الموضوع منقول من احد المنتديات المصرية
بعض النصائح
بسم الله الرحمن الرحيم
طبعا الكل اول لما يسافر فيه كتير منهم بيبقى تفكيره انو يحوش قرشين و يرجع على مصر و فى البعض الاخر الى بيبفكر يعيش فى الولايات المتحدة الأمريكية و الموضوع ده يفيد الى عايز يسافر لأى منطقة فى العالم مش الولايات المتحدة الأمريكية بس.
الموضوع مش سحر لاكن انت لازم هتيجى على نفسك و تضحى بكام حاجة:-
1-بدل لما تأجر شقة حتى لو مع بعض الأشخاص فأنت ممكن تأجر اوضة,و فيه الكثير من الأمريكين بيأجروا اوضة فى الشقة بتاعتهم عشان تزود دخلهم و بكدا هتلاقى الأيجار قل اوى و بدل لما تدفع 700 و 800$ هتلاقيهم قلوا اوى و ممكن تدور هنا
http://www.craigslist.org/ ,و ممكن تكتب على جوجل "temporary housing rental in US" و فيه موقع تانى
http://www.airbnb.com/ و طبعا الكلام ده كلو هيتعكس لو انت عندك شقة يعنى هتأجر اوضة فى شقتك عشان تزود دخلك,و لو قدرت تسكن مع ناس عواجيز ممكن يعرضوا عليك انك تنضف البيت يوم فى الأسبوع و يقللوا الإيجار او يخليك متدفعش ايجار خالص فركز على العواجيز.
2-لو انت كنت طالب او لسه متخرج فيه بعض الشركات الموؤسسات الى بتديك فلوس على حاجات سهلة عشان تزود دخلك و كمان لو انت عايز تعرف موضوع المنح و القروض للدراسة و طلعا دول لحاملى الجنسية او الجرين كارد بس
http://www.finaid.org/3-نيجى بقى للأكل,انت هناك ممكن تشترى معلبات و اغذية مجمدة و ديه هتبقى اوفر كتير من انك تشترى اكل طازة و هتلاقى الطعم قريب من بعض و فى نفس الوقت بيبقوا ارخص و ممكن تحفظهم لوقت طويل و
http://www.amazon.com/ بيعمل تخفيضات كبيرة جدا لو انت اشتريت كمية و كده كده انت ممكن تخزنهم فترة طويلة و بردو شوف هنا
www.costco.com/4-مش معقولة بقى انك حتفضل هناك تشتغل و بس انت كده هتكتأب و ممكن يحصلك حاجة فلازم ترفه عن نفسك شويه فلو انت سبت نفسك على راحتها هتخلص كل فلوسك على لعب الكمبيوتر و البلاى ستيشن زي حلاتى كده لاكن لقيت طريقة تعيش حياتك و تعمل الى انت عايزوا ببلاش........فممكن انت تروح محلات apple او microsoft و هناك ممكن تجرب اللعب و تشوف الميل بتاعك و تعيش على الفيس بوك لو انت معندكش كمبيوتر و لو عايز تتفرج على فيلم ممكن تبقى تتفرج عندك اى حد من صحابك لو كنت عارف حد هناك بيحب يرفه عن نفسه يعنى و فيه سينمات هناك تخليك تتفرج على الفيلم ببلاش قبل اى حد و فى نفس الوقت متدفعش ولا مليم بس بعد لما تتفرج على الفيلم بيعملولك احصائية عشان يشوفوا ايه نظام الفيلم و طبعا كولوا من ابو بلاش.
5-انت ممكن توفر فى الضرايب عن طريق انك توفر فى الكهرباء و المياه و كده.......
6-حاول تبقى ساكن جنب المكان الى هتشتغل فيه او المكان الى هتدرس فيه عشان المواصلات هناك هتكلفك كتير و لو معاك عربية هتاخد منك بنزين كتير فحاول تسكن قريب من الأماكن المهمة بالنسبالك.
