سلام عليكم,
طبعا هسه اتفرجت على لقاء ويه السفير الامريكي على قناة العربيه بخصوص موضوع ما بعد الانسحاب الامريكي من العراق.
راح اكتب النبذه الي اتذكره مو نصا طبعا لان مدا انقل الخبر من موقع معين بس الي اتذكره من كلامه.
كومه حجي بس وحده من الاسئلة الي ساله مقدم البرنامج للسفير. كله شفت هوايه ناس مقدمين على هجره و لجوء, شنو الوضع بالنسبه الهذا الملف . جان يكله العراقيين هوايه اكو يرحون لامريكا لطلب دراسه والبعض زيارة وقتيه و يرجعون. و كال قسم من العراقيين ديرحون لامريكا بسبب الاوضاع الي مرت بيه البلد و هم راح يرجعون دينتظرون الاوضاع تتحسن و احنه متاكدين انو الاوضاع راح تتحسن بعد الانسحاب لان عدنه ثقه بالقدرات العراقيه. وكال بالنسبة للاقليات المهدده احنه لاحظنه انو اكو ترابط و حب بين الشعب العراقي و اكو انتماء للوطن بحيث يكدرون يجتازون هايه الصعوبات.
ههههههههههههههههههههههه والله شر البليه ما يضحك . يعني اني لاحظت على كلامه عدم المبالاة لاوضاع طالبي اللجوء و الهجرة للتهديدات الامنيه الجديه الي يواجهه العراقيين الي عملوا معهم. ويحجي بدبلوماسيه و سياسه بحيث الواحد ميعرف شنو قصده الفعلي و شنو الحقيقه. هل هو امام الاعلام فقط و سياسه ضاهريه؟ او هم صدك هايه سياستهم الفعليه الجايه؟.
تحياتي
