اخي الحبيب
بالنسبة لشهادة الاعدادية مثل ما تفضلوا الاخوان اللي قبلي لابد من التصديق ولو مع الاسف اني مصدقتها بس من التربية بدون الخارجية
اما للي عدهم شهادة الجامعة فانصحهم بما يلي
1- استخراج الشهادة باللغة الانكليزية وتصديقها من قبل عمادة الكلية ورئاسة الجامعة
2- تصديقها في وزارة الخارجية
3- عمل ما يسمى (sellybes) وبالعربية يسمى المنهج والذي هو عبارة عن مجمل المواد التي تمت دراستها خلال سنوات الدراسة في الجامعة سواء الدراسة كانت ستة مثل كلية الطب او خمسة مثل طب الاسنان وبعض اقسام الهندسة او اربع سنوات مثل باقي اقسام الجامعة
هسا راح اتكولون زين شلون انطلع هذا السيليبس اكوللكم حقكم لانه احنا بالعراق اكثرنا ممعروف عدنا هذا الشي لانه الجامعات العراقية ماعدها اصلا هذا المنهج بالشكل النظامي المعهود فلازم اخواني اتعبون نفسكم شوية وتروحون على اساتذتكم وتكللوهم احنا انريد المواضيع اللي درسناها خلال الدراسة وتسووها تماما حسب ماموجود في الشهادة المصدقة بحيث كل سنة مثلا درست في السنة الاولى خمس مواد لازم يكون المنهج للسنة الاولى خمس مواد نفس اللي درستها مثلا تجي لمادة الرياضيات شني المواضيع اللي درستها بالرياضيات تسجلها وكذلك مع بقية المواضيع وكذلك السنة الثانية والثالثة والاخيرة
طبعا راح اتكلولن شنو راح يفيدنا هذا الشي
اكوللكم اخواني هذا يفيدكم في موضوع معادلة الشهادة حيث عندما يطلعون على المناهج اللي قريتها فراح يخصصولك جزء من مواد معادلة الشهادة وليس كلها على اعتبار انه انت اصلا قاري هاي المواد فعليش تعيدها مرة اخرى
اخوان هذه معلوماتي واعذروني اذا كان اكو خطا في شي لان الخطا من طبع البشر
