justice 1]

اخي الغنماوي
صديقك سافر عن طريق ال IOM
يعني مباشر . كان يشتغل مع الامريكان ؟
اذا جوابك نعم
اذا زوجته واولاده مشمولين معاه !!!!!
الزوجة متكدر تسوي شي بهاي الحالة الا ان يكون زوجها يقبل يضيفهم على ال IOM
او يسوي لهم لم شمل بما انها ليس مطلقة
الحل الثاني في حال الزوج يرفض يسوي لم شمل
تكدر ترفع دعوى طلاق وبالاتفاق يصيرون الجهال بحضانتها وبالتراضي مع زوجها تكدر تقدم على اليو ان بدول الجوار هي وجهالها وبس
غيرها ما اعتقد تطدر تسوي شي

[need justice 1]

عمي الغنماوي الله يساعدك
اسف دزيت ردي ووراها شفت ردك الاخير
عمي اذا صاحبك اناني وعافهم لعد هي شعدها مجلبة بيه مع احترامي الها
ترفع دعوى طلاق ( تفريق ) وراح تكسبها وحضانة جهالها العافهم تصير الها وهي الوصية عليهم وراها تروح تقدم عاليو ان
هسه اذا هو مضايفهم للملف مالته على الاي او ام لو تطلع نخله براسها متصير
بس صاحبك شجاع علواه عندي قلبه واكدر اعوف نانسي والفروخ وارجع عزوبي  

[need justice 1]

ابو مريومة اشلونك اغاتي
مشتاقون يا طيب
متاكد يصير
اشلون يصير وهو عافهم اصلا
واكيد مضايفهم للملف اصلا
ولا مقابلين وياه
ما ادري هو كلشي يصير بال اي او ام لي لا ؟؟؟
المهم انا شفتك بالرد
ههههههههههههههه

[الفضلي]

عيني ابو مريومه الورد شكرا علي توضيحك ونصيحتك بخصوص الموضوع....بس عندي عتب عليك بتوجية الفاظ قاسية  الي شخص  بعيد وغير متواجد الا  ان الشخص صديق صحيح انا معاك هو اناني في تعامله لكن قد يكون لديه سبب شخصي بذلك وانا اعذره فيما ذهب اليه من امره....وما يراه مناسب ..له ولعائلته  وانا اتعاطف مع زوجته واطفاله كذك ....ومتيقن من ان ماتوجهت به من  كلمات قاسية هي نابعة من تعاطفك وشعورك النبيل ياعزيزي مع الزوجة ....والاطفال.
      تحياتي

[need justice 1]

اخي الغنماوي الله يهديك انته ليش معصب
ريلاكس انته تسال واحنا نجاوب
احباب يعني
انته سميت صديق ( الاناني ) وهذا من ردك الثاني ( وهو مو سال عنها بصراحة صديقي شخص اناني ويحب بس نفسه.....)
شتسميه هذا اخي الغالي
ابو مريومة ما غلط 
خليك ويانا راح توصل لنتيجة باذن الله

[ܓღ أنجـــــي ღܓ]

لدي صديق سافر ولديه زوجة واطفال بالعراق هو مفصول عنها وليسو مطلقين ... تساليني ان كان بامكانها التقديم علي لجؤو علي الاي او ام ....وكيق الطريقة حتي تسافر هي واطفالها....ارجو من الاخوة الاعضاء واصحاب الخبرة ان يفيدونا بارائهم

اخي الغنماوي صاحبك من قدم على اي او ام بلغ اي او ام منو وياه بالكيس لو وحده مقدم بدون عائلة !!!

مكن جواب حتى اكدر اساعدك بباقي الرد

[need justice 1]

ههههههههههههههههههههه
خل نشوف ابو مريومة لا تستعجل

[الفضلي]

شكرا لكل الاعضاء ولتفضلهم الكريم بابداء الاراء وخصوصا((( ابو دم الفاير ابو مريومه اشربلك عصير ليمون وريح اعصابك )))وخلينا نسمع الدرر مالتك من خلال ردودك المميزة علي طول... شكرا للاخت انجي واحب اوضح لحضرتك اخبرهم انه عنده زوجة واطفال بالمقابلة بس اعتذر عن احضارهم وبين ان ماعدهم رغبه بالسفر

[ܓღ أنجـــــي ღܓ]

اخي الغنماوي هسى انت بردك الاخير الي كلت صاحبك ما نكدر وجود عائلتك يعني بمعنى اصح انثاء المقابلة كال انه عائلتة ماعدها رغبة بالسفر وعلى اساس هل كلام مشت المعاملة وهسى زوجتة غيرت رائها وتريد تقدم على لجوء
 اوك اذا تريد تقدم وحدها بدون اضافة مع زوجها لازم تكون عدها ورقة من المحكمة تثبت طلاقها وورقة اخرى تنازل من الاب بحضانه الاولاد اذا كانوا تحت السن القانوني اذا ماعدها هاي الاوراق صعب يكون القبول او التقديم

[الفضلي]

اخت انجي انا مازلت احاول ان اظغط علي صديقي(((قاسي القلب)))) حتي يجد حل غير الطلاق ولم العائلة من جديد

[ܓღ أنجـــــي ღܓ]

شكرا لكل الاعضاء ولتفضلهم الكريم بابداء الاراء وخصوصا((( ابو دم الفاير ابو مريومه اشربلك عصير ليمون وريح اعصابك )))وخلينا نسمع الدرر مالتك من خلال ردودك المميزة علي طول... شكرا للاخت انجي واحب اوضح لحضرتك اخبرهم انه عنده زوجة واطفال بالمقابلة بس اعتذر عن احضارهم وبين ان ماعدهم رغبه بالسفر

السؤال الاهم هو يريد زوجتة واطفاله يعني انفصالهم بي رجعه لو يبقى الحال بينهم معلق بس اريد تساله

[need justice 1]

هسه
انا احلها لك الغنماوي
بس اشلون ما اشوفها عويصة
اخي الغنماوي
صديقك هذا الله يحفظه يوافق ان زوجته تجي هي وجهالها
لو عنده نية يبدلها بشقراء امريكية هناك
بس جاوبني
مو راح اتخبل من ورا صديقك
هو لو حاسبها عدل كان حسب حساب الفود ستامب اقل شي والولكم مني
مو هيج ابو مريومة
هسه قاسي القلب شيريد
واحنا بخدمته
انا الجواب عندي بس مخليه للاخير
 



وينك الغنماوي
بعدين سؤال شخصي الغنماوي لقبك مو
اذا انته من ولايتي ومو غريب كلش عالشاطي يمكن

[need justice 1]

يمعود
هو ابو القلب القاسي بحالهم هسه
هو بنص الخير والطيور اشكال الوان
وخصوصا اذا كان عنده شهادة مثلا ماجستير
البنات وراه بالسرا 
مو ابو مريومة
 

[need justice 1]

ادري اخونا الغنماوي وين صار
غير يطمننا شنو النتيجة الوصل لها
غير يجاوبنا
اشلون ما اشوف ابو القلب القاسي صديقك راح يرضخ للامر الواقع ويجيب مرته وجهاله  لان خطية يعوفهم

[كلي امل]

شلون يمعودين ويه ابو القلب القاسي النتيجه اريد اعرفها عاد نعست والله اريد انام

[need justice 1]

انا اتمنى يصير حل لهاي العائلة
ولو كلمن ادرى بظروفه
بس الجهال خطية يتبهذلون هنا وابوهم بالعز بامريكا
الله يحنن قلبه ويسوي لهم لم شمل
 

[need justice 1]

شلون يمعودين ويه ابو القلب القاسي النتيجه اريد اعرفها عاد نعست والله اريد انام

نامي نامي كلي امل
الصبح يجي الغنماوي ويبشرنا
يا رب ابو قلب القاسي ما يطلع متزوج امريكية وتنلاص صدك على ام الجهال
نامي اختي والصباح رباح
بس انا حزين ... حيل حزين
 

[كلي امل]

ماشي لعد تصبحون على خير بلكي الصبح قاسي القلب يبدل رأيه وياخذهم

[need justice 1]

وانتي من اهل الخير
وين يروح
يجي يجي
 

[الفضلي]

شكري لكل الاعضاء ابو مريومه وكلي امل وومحتاج العداله والاخت انجي علي ماتفضلو به من طيب الكلام بحق صديقي (((قاسي القلب)))  وتفاعلهم مع مشكلة الزوجة والاطفال .... هو بنيته الزواج هنا لكن انا منعته من ذلك لاقي وحدة هنا عراقية  وراد يرتبط بها بس انا منعته من ذلك ويقول انا تركت زوجتي هناك وعفتلها خير كثير واريد اعيش حياتي ...مثل مااريد وانا محتار كيف اعيد لصديقي زوجته واولاده ويلتم الشمل

[ܓღ أنجـــــي ღܓ]

انشاءلله الله يهدي ويلتم شمله مع عائلته

[abuhatem]

عيني الغنماوي ، الامر سهل جدا ، بس كون تعرف رقم الملف مالته ، وتبعث ايميل تطلب تفتح ملف باسمها وانشالله مقبولة.
اقول لك عن حالتي وانت قيس ، انا مقدم مباشرة على IOM لاني اعمل في منظمة مجتمع مدني تحصل على دعم من الامريكان ، ومع اني لم اسافر بعد فان اختي ارسلت ايميل كتبت فيه رقم ملفي وبعدها بشهر اعطوها وعائلتها رقم ملف جديد ، طبعا ارسلت صور للجناسي لكل افراد عائلتها.