محامي هجرة

[فداء الروح]

السلام للجميع : اخوان اني ساكنة بساكرمنتو بكاليفونيا ومحتاجة محامي هجرة ولجوء هناك ويكون عربي او عراقي يكون افضل .

وشكرا جزيلا الكم .

[SARA CALIFORNIA]

يعني بفلوس لو ببلاش؟
مو اكو نن بروفت لويرز ذولة يشتغلون بمنظمات و مياخذون فلوس
اعرف وحدة بس مو يمج بالساوث بي يعني ساعتين من يمج اذا تريدين انطيج رقم المنظمة و شوفي بلكت يساعدون بشي
بس تره امريكييين و اسيويين
اذا تريدين كولي حتى ادلجياها عالمسنجر
لف يو

[فداء الروح]

  ME TOOOOOOOOO
شكرا على كل شي عمري سارة

[فداء الروح]

اخوان ما زال السؤال قائم الي يعرف محامي هجرة او لجوء بساكرمنتو ارجوكم رقم تلفونة او اسمة وانا احاول اعثر على العنوان اذا امكن .

[SARA CALIFORNIA]

حبي المنظمة اللي كلتلج عليها اسمها Asian Law Alliance و عنوانهم هو:

 184 Jackson Street‏
San Jose, CA 95112-5153‏
(408) 287-9710
 هذولة طبعا Non-profit organization

[SARA CALIFORNIA]

الاشياء اللي يساعدون بيها اللاجئ هواية من اهمها معاملة الكرين كارد ,,معاملة الجنسية
يساعدون اللاجي لا سمح الله اذا احد غلبه و اخذ حقه مثلا اذا مالك الشقة حاول يغلب اللاجي و ياخذ الديبوزت منه بدون عذر المنظمة تساعد اللاجي ان يستعيد حقه
اذا ضاع الكرين كارد او اي مستمسك لا سمح الله,ايضا يساعدون اللاجي بهاي الحالات
المنظمة عدهم محامين بساعدون اللاجئين بدون ميدفع اللاجئ ولا فلس
اذا ردتي تروحين بالباص تاخذين باص رقم63 من الدوان تاون

[Edy Simon]

عزيزتي فداء الروح
حاولي ان تسألين المنظمات الانسانية ابلدتج لمساعدة اللاجئيين والمهاجرين, لانه عدهم استشارات قانونية او  اكو اعضاء بالمنظمة مجامين مختصين بهذا المجال.
اتمنى اليج الموفقية بوجود المحامي المختص اللي ادورين عليه
تحياتي
جوسي البغدادي

[فداء الروح]

حبيبي سارة وصل العنوان واشكرك كل الشكر عمري .

اخ جوسي شكرا الك جزيلا النصيحة بمكانها بس وية المنظمات الاجنبية والجمعيات الاجنبية .. العربية وخصوصا العراقية الله لا يراوي الي شفته من رحت مع الاسف والله مع الاسف عليهم . اشكرك اخوية وبالفعل رح اسال عن المنظمات الانسانية بالاضافة الي انطتها الي اخت سارة الوردة .
تسلمون

[Edy Simon]

عزيزتي الاخت فداء الروح
العو عزيزتي هذا واجب, او اني قصدي المنظمات الامريكية مثل الصليب الاحمر, والكاريتاس, منظمات الهجرة الامريكية.
لانه هذي منظمات انسانية او يخدمون المهاجرين واللاجئيين مجاناً, او بيها محامين  متطوعين امريكان.
اتمنى اليج الموفقية
تحياتي
جوسي البغدادي

[silver_d]

فداء الروح ورده
اني اعرف وحده مديرة منظمه باورنج كاونتي بعيده منكم شي 5 ساعات بس انطيج رقمها تتصلين بيها ومتقصر وياج
رح اكتبلج رقمها عالخاص ويا اسمها واتكوليلها من طرف منو ورده

.. تحياتي الج

[Edy Simon]

بارك الله بيك  silver_d

على الألتفاته الطيبة, لأنه اني اعرف اكو اهويا طيبين في المنظمات الانسانية او يقدمومن المساعدات  للمغتربين, او هما الممنونين, او اكو كلش تعبانين مثل ما اتفضلت الاخت فدا الروح, يعذبون الواحد, اصابعج مو كلها سوا.
انشاء الله تتوفقين اخت فداء الروح بهذي المساعدة, وتقبلي تحياتي
جوسي البغدادي

[فداء الروح]

اخي سلفر تسلم والله يبارك بيك يا رب .

[فداء الروح]

اخ جوسي تسلم على الكلام الطيب الله يوفقك .

[وام كار]

 كيف حالكم أخواني واحبائي
الى الاخت الكريمة سارة كاليفورنيا والى جميع الاخوة أصحاب الخبرة
أنا حصلت على فيزا زيارة  الى امريكا مدتها خمسة سنوات متعددة السفرات وسوف احضر الى امريكا بعد عيد الاضحى المبارك وانا مقدم الى ال UN عمان وملفي متحول الى IOM  عمان وقد اتممت مقابلة المحلف انا وعائلتي منذ شهر 12/2010 وكانت النتيجة قيد الدراسة ( لارفض ولاموافقة ) ولحد الان ( معلكيلي مغذي ) فهل ياترى اني أستطيع التقديم على هذه المكاتب ( النن بروفت لويرز ) عند وصولي لامريكا  لنقل ملفي وعائلتي من IOM عمان الى أمريكا وهل سوف تكون اتعابهم مجانية   
الرجاء من كل من لديهم معلومات أرجو أن لايبخلو بها علينا .

 

[وام كار]

للرفع

[وام كار]

للرفع