ايداع وديعة لغرض الاقامة

[سمير البياتي]

السلام عليكم
اخواني في البداية اني سجلت في هذا المنتدى كعضو جديد وذلك لاان شفت بيه اهواية امور اتفيدني وخاصة اني واصل جديد الى عمان .
اخواني في البداية اريد اعرف منكم انه اذا اريد اسوي اقامة لازم اخلي وديعه بالبنك . اني حاليا عندي مبلغ 30 الف دولار وسمعت انه الوديعه هي 25 الف دولار اخليها بالبنك وطلع بموجبها اقامة ... لكن اللي سمعته اليوم من احد العراقيين انه لازم اخلي بالبداية 50 الف دولار وبعدين اسحب نص المبلغ ورة ما اطلع اقامة ... زين اني بهيج حاله شسوي منين اجيب 50 الف دولار ... ليش هو مو المفروض 25 اخلي وبموجبها اسوي اقامة ... الرجاء منكم اللي يعرف خلي يساعدني بهذا الموضوع .
وثاني شئ اني متزوج وعندي طفل وهم اخوية ساكن ويانا وعمرة 30 سنه ... زين بهاي الحالة الاقامة راح اتصير للكل لو لا يعني اخوية هم راح ينشمل بهاي الاقامة لو هم يسوي اقامة ثانية وبنفس الطريقة ...
شكرا الكم اخواني وبارك الله بيكم
اخوكم
دكتور سمير البياتي
عمان

[oams]

اخويه سمير اهلا وسهلا بيكم بالمنتدى واهلا وسهلا بيكم بالاردن

اخويه بالنسبه للوديعه لازم ايكون عندك خمسين الف دولار او ما يعادلها بالاردني في احد المصارف الاردني الي هيه الاهلي الاسكان او اي مصرف ثاني تاخذ كتاب من البنك يثبت هل شي وتروح للداخليه اكو استماره تملي بيها المعلومات كلها رقم الجواز مالتك ومال افراد عائلتك كلها واني افضل انو اتروح يم العرضحلجيه الي يم الداخليه وتكلهم اريد اطلع اقامه همه راح يملولك الاستمارات ويستنسخولك الجوازات كلها وراها اتروح اتقدمها بالداخليه وبعد متاخذ طبعا رقم من الاستعلامات راح اتروح اسلم الاستماره وتكعد تنظر الى ان ينطوك موعد وره اسبوعين اتروح طبعا حسب الموعد مالتك اتقدم الورقه الي انطوها الك اذا انت ممقابل مخابرات فراح ايخلوك اتقابل واذا مقابل فراح ينطوك كتاب للبنك وره متجي موافقه الوزير انو احجز 25 الف دولار واطلق الباقي اتروح للبنك تاخذ كتاب الحجز وترجع للداخليه وراح ايشمورك هم اسبوعين او 10 ايام وراها تاخذ الكتاب واتروح بيه الى مركز الشرطه الي يمكن هسه وحدوه بصويلح تاخذ الجوازات والفحص الطبي الي انت مسويه طبعا المركز الصحي ايكون يمج الكليه العربيه بالكاردنز وراها بربع ساعه تاخذ الاقامات طبع الاقامات بس لافراد اسرتك من الدرجه الاولى يعني اخوك ماله حق الا اذا كان معاق او شي من هل قبيل واجيب اثبات بهل شي يله ايخلوه وياكم الوديعه 25 الف شامله كل افراد الاسره من الدرجه الاولى الام والابناء


طبعا اذا ماعندك 50 الف دولار متكدر اتقدم بعدين انت عندك ورقه اللجوء كافيه هاي حتى تمشي بيها بالاردن خلي افلوسك بجيبك احسنلك


واي سؤال اني حاضر