اخواني عندي اسئله ياريت جواب بخصوص تقديم على يوان من عمان

[استاورو]

سلام عليكم اخواني

ارجو رد على هاي الاسئله لئن ماعندي اي فكره عنهه

اخوان اريد اسوي كفاله خمسيه من كندا وبنفس الوقت يصير اقدم على امم متحده يوان؟؟

وحاليلا مقابله الاوله كم تأخذ من الوقت ؟

علما اذا كملت على خير كفاله لح اترك يوان
 

وسؤال بعد اخواني الاحبه الوضع اشونه ابعمان عموما؟

وعندي سؤال رب يحفظكم اذا كان جواز بي دخوليه لتركيا بي اشكال ؟؟ لغرض العلاج طبعن ؟؟

واكو اسئله اهوايه بس ماريد اثقل عليكم احبتي يحفظكم الرب ويبارك بيكم

تحياتي

[ابو هنودة]

اخي السلام عليكم
قدم الى الـ UN وسوي معاملة هجرة الى كندا كفالة خماسية او كنسية ما كو مشكلة.
انت من تقدم ينطوك موعد قريب تملي الاستمارات وتقابل وبعد تقريبا ً 3 اشهر اكو مقابلة رئيسية وبعدها مقابلة توطين وبعدها المحلفين والفحص الطبي والتثقيفية والامنية وموعد السفر.
بس معاملة الـ UN ما تمشي تتوقف لأن السفارة الكندية تبلغهم انه عندك معاملة هجرة.
وعندما تجي معاملة الهجرة سافر الى كندا. واذا رفضت لا سامح الله تبلغ الـ UN حتى يمشون معاملتك.
الوضع بعمان يزهو بالنصر الامان متوفر والاسواق زاهرة كل شي متوفر والاسعار مثل العراق وشوية ارخص. تمشي بطولك محد له شغلة وياك. بس لا تشاركهم ولا تداينهم ولا تشتغل عندهم يعني لا تتعامل معهم بأي شغلة بيها فلوس لأن ياكلوك ويشربوك والنصب عندهم حلال ابن حلال.
جوازك داخل تركيا عندك اشكال مع الاتراك ما يؤثر بس لا الدخولية بيها تزوير ومؤشر بالجواز ترة الاردنيين يقرون تركي بس يقرو بالهندي.
وشتريد تسأل اسأل بس لا تكثر هواية كل مرة 4 اسئلة.
تحياتي

[شمعه منوره]

الاخ استاورو

اعتقد  سبق وان اجبتك على هذه الاسئله ومع ذلك اجاوبك مره اخرى ..

1- لا علاقه بين التقديم على اليو ان وبين التقديم على الكفاله الخماسيه اطلاقا ويمكنك التقديم على الاثنين في وقت واحد والكفاله الخماسبه اصلا لا ترتبط اجراءاتها بال يو ان باي شكل من الاشكال ..

2- بالنسبه لجوازك ليست هناك اي اشكال حتى لو كان بيه دخول لتركيا او غير تركيا عدا ( ايران) واي دوله جوازك فيه دخوليه ليس فيه اي مشكله على الاطلاق ..

3- بالنسبه لوضع في عمان الاخوه الموجودين يجيبوك على هذا لاسؤال ولكن عمان بشكل عام غاليه جدا ..

اي سؤال اخر انا حاضر ... ولو انا وجودي في عينكاوا قليل جدا  وموجود دائما في منتداي الخاص ..

تحياتي

شمعه

[gheed ... جـهــيـــــــد]

اذا على كد اكلك وشربك فعمان مو غاليه بس اذا عندك غير سوالف فاكيد غاليه يعني عندك فلوس تتونس كومه ماعندك فلوس تعيش وعادي مرتاح لاتخاف