سؤال عن معادلة الشهادة من بغداد

[Sama83]

اليوم اسئلة سما هواية
اكدر اعادل شهادتي اونلاين على موقع wes  او fis  واني ببغداد لان اذا الله سهل ورحت ما عندي احد يتابع شغلتي  لو الا اكون هناك يللة اعادله اني هندسة مستنصرية

مشكوريين مقدما على الاجابة

[ريتا سعد]

up

[Eagle eyes]

للرفع والمساعدة من جماعة امريكا 

[Sama83]

شكرا اخوان لرفع الموضوع الله يجازيكم بالخير يا طيبين

[مالايكي]

دا ادور على الرابط   


هسه الجماعه يساعدووك 

[Sama83]

هلو رامي بعدك ملكيت الرابط  ؟؟؟؟؟؟؟؟؟؟ والله يعني بس لو تنطيني رابط واني افلسه لان اني قليل اجي وما اعرف انه هذا الموضوع مطروح قبل يا ريت تلكي الرابط واكوووووووووووون شاكرة الك يا وردة

[مترجم سابقا]

up

[سرى1]

اتصور من بغداد هسه اسهل قبل السفر لانه يمنا بامريكا هسه صار لازم تمر عبر السفارة العراقية (الكلام عن مؤسسة ويس wes) فلو تسويها من يمج افضل

اخونا بلاك انجل سواها من بغداد دزيله رسالة وهو ما يقصر يفهمج شلون من بغداد black angel

[Sama83]

السلام عليكم اخت سما

ادناه جم رابط ان شاء الله تلكين بيه الفائده بس هاي الروابط للمعادله من داخل امريكا
من بغداد ما عندي معلومات عنه

http://www.ankawa.com/forum/index.php/topic,253243.0.html  

http://www.ankawa.com/forum/index.php/topic,262910.0.html  

http://www.ankawa.com/forum/index.php/topic,255099.0.html  

عااااااااااشت ايدك ابو مريومة الوردة بارك الله بيك وحفظك من كل سوء والله دا فلس واتقدم للامام هههههههه لا تراجع


فلسي وارجعي ليوره  

تحياتي
ابو مريومة
cairo

عااااااااااشت ايدك ابو مريومة الوردة بارك الله بيك ومحفوظ من كل سوء والله دا افلس واتقدم للامام هههههههه لا تراجع ....تفليس تفليس

[Sama83]

اتصور من بغداد هسه اسهل قبل السفر لانه يمنا بامريكا هسه صار لازم تمر عبر السفارة العراقية (الكلام عن مؤسسة ويس wes) فلو تسويها من يمج افضل

اخونا بلاك انجل سواها من بغداد دزيله رسالة وهو ما يقصر يفهمج شلون من بغداد black angel

تدرين اختي سرى1 اني من دخلت على المواقع شفت كله مراسلات اولاين وبعدين همه يراسلون الجامعة وجوابج اجة ع الجرح يعني  يريدله بخت اذا كملته من بغداد هواية اسهل الي لان سمعت الجامعات مالتنا مينفهون ويخلوه الشغلة نايمة الا واحد يراجعهم تسلميلي عمري الله يسهل امورج يا وردة

[Black Angel]

اختي شوفي هذا الرابط ان شاء الله يفيدج

http://www.ankawa.com/forum/index.php/topic,463711.0.html

[Sama83]

اخوية المحترم بلاك انجل

يمعود ابو المروة غربلت المواضيع ادور عليك بس الحمد لله طلعت ونورت الموضوع اخيرا الف شكر على الرابط والله رح احاول انو ما ضوجك بالاسئلة بس يعني احتمال احتمال اسالك شوية اسئلة واني متاكدة مرح تفشلني مو؟ واكو عضو ثاني هم ديدور عليك يعني فرحت ثنين بهذا الرد

مشكور مرة ثانية الله يسهل امرك

[Black Angel]

اهلا وسهلا اختي العزيزة بيج وبالعضو الاخر وبكل الاعضاء

انت تدللين اقري الموضوع ولاتترددين تسالين اي شي وان شاء الله مااقصر وياج من اول البداية الى ان توصلج الشهادة مالتج

تحياتي

[Sama83]

والله العظيم ما ادري شاكلك صدك فرحتني ورفعت معنوياتي الهاااابطة واكيد متقصر وية اي عضو يا طيب باركك ربي وحفضك من كل سوء هسة رح ابدي ارتب معلوماتي وابلش خطوة خطوة والف شكر

[Black Angel]

يمعودة كولي يالله انت تدللين الحمد لله فوك ال 5 اعضاء عادلوا شهادتهم وخلصوا وان شاء الله يوم اللج انت بس توكلي وخطوة خطوة وتصير سوالف

[Sama83]

واني متفائلة بيك والله دا اقرة موضوعك ((تجربة مع معادلة الشهادة الهندسية عن طريق WES باسبوعين )) صدك رهيييب وتحية كلش كبيرة لروح المساعدة اللي عندك الله يوكفلك اولاد الحلال بكل امورك واليوم سهرة وية الويس ولا تراجع بلكي الحك اسوي شي خلال هاي الفترة

[Black Angel]

الحمد لله ان شاء الله يسهلج امرج وان شاء الله دعوة مقبولة باذن الله تعالى
الامر بسيط صدكيني بس تحتاجين تعرفين شسوين مو اكثر

[Sama83]

انشاء الله الامر بسيط واللي يخلي ابسط المعلومات اللي قدمتها النا بكل رحابة صدر  بشكل يستحق الاعجاب والتقدير  


وحبيت اقتبس الخطوات اللي لخصتلنا بيها الموضوع بعد اذنك طبعا



1- المنظمة المسؤولة عن المعادلة هي wes موقعها www.wes.org وتعتبر من اكبر المنظمات في امريكا واكثرها ثقة واعتمادا
2- الدخول الى موقع المنظمة وعمل اكاونت جديد يشمل المعلومات الخاصة بالمتقدم
3-ارسال نسخة من وثيقة التخرج بالدرجات الى المنظمة من اجل الحصول على رفرينس نمبر
4- تحديد نوع المعادلة من اجل اكمال الدراسة العمل الهجرة وفي حالة اكمال الدراسة الافضل ديوكمنت باي دويكمنت (document by document)
5-الوثائق المطلوبة هي وثيقة التخرج مصدقة من الخارجية ( نسخة ملونة) وطلب المعادلة يتم الحصول عليه من الموقع
6- طلب المعادلة مقسم قسمين العلوي يخص الطالب والجزء السفلي يخص الكلية ( يفضل جلب المعلومات من الكلية او القسم وطباعة المعلومات في الطلب وبعد الانتهاء اخذها للكلية من اجل توقيع الشخص المختص والختم ) وفي الجزء العلوي من الطلب يوجد ررفرينس نمبر يجب وضع الرفرينس نمبر الخاص بك
7- وضع الطلب الموقع والمختوم وكذلك النسخة الملونة  الوثيقة في ظرف ابيض وختم الظرف من الجهتين كما يوضع عنوان جامعتك في خانة المرسل وعنوان ويس في خانة المرسل اليه
8- يجب البدء باكمال الابلكيشن اون لاين والتي تشمل معلومات عن الشهادة ومكان التخرج ومكان ايصال وثيقة المعادلة وطرق الدفع اما كردت كارد او تحويل وغيرها
9- بعد اكمال الدفع والابلكيشن يتم ارسال الظرف عن طريق ال dhl او ال fedex بعدها سيتم اعلامكم بوصول الوثيقة وفي حال حاجتهم ال اي شي سيتم الاتصال بكم بعدها تبدا اجرارات المعادلة وفي حال اكمالها سيتم ابلاغكم بايميل


وهذا رابط الموضوع

http://www.ankawa.com/forum/index.php/topic,463711.0.html#bot

شكرا اخوية المحترم وشكرا للاخت سرى1

[beautiful angel]

انشاء الله الامر بسيط واللي يخلي ابسط المعلومات اللي قدمتها النا بكل رحابة صدر  بشكل يستحق الاعجاب والتقدير  


وحبيت اقتبس الخطوات اللي لخصتلنا بيها الموضوع بعد اذنك طبعا



1- المنظمة المسؤولة عن المعادلة هي wes موقعها www.wes.org وتعتبر من اكبر المنظمات في امريكا واكثرها ثقة واعتمادا
2- الدخول الى موقع المنظمة وعمل اكاونت جديد يشمل المعلومات الخاصة بالمتقدم
3-ارسال نسخة من وثيقة التخرج بالدرجات الى المنظمة من اجل الحصول على رفرينس نمبر
4- تحديد نوع المعادلة من اجل اكمال الدراسة العمل الهجرة وفي حالة اكمال الدراسة الافضل ديوكمنت باي دويكمنت (document by document)
5-الوثائق المطلوبة هي وثيقة التخرج مصدقة من الخارجية ( نسخة ملونة) وطلب المعادلة يتم الحصول عليه من الموقع
6- طلب المعادلة مقسم قسمين العلوي يخص الطالب والجزء السفلي يخص الكلية ( يفضل جلب المعلومات من الكلية او القسم وطباعة المعلومات في الطلب وبعد الانتهاء اخذها للكلية من اجل توقيع الشخص المختص والختم ) وفي الجزء العلوي من الطلب يوجد ررفرينس نمبر يجب وضع الرفرينس نمبر الخاص بك
7- وضع الطلب الموقع والمختوم وكذلك النسخة الملونة  الوثيقة في ظرف ابيض وختم الظرف من الجهتين كما يوضع عنوان جامعتك في خانة المرسل وعنوان ويس في خانة المرسل اليه
8- يجب البدء باكمال الابلكيشن اون لاين والتي تشمل معلومات عن الشهادة ومكان التخرج ومكان ايصال وثيقة المعادلة وطرق الدفع اما كردت كارد او تحويل وغيرها
9- بعد اكمال الدفع والابلكيشن يتم ارسال الظرف عن طريق ال dhl او ال fedex بعدها سيتم اعلامكم بوصول الوثيقة وفي حال حاجتهم ال اي شي سيتم الاتصال بكم بعدها تبدا اجرارات المعادلة وفي حال اكمالها سيتم ابلاغكم بايميل


وهذا رابط الموضوع

http://www.ankawa.com/forum/index.php/topic,463711.0.html#bot

شكرا اخوية المحترم وشكرا للاخت سرى1

حبيبتي مشكورة على هذا التعب بترتيب الموضوع ودعائي الج بالتوفيق وتحقيق الامنيات

تحياتي

[Sama83]

تسلميلي عمري وانشالله تتحقق امنياتج كوووووووووولها امين ربي

[خطاب البغدادي]

بارك الله فيك وجعلها في ميزان حسناتك

بس العفو سؤالي كم تستغرق هذه العملية والاجراءات

وتحياتي لك ولجميع الاعضاء

[beautiful angel]

تسلميلي عمري وانشالله تتحقق امنياتج كوووووووووولها امين ربي

الله يسلمج حبيبتي ويباركلي بيج على هذا الدعاء الحلو مثلج ويا ربي تشوفين كل الخير بحياتج

تحياتي
اختج سارة

[Sama83]

ويباركج ربي ويحلي ايامج يا احلى ملاك اتشرف بيج اخت عزيزة وغالية

[Sama83]

بارك الله فيك وجعلها في ميزان حسناتك

بس العفو سؤالي كم تستغرق هذه العملية والاجراءات

وتحياتي لك ولجميع الاعضاء

اخوية خطاب ولو اني بعدني باول خطوة وهي الغوص في بحر ال WES  هههههه بس اكو فقرة تكول

Fast Service
Reports are ready in just 7 business days,
once we receive your application, all required
documents and fees

وحسب مموجود بموضوع الاخ بلاك انجل انه استلموه باسبوعين


وهاي  اضافة  للمستعجلين


Rush Services & Fees
Evaluations are completed within seven (7) business days unless rush service is specifi ed.
For faster service, WES offers the following options:
• Same-Day — The evaluation is completed and mailed within the
• Three-Day — The evaluation is completed and mailed within three (3) business days. $100 (in addition to evaluation fee

[Black Angel]

السلام عليكم

اخي العزيز بالنسبة للفترة فتعتمد على معلوماتك والوثائق الخاصة بيك فاذا كلشي كان مضبوط ومحتاجوا شي اخر منك ان شاء الله تحصلها خلال فترة اسبوعين باذن الله تعالى

[Sama83]

السلام عليكم


الاخ العزيز بلاك انجل
   بالبداية سويت اكاونت وطلبوا مني الوثائق وحسب ما قريت بموضوعك انه هي نسخة من وثيقة درجات مصدقة وفورم الطلب الجزء الخاص بالطالب وترك الجزء الخاص بالكلية واللي رح امليه حسب الاتجمنت اللي بموضوعك.......... زين وراها اروح للكلية واذا الله راد اكمله وراها ادزة على هذا العنوان بال dhl


World Education Services
64 Beaver St, #146
New York, NY 10004
USA
بعدين رح ينطوني رفرنس نمبر مو صحيح؟
ياريت اذا اكو شي غلط تنبهني علية واكون جدا ممنونة

بقت مسالة الدفع
اني اختي باميركا تكدر هية تدفعلي؟؟؟وشي ثاني طلبت مني اعادل شهادته من بغداد بنفس الطريقة يصير ؟؟؟؟؟؟؟ لو يتسوي اشكال؟؟؟ اني حسب ما قريت بالموضوع انه يصير..... بس شون اذا اللي باميركا لازم يراسلون السفارة حسب ما مذكور بالموقع

For applicants based in the USA
Please contact the Cultural Office within the Embassy of Iraq to have your documents authenticated. Please request that after the authentication has been completed, the authenticated documents be sent directly to WES by the Iraqi Cultural Office.

Iraqi Cultural Office
Authentication Department
1638 R. Street, NW, suite 220
Washington DC, 20009
Tel: (202) 558-7696 / (202) 986 2626
Fax:(202) 986 2291
Email: certify@iraqiculture-usa.com
Website: www.iraqiculture-usa.com

يعني ياثر هلشي؟

مع كل الشكر والتقدير

l

[Black Angel]

وعليكم السلام ورحمة الله

اختي العزيزة من تسوين الابلكيشن اون لاين وحدة من الفقرات وين تريدين تدزين المعادلة على اي عنوان فراح تنطين عنوان اختج وبالنسبة للدفع تكدر اختج تدفع عنج ماكو اي اشكال بس تحتاجين معلومات الكردت كارد مالتها او من تخلصين الاجزاء الاولى تنطيها اليوسر نيم والباسورد مالتج الخاصة بويس وهي تنزل المعلومات مال الكردت كارد وراهة راح ينطوج ريفرينس نمبر هذا الريفرينس نمبر تخلي بالفورم وتاخذيه للكليه من اجل التةقيع والختم وترفيقها مع نسحة الوثيقة الملونة وبظرف ابيض ينختممن الحهتين وترسليها عن طريق ال دي اجل بالعنوان الي منطيه اكو عنوانين واحد مال البوست الاوفس الامريكي وهذا ميشتغل والثاني يخص ال دي اج ال وبقية الشركات
نعم تكدر تعادل شهادتها بس بامريكا تصير اصعب فخلي تسوي نفس طريقتج ومن تدفع تدفع عن طريق كردت كارد اخر ميثبت انه هي بامريكا