خاله بيوتفل انجل. مو كتلج هذا السفير ما يمثلني يا عيني . واني كايلج قبل اني قوميتي ارمنيه صحيح و مو عربيه بس جنسيتي عراقيه . واتشرف بالثنين.
اختي الارمنيه انتي كاعده بامريكا و متحسين بالموجودين حاليا بالعراق و بعدهم ما مسافرين وتحجين ابرود اعصاب. لان هذا الكلام السخيف مال هذا الخبل السفير قد يأثر على موقف الارمن بطلب الهجره او اللجوء و يأثر على نسبة قبول ملفاتهم. انتي مو وصلتي اهناك و صرتي تحجين ابرود و اتكولين ميصير ننتقص و من هذا الكلام الى اخره. انتي اذا يعجبج روحي عيشي بارمينيا شكور رحني امريكا. اني اكرر هذا السفير خبل و ما يشرف اي ارمني بعده بالعراق...مو ارمني طالع ونافذ بجلده و يحجي ببرود. واذا شفتي اسلوبي استفزاوي بالرد فهذا لان اني هسه بالمحنه مو انتي. الي ايده بالنار مو مثل الي ايده بالمي انتي كاعده بامريكا و تحجين لان مراح يمسج بشي كلام هذا الغبي.
اخت هايكو . بالنسبه انو هو ارمني وميصير نحجي عليه ...لا ما اتفق وياج, اذا هو ارمني او بوذي و حجه شي غلط و يأثر على الارمن العراقيين فسكوته احسن من هايه اللغوه الزايده مالته الي لا يمت من الحقيقه باي صله. حته لو ارمني شنو يعني؟ الغلط غلط وبدون وطنيات.
اخويه كوكو بالنسبه الكلامك انو أكثر الأرمن العراقيين اللي حاليا عايشين بأرمينه تره ماناقصهم شي ومرتبين امورهم (اللي مسوي بزنز بأرمينيه واللي مستثمر فلوسه بأرمينيه واللي واللي....) بالاظافه الى كل التسهيلات الي ذكرته حظرتك . فسوالي الك . انت مقدم على هجره او لجوء؟ و منين مقدم؟ ليش قدمت و متروح نعيش بارمينيا اذا هيج الاوضاع؟ اتمنه من الله سبحانه و تعالى ان يجعل من ارمينيا مكان سكنك الدائمي وليس اي بلد اخر. ان شاء الله اخويه. ياااااااااااااا رب يكون عيشتك بارمينيا ولا مكان اخر غير ارمينيا. كول يا رب 
تحياتي
Dollar - Dram
سيد دولار كل واحد يكدر يسفط حجي بكيفه اذا راد مجرد يبين عضلاته ويفرض وجهة نظرة باي موضوع وباي طريقة كانت ...
انت قبل لتكتب ردك كان المفروض تسأل نفسك هل انت تعرفني ؟ وشلون حكمت اني كاعدة هنا وما احس باخواني اللي بالعراق
اللي هم اهلي واخواني واقاربي من لحمي ودمي عايشين هناك اصلا ؟؟؟
بعدين اذا جنابك بعدك عايش وبيك نفس فاني دفنت بالعراق من يسوا عندي العراق بارضه ومايه وهواه فلا تتصور نفسك انت الوحيد
اللي دتمر بهل ظروف والباقي وصلو لبر الامان ع الحاظر وبدون تعب وحركَ اعصاب وكاعدين متونسين ما يهمهم احد او شي...
حالك من حال الكل وماكو واحد احسن من واحد ... لكن رغم كل اللي مرينا بيه الحمد لله ما بيوم انتقصنا من مكانة اخواننا ابناء
قوميتنا او من ابناء شعبنا العراقي عموما ننتقد نعم نأشر على مواطن الخطأ سواء بالحكومة او بالمجتمع بكل ما يحملان من تشعبات
سواء كاشخاص او قوانين وانظمة او اعراف نعم لكن بشكل لائق يحفظ لابن بلدي وقوميتي مكانته واحترامه
واعتقد انك غير مخول ايضا ان تحجي بالنيابة عن ارمن العراق وتفصلهم عن ارمن الخارج فمن تحجي اتكلم عن نفسك فقط
لا تحجي نيابة عن احد لانك تمثل نفسك متمثل احد ... انا قلت الك بردي الاول اني اوافقك ان الكلام المنشور غير حقيقي لكني انتقد
اسلوب كلامك والظاهر انت اسلوب كلامك هذا مو شغلة عصبية او خايف يأثر على قبول ارمن العراق او شي من هل قبيل واضح جدا هل شي من خلال ردودك الباقية ..... فزميلي الارمني العراقي عندك راي عبر عنه براحتك لكن دون مساس بالاخرين خلي يكون ردك منطقي وبناء ومتحظر بنفس الوقت ... هاي اخر مداخلة الي وياك بهل موضوع ... تحياتي .
