عزيزي برنسو
اتصور انه الفكرة مالتي ماو صلت يمك بالضبط.
ادري او انته نفسك كلت انه ماعندك اشهود, اني افتهمت الموقف مالتك, او انته مو اول واحد يحدث هذا الشي وياه, لانه اني تفريبا يوميا ارافق عراقيين صاير وياهم هذا الشي.
اني ذكرت اذا رحت الى الشرطة او قدمت شكوى عليهم, راح يسألوك عندك شاهد, راح يكون جوابك لاء, راح تسألك الشرطة عندك شي خطي بالتهديد, الجواب مالتك راح يكون لاء.
راح يكلوزلك من اتجيب شاهد او ورقة تهديد خطية بعدين تعال .
او الاحجاية بيناتنا انو اغلب الارهابيين او المختطفين, يهددون الضحية بان ما يوصل الى الشرطة, او على كولة المشاركيين هما الشرطة يشتغلون وياهم, يعني حاميها حراميها.
اني اكدر اكلك اتوكل على الله او اذكر للمحلف الحالة العشت بيها وقت التهديد, او هما ترى هم يعرفون من واحد يحجي صدك او كذب, او انشاء الله تمشي قضتك, او اذا سئلوك عن اخبار الشرطة, جاوبهم الشرطة اتريد اثبات او اني جنت وحدي بالختلا او ماجان احد شاف الحادث
اتمنى الك الموفقية والسلام
جوسي البغدادي
