اريد نصيحتكم بخصوص فصل ملف بنتي

[كآبه]

السلام عليكم اخواني واخواتي الطيبين موافقت بنتي بعد يومين من استلام الظرف اتصلت بيهم علمود الكفيل  كالولي موافقتها جايه  بعد 5اشهر اتصلت كالولي اكسباير البارحه اتصلت كالولي موجوده موافقتها   فصلي ملفها اني كلش حايره لان اخاف عليها عمرها 21 سنه ومو من النوع الجريء اخلاقها عاليه بشهادة الجميع والحمد لله بس الظروف صعبه حاليا شتكولون اذا فصلت ملفها  وراحت تكدر تدبر امورها وناحيه الامان  هل يسكنوها الوحدها ماعرف كلش حايره اريد نصيحتكم علما ولايتنه منعرف احد بيها كنتاكي  بارك الله بيكم

[مدموزيل لافوشيا]

يعني شنو قصدج تسافر وحدها ؟؟؟

[مدموزيل لافوشيا]

اني ما اشجع تطلع وحدها هي بنيه واني بنيه واعرف متتحمل هاي الخطوة ثم خاله عن اذنج شلون يطاوعج قلبج ؟ انشالله تطلعون سوى .

[silver_d]

تحيه عطره
اختي العزيزه صاحبة الموضوع
المسئله ميرادلها علم ولا جرئه ولا خوف من فصل الملف ... لحين صدور الموافقه وابلاغها بموعد السفر تكدرين تطلبين من المنظمه الدوليه بان تبقه وياج بالسفر وتصيرون بنفس السفره وكلش طبيعي ومرح يعترضون على هالشي .

وفصل الملف رح يكون ومن دون اراتج لان عابره ال 21 سنه بهالحاله رح اتصير ملف بوحدها

وابد لتترددين وميرادلها اي خوف

تحياتي الج

Silver_d. Michigan St

[A_FOX]

تحيه عطره
اختي العزيزه صاحبة الموضوع
المسئله ميرادلها علم ولا جرئه ولا خوف من فصل الملف ... لحين صدور الموافقه وابلاغها بموعد السفر تكدرين تطلبين من المنظمه الدوليه بان تبقه وياج بالسفر وتصيرون بنفس السفره وكلش طبيعي ومرح يعترضون على هالشي .

وفصل الملف رح يكون ومن دون اراتج لان عابره ال 21 سنه بهالحاله رح اتصير ملف بوحدها

وابد لتترددين وميرادلها اي خوف

تحياتي الج

Silver_d. Michigan St

اني اتفق معاك وكلامك صحيح

[amaar18]

عزيزتي انت ليش تريدين فصل ملفها ؟؟  واذا ماكو سبب قوي يدفعج لتعجيل سفرها فانتضري عسى الله يفرجها عليج وتطلعون سوا هوايه افضل

 الله يسهل امركم

 تحياتي

  ام عمار

[silver_d]

اخ ابو مريومه ... اني نطيتها فكره عن كل الموضوع وفصلت الها سؤالها وشنو تكدر اتسوي وشنو الي متريد اتسويه ... تحياتي .

[الناسك]

ياربي لك الحمد كما ينبغي لجلال وجهك وعظيم سلطانك


موقف لا تحسدين عليه

اذا بقيتيهة راح تصير الامنية اكسباير وجيب ليل واخذ عتابة
بين ما تجي الامنية مالتج تصير الامنية مال بنتج اكسباير وبين ما تجي مال بنتج تصير مالتج اكسباير
شلون ورطة
ياربي انظر لحالنا وساعدنا على القرار الصائب
اختي العزيزة
انتي مهما تكون ديانتج
صلي لرب العالمين واستخيريه بصلاه الاستخارة واطلبي منه السداد في الرأي وادعي ...

اني قبل اسبوع فصلت كيسي عن كيس اهلي ... اني ببغداد والامنية مالتي صارلهة شهرين من كاملة حسب الاتصال مالتهم بس امنية اهلي ابوية وامي لحد هسة ...
التوفيق من رب العالمين

[كآبه]

اشكر جميع الاخوه والاخوات الي انطوني رايهم بس المشكله ان الموضفه بالهجره نصحتني بان افك الربط لان الامنيه الها مده وتنتهي يعني مثل مكالت الاخت الناسك وحده تنتهي وثانيه تبدي ونبقى بهاي الدوامه ولكم جزيل الشكر

[dark@ngel]

قبل شويه سئلت هذا السؤال ومن خلال ردودكم عندي سؤال الموافقه المبدئيه متعني انو الموضوع مضمون لان يبقى الموافقه الامنيه سؤالي هوه اذا كان الربط قوي ولا سامح الله اجا رفض للعائله اقصد الامنيه هل يوثر على الكيس الثاني اذا كان ربط قوي وللعلم اني هم بنيه وعمري 22 سنه  ارجو الرد

[silver_d]

احب اوضح نقطه الكم شباب .. بعد موافقة المحلف اي من ياشر على المربع الثاني من الاستماره اي هيه نتيجة المحلف هذا يعني انو مجرد مسئلة وقت وتطلع الاوراق من الامنيه وخلاال مراحل النهائيه للامنيه رح يتصلون بصاحب الكيس لاجراء الفحوصات الطبيه . ومن بعدها تحديد موعد السفر

مثل مصارت ويا اهلي

شهر ال 12 2009 التقديم وبعد 3 ايام اجاهم الايزي نمبر
بعد مرور سنه تقريبا موعد المقابله الاولى شهر الواحد وبعد 4 ايام موعد مقابله الثانيه وبعد اقل من سبوعين نتيجة المحلف بالاتاشير على المربع الثاني
وبعد فتره اقل من شهر تم استدعائهم للفحوصات الطبيه .. وفترة الانتضار لحين انتهاء الامنيه هيه شهر الخامس 2011 . وبعد اقل من شهر تم تحديد موعد السفر وتاريخ وصولهم الى امريكا شهر السابع 2011
تحياتي الكم

[الناسك]

اشكر جميع الاخوه والاخوات الي انطوني رايهم بس المشكله ان الموضفه بالهجره نصحتني بان افك الربط لان الامنيه الها مده وتنتهي يعني مثل مكالت الاخت الناسك وحده تنتهي وثانيه تبدي ونبقى بهاي الدوامه ولكم جزيل الشكر

الخير في ما يختاره الله اختي (سعادة مو كآبه ان شاء الله)

احم احم احم ..... ترة آني اخوج مو اختج ..........هههههههههههههه
تحياتي

[احمد عباس]

اعرف ولد جتي امنيته واهله بعدهم
فصل ملفه
وصارله 4 اشهر

ومكمل كلشي همين بس ماخري هيج

[Dark...Angel]

اختي العزيزة هذا القرار راجع اولا واخيرا الج

بس الشغلة الي مو مشجعة انو ماعدكم كفيل يعني بنتج اذا

راحت راح تكعد وحدها لو مثلن رايحة يم بيت كرابيه جان اي

مقبولة الفكرة والله اعلم

اتمنالكم الموفقية ولسفر القريب يارب

تحياتي