سؤال بخصوص الخدمة العسكرية للجماعة SIV

[Birch]

مساء الخير شباب

بالنسبة للخدمة العسكرية اني  خادم عسكرية من (01-10-2002) الى دخول القوات الامريكية ب (17-03-2003 ), وراها تسرحت اتوماتيكيا....

سؤالي بخصوص فورم SD157 سؤال رقم (15) اكتب خادم من (01-10-2002 الى 17-03-2003) ؟ و هل هذا الشي يؤثر على عملية التقديم SIV؟

[Birch]

Up

[Aiham_]

شنو صنفك جان احجيلنة ؟؟؟

[ألن في بلاد العجائب]

اتوقع حل الجيش صار بعد 9 4 2003 يعني انت جنت لابس من دخلوا الامريكان

[Birch]

شكرا ايهم و الن في بلاد العجائب.

اني صنفي جنت اداري . من دخلوا للامريكان ب17-3-2003 ,اقصد باول منضربت بغداد اني درت وجهي و بعد مرجعت للعسكرية و سقط للنظام و كلشي انتهى وراها.يعني اني خدمت تقريبا خمس اشهر و نص.

هسه شنو اكتب تاريخ نهاية الخدمة؟

و هل هذا الشي يؤثر على علمية التقديم؟

[Aiham_]

ل عيني اني ما اشتغل بالتجنيد 

يعني هم جنت حرس جمهوري حرس خاص و الذي منو ؟

[جاسم كراده]

 السلام عليكم
 تحية طيبة الى جميع المشتركين.... بحقيقه اني هم نفس الصنف اني هم اتسرحت بعد دخول القوات الصديقه  بس من كتبت بالفورم يعني ما كتبت من دخول الامريكان....اشويه اجيت جاي    يعني كتبت نهاية شهر الثاني بين قوسين قبل ما اصير العمليات العسكرية الصعبه. وهمه من نوع ما يدققون بالمقابلة عليه كلش اهواية...! بس راح يسالك شنو كان صنفك واشكيد الخدمة وهم شاركت بحروب سابقة او كنت من جماعة الفدائين وغير من اساله تخص اصناف الجيش.

اني هذا الي صار ويايه.... وان شاءالله الموفقية

[يمتة الفرج]

اخوية اني هم خادم عسكرية وكتبتلهم التواريخ بالمضبوط لانه ليش اجذب وتنلكف وتصير بيها مشكلة وانرفض من وراها احتمال, اتوكل على الله واحجيلهم الصدك وان شالله تتسهل امورم,, بالمناسبة اني دفتر الخدمة مضيعة 

[Birch]

شكرا اخواني على الاجابة و المشاركة.

ممكن رجاءا تنصحوني شنو اكتب تاريخ نهاية الخدمة؟؟؟

و هل يوثر على عملية القبول لانه كنت عسكري عند دخول القوات الامريكية؟؟؟

و جزاكم الله الف خير.......

[Birch]

UP

[SIVandIOM]

اكتب التواريخ الحقيقه...شوكت التحقت بالخدمه وشوكت كعدت بالبيت واكتب بين قوسين انه صارت العمليات العسكريه واني كعدت بالبيت. راح يسألوك شنو صنفك وشنو جنت تسوي وهل شاركت باي عمليات مسلحه...احجي الحقيقه...وابوك الله يرحمه.

ما يأثر شي عليك لانه انته ما شاركت بالقتال ضد القوات الامريكيه...اللي بقوا بالخدمه الى مراحل متقدمه (وجماعه الدفاع الجوي) ما سوولهم شي يمعود.