استفسار عن تركيا

[فارس_شمر]

[السلام عليكم ورحمة الله وبركاته
ممكن تردون على أسئلتي رحمة على والديكم لان ترى والله تعبت ومليت من العراق واريد اي منفذ اطلع بي من العراق .

1- اذا اسافر لتركيا واقدم على اليو ان ينطوني مساعدات ؟؟؟؟
2- المدة شكد يلة يطلع اللجوء لتركيا ؟؟
3- اكدر الكة شغل برتكيا ؟؟؟
4- شكد قيمة الايجارات هناك ؟؟؟

للعلم اني جنت شرطي وبطلت بسبب تهديدات مستمرة وكنت اداوم بالموصل .... يعني اني اذا اكلهم شرطي من مصلحتي لو لا ......

مع جزيل الشكر الكم

[المهاجر التائه]

اخويه العزيز في تركيا بعد ان يتم قبولك كلاجئ راح تقدم على معونه مادية ومبلغه مو كلش هوايه اتصور 100$ بس حضرتك تكدر تقدم على مساعده من الوالي في بعض المدن لانه بعض المدن ينطون مساعدات غذائيه ومساعدات اخرى بس للاسف ما عندي علم اي المحافظات هي الي تنطي مساعدات اما بالنسبه لحضرتك شكد اطول فماكو احد يعرف غير بس  رب العالمين بس خلي في بالك اقل شي سنه اذا مشت كل امورك بصوره صحيحه وبدون اي مشاكل بالنسبه للشغل بصعوبه ان تلكه شغل لانه لازم تكون تعرف اللغه التركيه لانه هنا ميعرفون انكليزي بالنسبه للايجارات حسب المدينه الي راح تكون بيه بس من الممكن ان تلكه شقه مؤثثه بين مبلغ 150 دولار الى 200 دولار وانت صاعد طبعا هاي الاسعار متشمل المدن الجبيرة يعني اسطنبول او انقره او ازمير لانه الاسعار اغلى هناك بهوايه وخلي في بالك يحتاجلك بالشهر كمصرف لعائله من 4 نفرات مبلغ حوالي بين 700 الى 800 دولار طبعا هاي مع الايجار وان شاء الله يجون الاخوان وينطوك معلومات اكثر واعتذر مقدما عن اي ملعومه غير دقيقه

[Eagle eyes]

اخي فارس شمر اقرا بهذا الموضوع وانشاء الله راح يفيدك

كروب السفر الى تركيا
http://www.ankawa.com/forum/index.php/topic,528091.0.html