دزولي الفورم اليوم

[dkz]

اليوم الساعة ب 3 الظهر خابروني ال الاي او ام , طبعا حجت ويايه صبية ومن الصوت مبينة صاكة خخخخخخخخ

المهم كالتلي سيد ***** طبعا هاي اول مرة شخص يكلي سيد, كالت دزينالك الفورم الى الاميل مالتك املي ورجعلنياهباقرب وكت خلال هاي اليومين بس اكو ب الفورم شغلات ما اعرف اشون راح املاهة وانوب طلعتلي معضلة جديدة المواليد ب الجواز مالتي غلط يعني راح اتصير مشكلة بلكي يغلسون , منو عنده خبرة بهيج شي يكلي شاسوي ؟

[abuhatem]

المعلومات الي بالجواز هي الاهم والمعتمدة ، واذا اكو اي اختلاف بالوثائق الاخرى بس تبلغهم عنها
ومن المشاكل الي يواجهها اكثر العراقيين ان اللقب في الجواز يختلف عن الموجود بالجنسية ، اعتمد الجواز دائما

[usaforever]

مبروك....بس ممكن اعرف IZ number مالتك شكد وشوكت قدمت؟؟؟


وشكرا

[dkz]

ابو حاتم يعني تعتقد انشاء الله مراح ياثر هالشي؟ الله يسمع منك والاختلاف بس ب اليوم يعني حتة مو كل التاريخ

اخي usa forever
ال اي زد مالتي 130
قدمت بنهاية شهرالرابع

[cristiano ronaldo]

الف مبرووووك
احسب 6 اشهر وانشاءالله يحددولك مقابلة اولى
تحياتي

[abuhatem]

اغلب العراقيين عدهم مثل هاي المشاكل ، وانت اذا تبلغهم يعني انت صادق وهذا يكفيهم وانشالله تمشي امورك ولو رقمك بعده بعيد ، لان اخوي رقمه 120 وكمل هذا الفورم في الشهر الثالث ولحد الآن ما واصله موعد مقابلة

[usa sky]

الله يوفقك ان شاء الله سفر القريب

[اثير احمد]

أخي الكريم

ممكن اعرف الوقت اللي ابلغوك فيه بأنهم أتصلو بالسوير فايسر مالتك وانهم أتاكدو من اوراق تعيينك وعليك ان تنتظر اتصال منهم حتى يحددولك موعد المقابلة لأني استلت هذه الرساله منهم في نهاية الشهر السادس من هذه السنة ولا زلت في انتظار الفورمة.
مع الشكر

[iron man]

اني قبلك بنص ساعه اجاني الفورم بس ماكو اي صبايا  بالموضوع...الساعه 2:30 فتحت الياهوو لكيت رساله منهم  اني رقم الكيس 126 بغداد...

[Dark...Angel]

ان شاء الله الف مليون مبروك

ياسيد هاي صارو اثنين 

يله بلتوفيق

تحياتي

[برنسو]

الف مبروك حبي ... كمل الفورم وارسلها خلال اسبوع..وبالتوفيق

[dkz]

 - شكرا اخ usa sky

- اخ اثير ما اعرف شنو هذا اللي دا تحجي بي لان اني مقدم عن طريق اخوية

 - صفاء انشاء الله نسافر سوية .... بس اني اليوم هماتين خابرتني هاي الصبية رحم الله والديهة لان دزيتلهم استفسار جان تخابرني يابة والله ذولي ميقصرون احسن من جماعتنة العراقيين


 - الله يبارك بيك اخ dark angel

 - الله يبارك بيك ابو شهاب

[sattar86]

اخوان الله يخليكم ممكن ترفعون الفورمه او شلون صايره مشكورين الله يبارك بيكم

[amaar18]

مبروك وانشاء الله يوم تحديد موعد المقابله الاولى والثانيه والسفر القريب بعونه تعالى

تحياتي

  ام عمار

[cristiano ronaldo]

اخوان الله يخليكم ممكن ترفعون الفورمه او شلون صايره مشكورين الله يبارك بيكم

اخوية الفورمة مجموعة اوراق بيهة اسئلة يعني اسمك موالديك مزوج اذا مزوج تاريخ الزواج مواليد امك وابوك تاريخ زواجهم موالدي اخوتك وكم واحد شمخلص والاماكن الي سكنت بيهة وشوكت اشتريت الموبايل وشوكت سويت الاميل وخدمة العسكرية واسئلة خير من الله

[مغترب في وطني]

اني هم استلمت فورمه اليوم والضاهر اليوم يوم الفورمات العالمي
بس اكو شي محير بيها
يعني كل شخص لازم يملي الاستمارة حته الاطفال لو بس صاحب الكيس نمبر ؟؟
لو كل شخص بالغ ؟؟
يعني اذا شخص متزوج يملي الاستمارة اله ولزوجته لو بس اله ؟؟
طبعا اني اعزب بس اخواني متزوجين وهم دزو الاسمتارات الي ودزولي ارقام الكيسات مال اخواني يعني اني ادزها من يمي لو كل واحد يدزها وحدة ؟؟
الي يعرف اي شي ممكن يفهمنه ومشكورين شباب

[مغترب في وطني]

هاي اني صاير ملازم اول بعين كاوا وما ادري

[abuhatem]

اخ مغترب في وطني كل شخص له فورم منفصل ، حتى لو كان رضيع. يعني ترسل عدد الفورمات بعدد الافراد