فدوه لعيونكم ترجمو

[tuna]

Thank you for your email,

 

A careful review of our records indicates that your cases are currently pending U.S. Government security reviews which are required for all refugees prior to departure for the United States. 

 

We are unable to predict when the security checks might be completed, as this process is under the authority of various agencies in the United States and beyond the control of IOM. 

 

When the results are made available to IOM, we will contact you with update accordingly.

 

We appreciate your patience.

 

Kind regards

[xxlm569]

عيني ما كو شي جديد مغذي , بس اكو جماعة يكولون هاي الكليشه مال امنيه ما قبل السفر ! الله اعلم , هاي اول مره توصلكم هاي الكليشه ؟

شوكت مستلمه الظرف ؟

[tuna]

اخي احنه امقابلين يوم 16 - 6 بس احنه مجايتنه موافقة المحلف قبل اسبوع دزينه ايميل جاوبونه انتو تحت التجييك الامني اشو اليوم جتنه هاي الرساله

[xxlm569]

اذا صار 4 اشهر على مقابلة المحلف ! يعني بعد مخلصانه شغلتكم . 

نتمنالكم السفر السريع انشالله

[dark@ngel]

السلام عليكم

ممكن سؤال انتوا اتصلو بالكفيل مالتكم لو بعد؟؟

[tuna]

لا والله اخوية بعد ممتصلين يالكفيل

[tuna]

بشنو هاي 120 مشاهده بس اثنين جابو وين المساعده يمعودين وينكم
 

[البغدادية2]

اختي تونا العزيزه إحنا مخلصين كلشي واجتنا هاي الكليشه  الظاهر هاي صارت عدهم مثل الزلاطه هذوله امضيعين صول اجعابهم  انتي بعدك بالتجيك الامني مختصر مفيد لاامنيه ماقبل السفر ولا بطيخ  من اجتي إلنا هاي الرساله كيفنا وكلنا اي انحلت  وكلنا هاي امنيه ماقبل السفر زين انتي حتى موافقة محلف ممستلمه لعد اشلون امنيه ماقبل السفر ؟؟؟؟؟؟؟؟؟؟؟؟؟

[skay]

السلام عليكم

اختي العزيزة   Tuna

هاي الرساله هوايه اختلفت عليها الاراء,,اني هم جاي تجيني طبعا لاني كل يوم ابعث ايميل الهم,,زهكتهم خلي يكتبون احسن ما كاعدين وملتهين بشرب الشاي والقهوه,,,اني من جماعة 25-6 عمان,,بس اأتاكدي من شي واحد انوا النتيجه اتبين بعد مرور 6 اشهر تقريبا...من استلام المغلف علما انوا اني اتصلوا بكفيلي مرتين متتاليه..وان شاء الله خير اتكون هاي الرساله ونسافر,,

تقبلي مروري

Skay

[tuna]

والله يا اختي اني هم ممفتهمه اني قبل اسبوع دزونه ايميل كالو بيه انتو تحت التجييك الامني  البارحة دزولنا هذا الايميل بعد الله اعلم

[tuna]

الله  كريم اخوية سكاي لا ولله احنا مدازين الهم ايميلات بس  يمكن ايميلان بس بس اجانا هذا الايميل من دون ان انراسلهم هالمرة بحدهم الله هداهم علينه يمكن كالو ذولي خطية ملحو علينه خلي انجاوبهم ههههههههههههه

[نيويورك]

معناهه المحلف موافق عليكم مع التاجيل و بعد جم يوم تحيكم رسالة بيه الموفقة مع التاجيل باذن الله  ..

[tuna]

الله اعلم زين شنو احنا هسة الامنية ما قبل السفر لو امنية اعتيادية واكو واحد جايته هاي الكليشة ويمته جته

[محارب]

للرفع والمساعده

شلونج تونه وشلونهم جهالج العاقلين

[tuna]

الحمد لله زينين الجبير دخل عندي اول ابتدائي وراح ايموتني صارلي ثلاث ساعات اقرية ويكتب كلمة ويحجي عشر كلمات موتني اليوم اجة فاكس عين صديقة   انته جهالك اشلونهم واشلون صحتهم

[killer007]

سلام عليكم

شلونكم شباب وشلون اموركم؟ بالنسبه لهذا الموضوع همه ديكولون اكو مراجعه امنيه وهاي تكون عن طريق وكالات احنه ما عدنه سلطة عليهم يعني بين قوسين سي اي اي او اف بي اي فالموضوع كلش عادي مسالة وقت وتنحل بعون الله اما بالنسبه للامنيه وشوكت تصدر تره همه بكيفهم ماكو شي ثابت يعني نوبات قبل المقابله يجيكون نوبات بعدها حتى فالموضوع عادي وانشاء الله  ما تحسون اله الموافقه جايه
تحياتي للجميع

killer 007

[محارب]

الحمد لله زينين الجبير دخل عندي اول ابتدائي وراح ايموتني صارلي ثلاث ساعات اقرية ويكتب كلمة ويحجي عشر كلمات موتني اليوم اجة فاكس عين صديقة   انته جهالك اشلونهم واشلون صحتهم

الحمد لله توفي أصغر القوم كام يمشي ويخرمش ويعض يعني الوكاحه صارت ثلاثية الابعاد 

[tuna]

طبعا اكيد  يتعلم من اخوانه فهمه استاذ هوه استاذ ونص صاير تلفزيون ثلاثي الابعاد هههههههه الله ايخليهم ويحفظهم الك همه وامهم

[tuna]

هاي اشبيكم يمعودين صدك جذب بس اريد اعرف جاية هيج رساله لاحد ثاني اشو محد عبرني بس جاوبو وين اهل الخبره

[J.K]

عزيزتي هذه الرسالة اني جايتني اكثر من مرة وبرموز مختلفة وهذه تعني انته انتي تحت التجيك الامني . اليوم اتصلو بيه المنظمة من عمان بخصوص الدورة التثقيفية وسالته على التجيك الامني وكتله هل اني بالتجيك الامني قبل السفر  جاوبني انه لا يوجد تجيك امني قبل السفر  هو كله تجيك امني لكن التجيك الامني على عدة مراحل وسالته انه اني بأي مرحلة كلي بالمراحل الاولية والامر خارج سيطرة المنظمة لان الاجابة تجي من الولايات المتحدة وتمر بعدة مراحل ووكالات امنية .... علما  اني امقابلة محلف نهاية الشهر السادس لعد اشوكت راح اكمل الله اعلم لكن تفائلي انشاء الفرج قريب .. وشكرا .


ابو ميثم

[tuna]

تسلم اخوية اني هم امقابلة بالشهر السادس والله كريم وبالسفر العاجل انشاء الله

[malak.ali]

الله يسهل اموركم وامورنا كلنا يارب