لقد ابتدأ التسجيل لليانصيب الامريكي للحصول على الكرين كارت

[traveller_75]

http://travel.state.gov/pdf/DV_2013_Arabic_instructions.pdf
ادخل الى الموقع اعلاه لقراءة التعليمات بالعربي
ومن ثم ادخل على الوقع ادناه لتعبئة الطلب


https://www.dvlottery.state.gov/

وحظا طيبا للجميع

[اخوكم المغترب]

مشكوووووووووووور تم التقديم على الكرين كارد ومتفائل اني بيك شكرا

[حيدر الربيعي]

شكرا جزيلا أخي عالموضوع وان شاء الله راح نحاول ونشارك والبيه خير الله يقدمه
مع تحياتي واحترامي
أخوكم المهندس حيدر الربيعي

[silver_d]

شكرا عالموضوع اخي

بس عندي سؤال لذوي الخبره

اكو معلومات عن العنوان ورقم التلفون بالابلكيشن هل يجوز اخلي عنواني بامريكا ويا رقم تلفوني ؟؟

ومسئله ثانيه بالنسبه للتقديم اكو 2013 يعني هاي شوكت اتكون سحبتها نهاية 2012 لو هسه ؟

واكو مال 2011 و 2012 يعني هسه السحبه مالتها ؟ نهايه السنه واذا اكو احد متقديمن الطلب عمره فوك ال 21 يحقله يسحب ابوه وامه واخوه الصغير .. والعكس ؟

تحياتي الكم

[mzeeni]

اخي العزيز
العنوان ورقم التلفون تخلي عنوانك الحالي في البلد الذي ساكن فيه الان
وتدخل القرعة في حالة كونك من البلدان المؤهلة للدخول بالقرعة (العراق من البلدان المؤهلة)
قرعة 2011 تم اعلان نتائجها في 1-5-2010
قرعة 2012 تم اعلان نتائجها في 1-5-2011 ثم الغيت نتائجها واعيد اعلان النتائج بعد السحب الجديد في 15-7-2011
وعلى نفس المنوال تسجل الان في قرعة 2013 وسيتم اعلان نتائجها في 1-5-2012 يعني بعد حوالي سبعة اشهر من الان
وهي تسمى قرعة 2013 وتسحب نتائجها في 2012 لأن اجراءات معالجة الفيزا ستتم خلال السنة المالية 2013

[silver_d]

اوكي اني عايش في امريكا مو بالعراق بس اني دا اسوي الجماعه واريد اقدملهم وتعرفون انو بالعراق ماكو عناوين ولا من هالخربطه
يصير اخلي عنواني مال امريكا والتلفون مالي مال امريكا ؟؟؟ لو مبيها اشكالات ؟

شكرا

[mzeeni]

اذا انت دتسويها نيابة عن شخص فتكتب عنوان هذا الشخص في العراق حتى تؤكد انه يعيش في بلد مؤهل للدخول في القرعة

بعدين انتوا متحتاجون اي شي من العنوان لانه مراح يدزوله اي شي على عنوانه .. يوم 1-5-2012 راح تدخل على الموقع الالكتروني مال اللوتري وتجييك هل فاز لو لا
سابقا كان يرسل اشعار الفوز بالبريد ولكن حاليا التجييك عن طريق الموقع الالكتروني فقط

[traveller_75]

اهلين وسهلين بالجميع وانا شاكر الكم على المشاركات
بالنسبة للعنوان والتلفون، ليس مهما ان يكون العنوان بامريكيا او بالعراق ما دام انت بتحط
C/O: او Care of
وبعدين بتحط اسم الشخص اللي ساكن بهذا العنوان
لانو الهدف هو عندما يرسلولك الاستمارات حتي تعبيها بعد طبعا ما يكون اختاروك اسمك بالقرعة


وحظا اوفر للجميع

[silver_d]

شكرا جزيلا وماقصرتو 

[mzeeni]

اهلين وسهلين بالجميع وانا شاكر الكم على المشاركات
بالنسبة للعنوان والتلفون، ليس مهما ان يكون العنوان بامريكيا او بالعراق ما دام انت بتحط
C/O: او Care of
وبعدين بتحط اسم الشخص اللي ساكن بهذا العنوان
لانو الهدف هو عندما يرسلولك الاستمارات حتي تعبيها بعد طبعا ما يكون اختاروك اسمك بالقرعة


وحظا اوفر للجميع

عزيزي ترفلر .. هذا الكلام سابقا كانوا يرسلون اليك استمارات الى عنوانك البريدي .. اما الان واعتبارا من قرعة السنة الماضية فانك تقوم (في حالة فوزك بالقرعة) بتحميل الاستمارات من الموقع الالكتروني بصيغة PDF تملئها تطبعها وترسلها بالبريد الى مركز كنتاكي القنصلي (طبعا من ترسلها تقدر ترسلها من خلال DHL او FedEx او الشركات الاخرى او بالبريد العادي حسب درجة ثقتك بالبريد في بلدك)

[muayed temo]

الف شكر وبالتوفق

[googoo]

زين أذا الواحد امقدم SIV وواصل مرحله انتظار الفيزا ومثل ما تعرفون حاليا ماكو ضمان 100% باستلام الفيزا بعد المقابله فهل لي الحق حاليا بالتقديم على اللوتري ؟
او احتمال بعد ما اقدم على اللوتري راح يشوفون اسمي موجود عدهم ويرفضوني

ارجوا الرد وأعطاء آرائكم بخصوص هذه الحاله

[mzeeni]

ماكو اي علاقة بين التقديم على  SIV و اللوتري ولا يؤثر برنامج على اخر
كل البرامج غير مضمونة 100% لحصولك على الفيزا ولذلك هم يسمحون بتعدد البرامج

وان شاء الله تتسهل شغلة SIV ومتوصلون لمرحلة الحاجة لبرنامج اللوتري لأنه شغلته طويلة يعني النتائج تعلن 1-5-2012 وفي حالة الفوز (احتمالية الفوز باللوتري تقريبا واحد بالالف) بعدها ارسال الاستمارات والانتظار لحين الموافقة الاولية ثم بعد ذلك تبدأ مرحلة المقابلات . يعني الشغلة ما تفض قبل منتصف 2013 في احسن الحالات ويجوز اتطول اكثر

[muayed temo]

ياريت فد تفاصيل للي عنده خبره

[mzeeni]

ياريت فد تفاصيل للي عنده خبره

بالتحديد تريد تفاصيل عن شنو

تقدر تشوف الرابط في بداية الموضوع وبيه التعليمات بالعربي وكثير من التفاصيل الاخرى

[mzeeni]

صدك اخوان بالنسبة اللي ناوي يسجل باللوتري خلي يستعجل بالموضوع لأنه التسجيل يغلق يوم 4/11/2011