ارجووووووكم ساعدوني...اختكم تايهة

[كاردينيا هاشم]

السلام عليكم عيني اني اول مرة اكتب هنا بس صارلي فترة متابعة اخباركم ومعاناتكم والله يسهل امر الجميع
اني من اللي جانوا بليبيا وهسة طلعنا للمخيم بتونس وقدمنا على امريكا لان اصلا من جنة بليبيا عدنا ورقة مال UNوهسة قابلنا اخر مقابلة اللي المفروض وراها بعد المحلفين .. اني كلشي تر ماعرف  عن هالموضوع هل الشغلة ممكن تفض بسرعة لو تاخذ فترة يعني اذا اجه موعد المحلفين يعني راسا نسافر لو همين نظل فترة لان المكان كلش متعب وحايرة اني طلعت وية اهلي اني طالبة بالصيدلة واذا فض هالموضوع بسرعة وفعلا سافرنا خلال شكد اكدر ارجع واكمل كليتي لو هناك اكدر اكملها ناس تكول بالوايت كارت تكدرين ترجعين ناس تكول لا بالكرين كارت وناس تكول سنتين يلا تكدرين تدرسين سواء بامريكا لو حتى بغير دولة وناس تكول لا بشهرين تكدرين تاخذين الوايت كارت وتتحركين بيه وهنا كل واحد يحجي شكل واشاعات فالله دلاني عليكم بلكت الله يكون جواب لاسئلتي لان والله ليلي مدانامه خايفة من الوكت ليضيع ولا الشهادة تروح مني والله يبشركم بالخير دائما

[المايكرفون]

للمساعده اخوانا واخواتنا الخبراء
 7UP

[اريج الراوي]

 مرحبا  اختنا كاردينيا والله يساعدج في ايجاد ما تحتاجيه ويسر امرنا وامرك وامر كل الموجودين
بالنسبه لسؤالج حول كم المده الزمنيه حتى تطلعين بعد المحلفين فمحد يعرف اشكد؟ قد تكونين من سعيدي الحظ وتطلعين خلال ست اشهر وقد تتاخري الى اكثر من سنتين لا سامح الله. ولهذا انصحك اذا تستطيعين الدراسه وعدم ايقافها لاخر يوم يبلغوج فيه بالخروج الى امريكا اما اذا لا تستطيعين ذلك.فاتمنى من عندك ان  لا تفكري بالوقت . لان الوقت غير معلوم وسوف تجزعي اذا من هسه انت تفكرين بيه.
اما عن تكمله الدراسه وكيف في امريكا فيوجد الكثير من تطرق الى ذلك مشكور وخاصه الاخت سرى وبعض الاخوه والخوات في المنتدى وان شاء الله يجون ايساعدوج او تبحثي عن الموضيع في الارشيف وستجدين جميع اسئلتك فيها 

[ZOKO1976]

السلام عليكم
اول شي اختي العزيزة نتمنى من الله سبحانه و تعالى ايساعدكم و ايخلصكم من محنتكم
و بالنسبة الاسئلتج فالاجابة كالتالي:-

1- بالنسبة للفترة المتبقية حتة اتسافرون: ماكو وكت محدد اكو ناس طلعت ورة كم شهر و اكو ناس منتظرة صارلها سنين ابداعي الامنية او اي سبب ثاني ..فبالتالي السفر يعتمد على قوة الكيس مالتكم و قناعة المحلف بيها و الحظ اولا و اخيرا ... و بما انه انتوا مثل ما كلتي ابليبيا و ابمخيم ابتونس فأتصور انشاء الله ايسرعون ابمعاملتكم

2- بالنسبة الاكمال دراستج: اختي بالنسبة للوايت باسبورت و اللي تكدرين اتقدمين علي من توصلين الامريكا و ينطيج حق البقاء خارج امريكا لفترة طويلة فهذا ما انصحج بي لأن ايأخر حصولج عالجنسية و ممضمون انه تكدرين اتحصلي ..و بالنسبة للكرين كارد فهم متكدرين اتسافرين بي لمدة طويلة لأن هم ينسحب من عندج ... و في كل الاحوال سواءا وايت دكيومنت او كرين كارد فهاي معاملات تاخذ وكت و مو صحيح انه تبقين تاركة الدراسة كل هاي الفترة و تكدرين اتكملين دراستج انشاء الله اذا وصلتي الامريكا و تبقة شهادة امريكا هي الاحسن ابكل العالم

اختي العزيزة ..بالنسبة للسفر الى امريكا لتعتبري مضمون اذا متريدين اتحطمين نفسيتج..لأن كل اللي اعتبروا سفرهم مضمون و بعدين  اتأخر سفرهم الأي سبب اتدمرت معنوياتهم و مكاموا حتة يكدرون يتعايشون وية وضعهم
خلي السفر الامريكا خيار مفتوح و ابنفس الوكت رتبي امورج و كأنما انتوا ممقدمين و رتبي اوضاعج على هالاساس..اكو ناس صارلها سنين تنتظر ورة مقابلة المحلف و اكو ناس رأسا سافرت و متعرفين الله سبحانه و تعالى اشكاتبلج

اتمنالج الموفقية

[ام تسنيم1]

عليكم السلام اختنه العزيزه  كل كيس وضروفه محد يكدر يكولج شكد الفتره اللي تكدرين تطلعين بيهه بس اذا كانت مقابله المحلف قبل احداث ليبيا فتكدرين تتصلين بيهم مره تانيه بلكن ياخدون بنضر الاعتبار ضروفكم الخاصه  لتضلين تنتضرين جواب منهم لئن همه خلكهم طويل فبادري انتي  وبالنسبه لاسئلتج فجماعه اميركا بس اللي يكدرون ينطوج الجواب الاكيد اني اللي اعرف ميحق لللاجيء يسافر الا بعد ميحصل الكرين كارت وهذا وره سنه يلله يطلع وعلى كوله اختنه اريج اذا فكرتي بالوقت رح تجزعين لئن طريق ميركا ينرادله وقت وصبر    اتمنى الج الموفقيه ابحياتج وان شاء الله تاخذين شهادتج وبتفوق

[كاردينيا هاشم]

اشكركم كلش ولو رح اتعبكم وياية بس مثل مكتلكم اني مثل الاطرش بالزفة هالموضوع خايفة منه وبديت احس بالندم  لان عفت كليتي بس والله كلش ارتاحيت من بديت اتردد على المنتدى واشوف ناس مهونة على ناس احنا بعد ممقابلين المحلفين بس كال المندوب عن العراقيين انه وصلوا بس بعد ممبلشين باي مقابلة وانتو مثل مكتولي انه مسالة الوكت ممعروفة ..بس موضوع الشهادة مفتهمهة يعني خلال شكد اكدر اطلع واكمل دراستي وبالنسبة للوايت كارت اكدر اطلع بيه وخلال شكد من وصولنا لامريكا لو الا الكرين كارت لان الصيدلة بامريكا يرادلها اقل شي فد 6سنوات واني باقيلي بس سنتين فماعرف يا حجي صح يكولون الكرين كارت خلال سنة ونص يطلع وراها تكدرين ترجعين تكملين واكو اللي كالو لا حتى الوايت كارت كافي بس لا الفترة اعرفها ولا حتى بيا مستمسك فعلا اللي اكدر بيه اطلع واكمل .. بس لا ضوجتكم بس والله مو بيدي

[ZOKO1976]

اخيتي حتة ما اطول عليج ..لأن احنة جاوبنا بس ايجوز من خبصتج و تعبج مقريتي كل الاجابات

الناس تتمنة تطلع الامريكا حتة تاخذ شهادة مناك تكدر تشتغل بيها ابكل العالم ...فانسي انه اتسافرين الغير دولة تدرسين

متكدرين تطلعين لا بالكرين كارد و لا الوايت كارد ست سنوات خارج امريكا يعني:-
الوايت كارد بي فترة و يسقط و اعتقد اقصى شي سنتين و اكيد شبه مستحيل انه تبقين ست سنوات اتطلعين وايت كارد لأن ابهاي الست سنوات انتي ماخذة الجواز

بالتسبة اشوكت اتسافرين فماكو وكت محدد ..اكو ناس ورة مقابلت محلف صارلها سنين تنتظر و اكو ناس ورة كم شهر سافرت

يعني ادرسي بالمكان اللي انتي بي و من اتروحين الامريكا عود امتحني معادلة شهادة حتة اذا انتي واصلة صف ثالث صيدلة و قارية زين راح اتكملين الصيدلة و مو تبدين من البداية

تحياتي الج

[Edy Simon]

وعليكم السلام كاردينيا
حسب ما دا اشوف انه اللذين كانو في ليبيا الاجانب عايشين, واللذين نقلو الى الدول المجاورة, حصلو قسم منهم على توطين في الدول الأوربية, او مو شرط اليو ان يوطنوهم الى الولايات المتحدة, الا اذا طبلو هما التوطين الها.
او مثل ما اتفضلو كبلي, التوطين الى الولايات المتحدة يأخذ وكت, وانما التوطين الى الدول الأوربية اتصور اسرع, او اللي يحصلون على لجوء في اوربا يكدرون ان يحصلون على اجازة عمل او يشتغلون بالبلد, او اذا عدهم اطفال يكدرون يدرسون بالجامعة.
اني من رائي انه اذا خيركوم للدول الاوربية اشوف افضل اليج, او كما تعلمين أنه الدراسة بيها راقية, او تعترف بالجامعات الليبية.
لأنه اني نفسي ساعدت اهوايا طلاب من ليبيا للدراسة في المانيا.
اتمني اليج الموفقية في تحقيق امنياتج, او ماكو داعي للخوف, هذي المرحلة  اتمر مثل السحابة السودة او اكيد راح اتمر عليج بسلام.
تحياتي
جوسي البغدادي المانيا

[كاردينيا هاشم]

شكرا جزيلا والله ماعرف شلون اشكركم وادري يمكن بعضكم هسة يكول هاي شلون وصلت ثاني صيدلة ؟؟؟؟اشو مدتفتهم بس والله لان الموضوع كله مجنت مقتنعة بيه واهلي جان هذا رأيهم هذا وهسة من نوعا ما استقرت ظروف ليبيا بدا الندم ياكل بية وكلشي ولا اخسر شهادتي يعني اللي افتهمه منكم مال اكدر اذا رحنا لامريكا ماكدر اطلع خلال فترة حتى اكمل الدراسة بغير دولة يعني اما اكملها خارج امريكا وماروح او اروح وانتظر بامريكا بس مال  اروح وبعدين اطلع هذا ميصير.. زين موضوع لم الشمل اذا  مثلا اهلي صار من سفرتهم وراحوا واني ارجع لكليتي وبعدين ورا متترتب امورهم ويكملون اجرائاتهم يسحبوني يمكن المعاملة اسمها لم الشمل فهذي شكدتاخذ وكت والكل يعذرني لان انتو نزلتولي من السما وهنا بالمخيم كل يوم طالعين بحجاية جديدة ومدافتهم راسي من رجلية

[سرى1]

اخي زوكو .............

الوايت كارد يقصد بيه الi-94 وهذا مو نفسه هو الترافل دوكيومنت اللي حضرتك تقصده



اختي كاردينيا:

الدراسة اول شي لا تعوفين اي شي درستيه وكملي على قدر ما تكدرين ووين ما توصلين لانه ما تضمنين السفر اولا وثانيا كلها تفيدج هنا وخصوصا اذا كورسات معلومة

اذا صارت شغلة السفر تروحين لامريكا واذا بقالج سنة او سنتين بكليتج انصحك تكمليها

الطريقة شلون :

من توصلين لامريكا تبدين تشتغلين على امتحان رخصة مهنة الصيدلة بمعنى انه تحصلين معلومات وتقريله زين

تخلصين سنة وتقدمين عالكرين كارد ومن يطلع تكدرين تقدمين على فورم اسمه: i-131 هذا تكدرين تحددين فترة بقائك برة امريكا وبصورة قانونية اكثر من سنة واكو بنفس الفورم ممكن تبقين اكثر من سنتين الحجة موجودة وهي الدراسة ولا انتي راجعة للبلد اللي اضطهدوكم بيه همين فما عندج اي اشكال فقط تتأخرين سنة دراسية واحدة بس مو خسارة لانه من توصلين لامريكا المفروض بيج تحاولين تجمعين معلومات علمود من تخلصين الصيدلة تجين لامريكا من جديد وتعرفين شلون تشتغلين بشهادتج



نجي اذا قررتي مثلا تعوفين كلشي وتبدين من جديد بامريكا فلازم تدرسين بكالوريوس (اي شي) وبعدين تقدمين عالصيدلة لانه الصيدلة هنا هي graduate study يعني مثل الدراسات العليا مو بكالوريوس مثل الدول العربية وهاي راح تاخذ منج سنين فالحل الاول هو الامثل بنظري

تحياتي واني حاضرة لاي سؤال عندي معلومة بيه

[كاردينيا هاشم]

اختي سرى تسلميلي انت وكل من جاوب على استفساري بس اختي مفتهمت قصدج هسة يعني اني بالثاني يعني اذا صار السفر ووصلنا خلال اشكد اكدر ابلش بامريكا الدراسة اني سمعت انه الصيدلة يرادلها هواية يلا اخلصها بامريكا انت شنو معلوماتج هل هذا الحجي صح لان يقال انه تحتاج 6 سنوات وبرنامجها طويل  وهذا على كولتج الطريق طويل. فلو انه وصلنا خلال شكد اكدر اطلع واتمكن من تكملة الدراسة خارج امريكا وبيا مستمسك وخلال شكد اكدر احصل على هيج شي يسمحلي بالطلعة وتكملة دراستي برة امريكا ..وبالنسبة لو اني هسة مسافرت بس اهلي سافروا خلال شكد ممكن يكدرون يسحبوني باجراء يمكن يسموه لم الشمل بمعنى ثاني ابقى اكمل وهم يروحون ومن اكمل اكون ضامنة الالتحاق بالاهل على اساس هم هناك رح يكونون
فيا طريق تكولون احسن من خبرتكم بهالموضوع  اطلع وياهم اذا طلعت واسافر واكمل بامريكا لو بموضوع فد مستمسك احصله منهم يسمحلي اكمل برة وبعدين ارجع لو ماسافر واكمل بكليتي وبعدين اهلي يسحبوني ياهو منهم الصح وشنو ميزات وعيوب كل طريقة وجدا اسفة على الاطالة
واذا كان الخيار الافضل انه اروح وياهم وانتظر الكرين كارت خلال شكد ممكن اطلعه ووراها فعلا اكدر اسافر بيه وشكد ممكن المدة اللي بيه اكدر خارج امريكا ابقى
علما انه اني بليبيا جان المفروض بعدلي بحدود 3 الى 4 سنوات حتى اكمل واتخرج  لان نظامهم شوية يختلف حتى عن العراق فاذا رحت لامريكا عجبا بشكد يللا اتخرج

[سرى1]

اختي سرى تسلميلي انت وكل من جاوب على استفساري بس اختي مفتهمت قصدج هسة يعني اني بالثاني يعني اذا صار السفر ووصلنا خلال اشكد اكدر ابلش بامريكا الدراسة؟

حبي تكدرين تبلشين ورة شهر من وصولكم حتى وانتي مؤهلة للمنح والقروض كونك لاجئة وما محصلة بكالوريوس


 اني سمعت انه الصيدلة يرادلها هواية يلا اخلصها بامريكا انت شنو معلوماتج هل هذا الحجي صح لان يقال انه تحتاج 6 سنوات وبرنامجها طويل  وهذا على كولتج الطريق طويل؟


اختي مثل ما وضحت اعلاه الصيدلة تدخليها ورة ما تخلصين بكالوريوس مثلا علوم احياء او كيمياء ..........الخ اضافة الى امتحان لدخولها ومؤهلات تطلبها كل جامعة على حدة

. فلو انه وصلنا خلال شكد اكدر اطلع واتمكن من تكملة الدراسة خارج امريكا؟

تنتظرين الكرين كارد وبعدن اطلعي (ممكن تقدمين على ترافل دوكيومنت بس شغلته تطول وما تفيدج هواية).

وبيا مستمسك وخلال شكد اكدر احصل على هيج شي يسمحلي بالطلعة وتكملة دراستي برة امريكا؟

من تحصلين الكرين كارد الج حق سنة برة امريكا واذا ردتي اكثر من سنة واقل من سنتين تقدمين على ري انتي بيرمت واذا ردتي اكثر من سنتين تبقين برة امريكا تقدمين على ادفانس بارول advance parole ب هذا كله ورة الكرين كارد.

..وبالنسبة لو اني هسة مسافرت بس اهلي سافروا خلال شكد ممكن يكدرون يسحبوني باجراء يمكن يسموه لم الشمل؟

لازم تنتظرين اهلج يحصلون كرين كارد هاي اولا ولازم ما تتزوجين وشغلة السحب للاولاد تطول هواية بالنسبة لابو الكرين كارد

بمعنى ثاني ابقى اكمل وهم يروحون ومن اكمل اكون ضامنة الالتحاق بالاهل على اساس هم هناك رح يكونون
فيا طريق تكولون احسن من خبرتكم بهالموضوع  اطلع وياهم اذا طلعت واسافر واكمل بامريكا؟

هذا ممكن بس طريقه طويـــــــــــل

لو بموضوع فد مستمسك احصله منهم يسمحلي اكمل برة وبعدين ارجع؟

هذا افضل من ناحية استغلال الزمن

لو ماسافر واكمل بكليتي وبعدين اهلي يسحبوني؟

هذا جيب ليل واخذ عتابة وشغلتها طويلة كلش وتظلين النوب حايرة بين شوكت يقدمولج معاملة وشوكت تسافرين ومن هاي السوالف 

[كاردينيا هاشم]

تسلميلي حبي وان شاء الله كل امورج تسهل انت وكلمن ساعدني يارب
يعني باختصار هسة الحل الانسب بالنسبة لاستغلال الوكت اطلع وياهم في حالة صارت وطلعتنا واروح واحصل الكرين كارت بس فعلا خلال سنة ونص يطلع؟؟لو مابيه شي ثابت يعني مرات اكثر من سنة ونص لو وكته ثابت ؟ وراها اقدم على ادفانس بارول اللي يسمحلي بالسفر خارج امريكا لاكثر من سنتين  بس هذا خلال شكد ممكن احصله يعني همين ياخذ وكت مثل الكرين كارت لو راسا كاجراء روتيني واطلع اكمل
والله كلش اسفة بس الاسئلة اللي ببالي يرادلها كتاب كامل بس اتحملوني بعدني كلشي ماعرف من موضوع امريكا وبنفس الوكت خايفة منه والله يريح بال الجميع ياربي على هالبهذلة لان كل واحد منا اكو براسه موال وحاير بيه شلون يحله

[سرى1]

يعني باختصار هسة الحل الانسب بالنسبة لاستغلال الوكت اطلع وياهم في حالة صارت وطلعتنا واروح واحصل الكرين كارت بس فعلا خلال سنة ونص يطلع؟؟لو مابيه شي ثابت يعني مرات اكثر من سنة ونص لو وكته ثابت ؟


لا ماكو وقت ثابت اكو ناس اخذته بكم شهر واكو ناس طولت سنة بس هاي حالات نادرة المهم ما بيه وقت ثابت.

وراها اقدم على ادفانس بارول اللي يسمحلي بالسفر خارج امريكا لاكثر من سنتين  بس هذا خلال شكد ممكن احصله يعني همين ياخذ وكت مثل الكرين كارت لو راسا كاجراء روتيني واطلع اكمل ؟

اي ياخذ وقت بس اقل من شغلة الكرين كارد يعني كم شهر ويطلع اتصور تقريبا 3 بس تطلعين وراسج بارد

هذا كلامي ويجوز خلال بقائك بامريكا يعجبج اختصاص اخر وتدرسيه الله اعلم انتي لا تغلقين تفكيرج حاولي تكونين مرنة وممكن تشوفين كمية الاختصاصات الهائلة هنا ويعجبج شي منها ما تعرفين

موفقة عزيزتي

[اريج الراوي]

عزيزتي كاردينيا انت سبقت الزمن كثيرا ومن الواضح انه راح تنسين الفقره المهمه وهي عدم التوقف بالدراسه حاليا لحين صدور فيزه الخروج لان متعرفين اشكد راح اطولون واحتمال كبير تنهين كورسات قد تفيدك في الغربه وخصوصاانه اختصاصك مفيد ولتنسين ما قالته الاخت سرى مشكوره كون ان في امريكا لا يوجد بكالوريوس صيدله وانما دراسات عليا اي بعد البكالوريوس وبالتالي يجب ان تكملي الدراسه  الجامعيه اذا كان اهتمامكك بالصيدله
اما سالفة ترجعين تكملين دراستك بعد اكثر من سنه فلو اتحسبين فعليا مع انتضارج لحين السفر وسنه الكرين كارت تحتاجين على الاقل 3 سنوات من عمرج حتى ترجعي الى صفوف الدراسه
يعني بالاخير لاتفكرين كثيرا الان اهم شي ارجعي الدراستك وبعدها قرري تتركين واتروحين مع اهلج لو تظلين وخاصة وانتم لحد الان لم تعملو مقابله المحلف يعني المشوار طويل عزيزتي

[PlatinuM]

أن شاء الله رب العالمين يسهل أمرك وأمر كل العراقيين
تحياتي

[ZOKO1976]

اخي زوكو .............

الوايت كارد يقصد بيه الi-94 وهذا مو نفسه هو الترافل دوكيومنت اللي حضرتك تقصده



اختي كاردينيا:

الدراسة اول شي لا تعوفين اي شي درستيه وكملي على قدر ما تكدرين ووين ما توصلين لانه ما تضمنين السفر اولا وثانيا كلها تفيدج هنا وخصوصا اذا كورسات معلومة

اذا صارت شغلة السفر تروحين لامريكا واذا بقالج سنة او سنتين بكليتج انصحك تكمليها

الطريقة شلون :

من توصلين لامريكا تبدين تشتغلين على امتحان رخصة مهنة الصيدلة بمعنى انه تحصلين معلومات وتقريله زين

تخلصين سنة وتقدمين عالكرين كارد ومن يطلع تكدرين تقدمين على فورم اسمه: i-131 هذا تكدرين تحددين فترة بقائك برة امريكا وبصورة قانونية اكثر من سنة واكو بنفس الفورم ممكن تبقين اكثر من سنتين الحجة موجودة وهي الدراسة ولا انتي راجعة للبلد اللي اضطهدوكم بيه همين فما عندج اي اشكال فقط تتأخرين سنة دراسية واحدة بس مو خسارة لانه من توصلين لامريكا المفروض بيج تحاولين تجمعين معلومات علمود من تخلصين الصيدلة تجين لامريكا من جديد وتعرفين شلون تشتغلين بشهادتج



نجي اذا قررتي مثلا تعوفين كلشي وتبدين من جديد بامريكا فلازم تدرسين بكالوريوس (اي شي) وبعدين تقدمين عالصيدلة لانه الصيدلة هنا هي graduate study يعني مثل الدراسات العليا مو بكالوريوس مثل الدول العربية وهاي راح تاخذ منج سنين فالحل الاول هو الامثل بنظري

تحياتي واني حاضرة لاي سؤال عندي معلومة بيه

الاخت العزيزة سرى
ما قصرتي بإجاباتج للاخت كاردينيا ..اني مكان قصدي الوايت كارد نفسة الترفل دكيومنت ..بس كل قصدي انه اتعيش حياتها ابشكل طبيعي و كأنما ماكو سفر ..و موضوع السفر من ايصير اتسافر و اتقرر هناك شتسوي لأن الاخت مرتبكة حيل و متشتت تفكيرها و هذا حقها بسبب الظروف الصعبة اللي دتمر بيها و هية اببداية حياتها ..الله ايساعدها و ايساعد الجميع

اشكد ما تشرحين للاخت كاردينايا و حسب اللي شفتة من ردودها على الردود ...تبقى ابوضع مرتبك و متكدر اتقرر

كل اللي لازم الاخت تعرفة انه متفكر هسة و كأنما السفر مضمون و اتحاول اتعيش حياتها بالبدائل الموجودة و اذا صار السفر عود اتسافر و اهناك اتقرر و اتشوف الانسب الها لأن اهناك ممكن تستقر نفسيتها

تحياتي و تقديري للجميع

[ريتا سعد]

عزيزتي كاردينيا ,
ابن خالتي درس صيدلة بالجامعة الاردنية بالاردن لمدة اربع سنوات وبعدين سافر الى امريكا ، عادل الاربع سنوات بسنة دراسية واحدة (هو طبعا شاطر وجاد بدراستة ) وهسه هو دي كمل الباقي من سنوات الصيدلة الستة يعني بقالة سنتين ويتخرج.
موفقة ان شاء الله

[كاردينيا هاشم]

تسلمون كلكم وشكرا جزيلا وهو ادري طريقها طويل بس ان شاء الله ياربي الله ياخذها هالفرصة من عدنا ومتتطلعنا وينطيها لواحد رايدها ومتمنيها حتى اخلص من هالموال وتجي من يمهم مو من يمي.......
كل الشكر للجميع

[سرى1]

عزيزتي كاردينيا ,
ابن خالتي درس صيدلة بالجامعة الاردنية بالاردن لمدة اربع سنوات وبعدين سافر الى امريكا ، عادل الاربع سنوات بسنة دراسية واحدة (هو طبعا شاطر وجاد بدراستة ) وهسه هو دي كمل الباقي من سنوات الصيدلة الستة يعني بقالة سنتين ويتخرج.
موفقة ان شاء الله

اختي الكريمة ريتا ما اتصور ابن خالتج عادل الاربع سنوات بسنة لانه ماكو هنا معادلة مثل ما الكل متصور المعادلة هاي عن طريق المؤسسات يعني مو امتحان ولا تؤهل الشخص للعمل كصيدلي

ابن خالتك اعتقد اخذ امتحان الرخصة (اقصد المرحلة الاولى منه) وهذا عادي يكعد ويدرس مثل رخصة الطب ورجع يكمل صيدلة علمود يمتحن الجزء الباقي من الرخصة

تحياتي واحترامي اختي العزيزة