أحبتي جمعتكم اليوم في مضيف الطابوكة وذلك لحل مشكلة الملفّات المتاخرة جدا (سنتين ؤو فوك ) لغرض تسريع هذه الملفّات وأريدكم إيتساهمون في هذه الحملة ... يا آلله سنبداء بشرح المهمة :
أحبتي , هذوله الربع عرفت إيشلون من يردون إيأخرون ملف شيسون , إيجيبون الملف وإيخلون عليه طابوكه إمصخرجه ؤو تعيشون يناملكم الملف نومة من هاي التمام فطبعا همه مو أذكى منا فأخوكم كعد ؤو فكّر بعد إنتضار أربع سنين والحبل عالجرار وكلت ليش ما أجمع ربعي إهنا في عينكاوة ونروح نجمع شكو طابوك بالعراق ونضمه علمود الربع ( من ريد إنجيب أسمهم ) من يردون إينيمون ملف مال أحد أخوتّنه مراح يلكون ولا طابوكة وفي هذه الحالة راح ينجبرون إيمشون هذا الملف إبسرعة , طبعا القدامى ميصيرلهم جارة لأن ملفاتهم أصلا بيها طابوك ولكن على الأقل خطية هذولة السنافر الجدّد تمشي ملفاتهم وإحنه أهل الكهف عودين وراهم ... ها أغاتي شنو رأيكم إبهذا الحل الطابوكي عفوا عفوا أقصد الجهنمي ؤو هاي أني جاي اجمع بالطابوك كلت خلي أسوي واهس لخوتي واشجعهم
ملاحظة : الموضوع معروض على وزارة الطابوك الناري والعقاري وهيئة إستثمار المصخرجات
