كيف قضو قسم من المهاجرين في المانيا العيد الوطني لتوحيد الالمانتيين في 3ـ10 ـ2011ـ

[Edy Simon]

معارك بالأسلحة النارية والسكاكين والهراوات في مدن ألمانية بين عائلات عراقية ولبنانية

[/font]



دنيا الوطن
شهدت مدينتا كولون وبرلين الألمانيتان حروبا مسلحة بين عائلات عربية متخاصمة في وقت ينشغل فيه الناس بالاحتفال بيوم الوحدة الألمانية (3 أكتوبر- تشرين الأول). ورجحت مصادر في الشرطة أن تكون هذه الحروب على علاقة بالنزاعات الخفية بين عائلات كبيرة من أجل الهيمنة على مناطق نشاط عصابات الجريمة المنظمة. ففي حي ميشنيش الكولوني، الذي تسكنه غالبية أجنبية، اندلعت، مساء السبت الماضي، معارك بالسكاكين والهراوات بين نحو 30 شخصا من عائلتين عراقيتين متخاصمتين. وتمخضت المعارك عن جرح 6 أشخاص جروح 4 منهم خطيرة، وتدخل الجراحون في الوقت المناسب لإنقاذ حياة شاب عمره 29 سنة.


وعلى الرغم من وصول 20 سيارة شرطة للسيطرة على الوضع الأمني في الحي اندلعت المعارك ثانية بين نحو 20 شخصا من العائلتين مساء الأحد. وسقط في هذه المعارك 4 جرحى آخرين تتراوح أعمارهم بين 26 و73 سنة.


مصدر في الشرطة رجَّح أن المعارك تجري لأسباب تتعلق بعائلات كبيرة متورطة في نشاط عصابات الجريمة المنظمة. وقال المصدر: إن الشرطة لا تسيطر تماما على الوضع وإن من المحتمل أن تندلع معارك أخرى خلال أيام العطلة التي تستمر إلى الثلاثاء. وتم اعتقال 5 أشخاص بتهمة المشاركة في أعمال عنف وحمل الأسلحة المحظورة ويجري حاليا التحقيق معهم.


وفي حي نوي كولن، في العاصمة برلين، جرت المعارك بين عائلتين لبنانيتين استخدم أفرادهما الأسلحة النارية والسكاكين والهراوات. وقال مصدر في الشرطة: إن قوة مكافحة الشغب رفعت 18 خرطوشة فارغة من على أرض المعركة. وتم نقل 4 أشخاص إلى المستشفى وهم يعانون جروحا خطيرة. ورجح المصدر أن تكون المعارك استكمالا لحرب بين العائلتين تدور منذ سنوات وسقط نتيجتها قتيل واحد في الأقل في نوفمبر (تشرين الثاني) 2010.


كانت مدينة هاملن، في ولاية سكسونيا السفلى، قد شهدت يوم 10 أغسطس (آب) الماضي معارك بالسكاكين ومضارب التنس بين عائلتين لبنانيتين من أصل تركي. وسقط في المعارك 7 جرحى من أصل 20 شخصا شاركوا فيها، حسب مصادر الشرطة. وحسب مصادر الشرطة أيضا فإن النزاع «قديم» بين العائلتين، وبدأت المعارك الأخيرة أثناء اقتحام شقة ثم امتدت إلى شوارع المدينة الصغيرة.

[Eagle eyes]

العالم والناس بيش حايرة بالاحتفالات الحلوة وشلون يخلون ايامهم اكثر سعادة ولازم ميمر يوم ميعيشوا صدك بمعنى الكلمة وبالمقابل العراقيين واللبنانيين بعدهم على نفس سوالفهم ميجوزون منها  وصايرة حرب البسوس بيناتهم  الله يدليهم على طريق الصح ويهدي النفوس انشاء الله

تحياتي

[SIVandIOM]

اولا شكرا على الموضوع..ثانيا انته صدك تحجي لو تتشاقه؟ يعني ادري انه هذا نقلا عن جريده بس وسائل الاعلام الالمانيه اللي يمكم هم نقلت نفس الاخبار؟ يعني صدك هذا الحجي؟ اذا صدك..فما اعرف شكول....مصدوم والله..ادري اكو جريمه منظمه بمجتمعات المهاجرين بس ما متخيل انه توصل الى مرحله معارك على هالنطاق الواسع...يعني باقيلهم طخه ويصيرون مثل المكسيك.

من اجل انه نربط بين موضوع البارحه واليوم (وعاشت ايدك عليهم ثنينهم)...فمسأله عنصريه الالمان ممكن انه واحد ينطيهم العذر بيهه اذا المهاجرين هيج يسوون. اصلا ما استغرب اذا سدوا الهجره واللجوء وكالو كافي لعبت نفسنه...عمي حقهم.

[Edy Simon]

عزيزي SIVandIOM
 اخي ترى هذي في الاونة الأخيرة الحزازات بين اللاجئيين والمهاجرين في المانيا موجودة, وبما اني طبعاً ابناء جلدتي العراقيين على اختلاف طوائفهم اتفاهم وياهم اكثر من ابناء الدول العربية الاخرى, يكومون العرب الموجودين في مدينتي يحاربون ويسموني عنصري, مع العلم اني اساعد جميع الناس اللي يطلبون مساعدتي.
عزيزي المشكلة وين انه اغلب الشباب يجون الى المانيا او مايهتمون بالمدرسة او تعليم المهن , او يقضوها بالأكل والشرب والنوم , او عرض الشوارع, لهذا ايصير عدهم الكأبة.
لهذا السبب اني اغلب وقتي اقضية بالمحاكم او مراكز الشرطة لأجل الترجمة بين الشباب لحل نزاعاتهم, مع العلم احاول للشباب المغبونين احاول ان ارشدهم او افتشلهم مكانات لتعلم الحرف والعمل.
او اغلب المشاكل اللي اتصير انه اغلب الشباب العادات الشرقية يجيبوها وياهم, مثل عدم الأهتمام بالمدرسة او عدم تعلم حرفة اذا ما اتوفقو بالمدرسة, او لاتنسى عملية العصبية او عدم التفاهم بين الشباب من يجون اهنا مفقودة, او هذا السبب يحاولون ان يبنون جدار بينهم او بين ابناء البلد, اكيد العنصرية موجودة اهنا, بس الشخص المثقف او المتعلم او اللي يحجي لغتهم يأخذو بنظر الاعتبار ويحنرمو, او اهوايا من ابناء الجالية العراقية والحمد الله متوفقين في مدارسهم او جامعاتهم, لأنه اغلب العوائل اهتمو بتربيتهم في بلد الغربة.
لهذا السبب لكثرة القوميات المهاجرة ديصير هذا التضارب و المشاكل.
او الحمد بين جالتنا العراقية في المانيا بصورة عامة سمعتهم جيدة بالمقابل عن الجاليات الاخرى مثل اللبنانية او المغربية وغيرها, او هذا فخر لتربيتنا العراقية في المهجر.
وتقبلو تحياتي
جوسي البغدادي استشاري اللاجئيين والمهاجرين والمانيا

[SIVandIOM]

شكرا على التعقيب اخ جوسي..بس لو نظام المساعدات اللي يمكم مثل اللي يمنا بأمريكا (يجبر القادم الجديد على العمل) لكان نسبه المعتمدين عليهه اقل. الحمد لله انه سمعه الجاليه العراقيه مو هيه الاسوأ...بس احنا نتمنى انه تكون هيه الافضل.

تحياتي وتقديري.

[شنايزر]

والله العراقيين مايكعدون راحه

صدك جذب شبيهم

عمي اقسم المناطق والحارات وكل زعيم عصابة اله مكان معين 

والله خزونا بين الجرمان

[Edy Simon]

شكرا على التعقيب اخ جوسي..بس لو نظام المساعدات اللي يمكم مثل اللي يمنا بأمريكا (يجبر القادم الجديد على العمل) لكان نسبه المعتمدين عليهه اقل. الحمد لله انه سمعه الجاليه العراقيه مو هيه الاسوأ...بس احنا نتمنى انه تكون هيه الافضل.

تحياتي وتقديري.
 
اخي العزيز SIVandIOM
بالنسبة الى النظام مال يجبر اللاجيئ على الشغل, هسى ديتطبق, لكن اكو اكلاوجية من المهاجرين, خارقين هذا النظام:
1ـيجي اهنا او يجيب مرته او اطفال , زين او يأخذ على كل طفل اضافة على المساعدة المالية للطفل , يأخذ هدية من مكتب العمل لكل طفل حوالي 200 دولار لكل طفل الى ما يبلغ ال.... 25 سنة, او كي, او احسب عنده خمس اطفال اضربها في 5 يعني يقبض بس للاطفال 1000 دولار اوكي, او طبعاً راتب شهري اللى الى او  مرته, او ايجار شقة اقل شي 100 متر مربع, كول بالشهر 1000 يورا, عيني بعد لويش يشتغل, او يعدين يجيبله جم طفل او يزيد الدخل.
2ـالام ماتكدر تشتغل لأنه القانون اهنا يمنعها من الشغل او تربية الاطفال اهم, او حتى ما اتروح تتعلم لغة فوكاتها.
3ـ نجي على الشيخ او الباشا, اذا امسوي 5 اطفال على الأقل او يروح للطبيب او يجيبله تقرير عنده انزلاق بالفقراة, يعني مكسور ظهره, او يأخذ تقاعد من التأمين اصحي لأنه مريض او مالازم يتعب نفسه او يوميا عند الطبيب.
بعد اشلون اتريد اللاجئيين يشتغلون, هذاك اليوم رحت اترجم للأثنين عراقيين اخوة واحد 24 او الثاني 28, المحقق سألهم متزوجين او عدكم اطفال جاوبو اي كل واحد 5 اطفال, عيني بعد هذولا لويش يشتغلون لو يتعلمون لغة, ماعندهم وكت.
اتصور اكدرت ان اجاوب على سؤالك, اواني مستعد ان اجاوب على كل سؤال يخطر على بالك.
شكراً على كلمات الطيبة او اني بالخدمة للطيبين والسلام
جوسي البغدادي

[Eagle eyes]

 

[SIVandIOM]

شكرا على التعقيب اخ جوسي..بس لو نظام المساعدات اللي يمكم مثل اللي يمنا بأمريكا (يجبر القادم الجديد على العمل) لكان نسبه المعتمدين عليهه اقل. الحمد لله انه سمعه الجاليه العراقيه مو هيه الاسوأ...بس احنا نتمنى انه تكون هيه الافضل.

تحياتي وتقديري.
 
اخي العزيز SIVandIOM
بالنسبة الى النظام مال يجبر اللاجيئ على الشغل, هسى ديتطبق, لكن اكو اكلاوجية من المهاجرين, خارقين هذا النظام:
1ـيجي اهنا او يجيب مرته او اطفال , زين او يأخذ على كل طفل اضافة على المساعدة المالية للطفل , يأخذ هدية من مكتب العمل لكل طفل حوالي 200 دولار لكل طفل الى ما يبلغ ال.... 25 سنة, او كي, او احسب عنده خمس اطفال اضربها في 5 يعني يقبض بس للاطفال 1000 دولار اوكي, او طبعاً راتب شهري اللى الى او  مرته, او ايجار شقة اقل شي 100 متر مربع, كول بالشهر 1000 يورا, عيني بعد لويش يشتغل, او يعدين يجيبله جم طفل او يزيد الدخل.
2ـالام ماتكدر تشتغل لأنه القانون اهنا يمنعها من الشغل او تربية الاطفال اهم, او حتى ما اتروح تتعلم لغة فوكاتها.
3ـ نجي على الشيخ او الباشا, اذا امسوي 5 اطفال على الأقل او يروح للطبيب او يجيبله تقرير عنده انزلاق بالفقراة, يعني مكسور ظهره, او يأخذ تقاعد من التأمين اصحي لأنه مريض او مالازم يتعب نفسه او يوميا عند الطبيب.
بعد اشلون اتريد اللاجئيين يشتغلون, هذاك اليوم رحت اترجم للأثنين عراقيين اخوة واحد 24 او الثاني 28, المحقق سألهم متزوجين او عدكم اطفال جاوبو اي كل واحد 5 اطفال, عيني بعد هذولا لويش يشتغلون لو يتعلمون لغة, ماعندهم وكت.
اتصور اكدرت ان اجاوب على سؤالك, اواني مستعد ان اجاوب على كل سؤال يخطر على بالك.
شكراً على كلمات الطيبة او اني بالخدمة للطيبين والسلام
جوسي البغدادي

ما تكلي شلون ما تنهار الاقتصادات الاوروبيه اذا على هالحجي...والله عمي اني هسه اقتنعت انه الجمهوريين هنا احسن شي....دائما يطالبون بتقليل المعونات والبنفتس....عمي احسن واللي صدك يستحق لازم ينعرض على لجنه من هاي الابيه اللي تنخله نخل قبل ما تنطيه شي. عاشت امريكا حره جمهوريه! وليسقط الديمقراطيون واليسار المنحل اخلاقيا....والله اكبر وليخسأ الخاسؤون

[Edy Simon]

مولانا SIVandIOM

اتصور الدول الديمقراطية, عدهم قوانين خاصة او ثابتة, او هذي القوانين اذا اجى حزب حاكم او راد يغير شي لازم ينعرض على مجلس النواب او مجلس الشيوخ, او اذا وافقو عليه يلا يتغير.
لهذا السبب الاحجاية مو هوسة, لأنه تسمى دولة ديمقراطية مو مثل الدول النهب والحرامية والدكتاتورية.
بالنسبة الى الجمهوريين افضل من الديمقراطيين, اتصور كل الأحزاب نفس الشي, او اذا الدولة ماشية على نظام معين اي حزب اجي بحكم ما يتغير شي, او لازم تتوقع من يستلم حزب السلطة ينرادله دورة حكم كاملة بكدر يثبت نفسه والدورة الثانية اذا انتخب من قبل الشعب, راح يغير قسم من الاهداف اللي انتخبه الشعب الموئيد الى, لذا ابنظري كلهم نفس الشي او ماكو فرق بين الاحزاب الكبرى في جميع الدول العالم.
بالنسبة انه الاقتصاد الالماني ما دينهار, لأنه اقتصاد قوي او عايشين على الدبون او الضرائب, او لاتنسى من اتشوف الدولة اشويا ضاقت الميزانية للسنة القادمة يكومون يسون تقشف في دوائر الدولة, او يكدرون ان يسيطرون على النقص المالي السنوي.
او هلا بيك او ابأسئلتك
تحياتي
جوسي البغدادي

[Edy Simon]

عزيزتي  sally0

 اولا الحمد على السلامة, او انشاء الله اتحسنت صحتج.
عزيزتي انتي سامعة عن حقوق الأنسان, اهنا كلش مهم, لهذا السبب مايكدرون يسون هذا الشي يركبوهم بالطيارة او يدزوهم للعراق او لبنان .
بس اتصور قريباً راح يحصل هذا راح يرجعون ذوي السوابق.
او بالنسبة الى حقوق الانسان, اكو حقوق الحيوان  كبل جم يوم جماعة اجانب ذبحو بطة بالشارع , القرية طلعت مظاهرة او جمعيات حقوق الانسان سوها هوسة
تحياتي
جوسي البغدادي

[xzeus84]

طبعا صديقي بالمانيا ويحجيلي

هذا الحجي صدك وتوص بعد اكثر وحتة ياخذون خاوات من المحلات

طبعا العصابات الاقوى هي اللبنانية وبعدهة التركية والعراقية

يعني جماعتنا هناك برونزية

[ميمي2010]

لا حول ولا قوة الا باله العلي العظيم
شكرا اخي جوسي على نقل الخبر
دائما مبدع ومتألق بمواضيعك المتميزة عن اوربا
اختك ميمي

[*iskender*]

حتى هناك يتعاركون والله صدك خزونه