ماذا بعد استلام الفيزة / ارجو التوضيح

[Lina2010]

اخواني واخواتي الاعزاء جميعا...
حبيت اسال اصحاب الخبرة والتجربة ...احنا استلمنا الفيزة ودزيناها الي العنوان مال المنظمة siv_ope@iom.int وصار اكثر من 4-5 ايام ماكو رد فهل هذا الشي عادي ...لو لازم تسوي فد شي ارجو توضح الامور لي لان فيزتنا مدتها قليلة يعني قبل نهاية السنة 2011 تنتهي .
واذا الواحد يريد يسافر علي حسابة فمنو افضل الخطوط برأيكم وانسبها فهل تنصحونا ان نسافر علي حسابنا لو نبقي علي المنظمة ؟؟

[Aiham_]

ابقو على المنظمة احسنلكم لان بيها هواي فوائد

1- اختصار لمصاريف السفر خصوصا اذا عائلة

2- استقبالكم بالمطارات و تسهيل امركم بالتقديم الى كافة الخدمات الي تقدمها المنظمة

ارجعي دزي نفس الايميل من جديد و اذا ما جاوبو اتصلي بيهم على الرقم

7250-907-703 1+
6:00 AM - 07:00 PM EST Monday through Thursday
6:00 AM - 6:00   PM EST Friday
Closed: Saturday, Sunday, US Federal Holidays

[Aiham_]

عيني عدلت الرد و خليت رقم التلفون

[Lina2010]

شكرا اخي العزيز علي الر السريع والنصيحة
بس ممكن توضيحلي الرقم مرة ثانية لان انت قلت عدلت ....احنا اخر مرة اتصلوا بينا كان الرقم من عمان 0096265625225
بس مبين الرقم اللي انت كاتبه في امريكا ...قصدك نتصل بالمنظمة الرئيسية ؟ شكرا

[Aiham_]

اي لينا , خليتلج الرقم مال الرابسنت (wrapsent ) الي هية مسئولة عن استقبال و تسفير  جماعتنا SIV تكدرين تتصلين بيهم اليوم و تنطيهم الكيس نمبر و تستفسرين منهم اي شي و جدا متعاونين

[NICHOLAS]

عزيتي لينا اني استلمت الفيزا مالتي قبل كم يوم وبالتحديد يوم 14 بالشهر وبنفس اليوم الي جبتها من المكتب مال دي اج ال رجعت للبيت ودزيتها ع الايميل  siv_ope@iom.int وره 4 ايام ردوا ع رسالتي وكالولي انو احنه بدينه ب اجراءات البنفتس مالتك وراح انخليك بالجدول مال سفر وراح نتصل بيك من يخلوني بالجدول. 

مع العلم انو الفيزا مالتي اكسباير مالتها 6 اشهر منطيني يعني الى الشهر الخامس 2012.

ف لا تقلقيين وهم راح يردون متأكد من هل الكلام. 
وانشالله توصلين بالسلامه واتصير كل هل الامور مجرد ماضي.
وربي يوفق الجميع.

[Lina2010]

شكر اخي العزيز نيكولاس....راح انتظر وعلي الله......
الاخ العزيز Aiham الرقم مال الربسنت اتصور بيه غلط لان حاولنا نتصل والجواب الرقم غير معرف او غلط شكرا لك وياريت تتاكد منه

[Aiham_]

http://www.wrapsnet.org/Contacts/RPCContacts/tabid/220/language/en-US/Default.aspx

تفضلي اختي هذا الرابط مالهم

[تمينة]

عزيتي لينا اني استلمت الفيزا مالتي قبل كم يوم وبالتحديد يوم 14 بالشهر وبنفس اليوم الي جبتها من المكتب مال دي اج ال رجعت للبيت ودزيتها ع الايميل  siv_ope@iom.int وره 4 ايام ردوا ع رسالتي وكالولي انو احنه بدينه ب اجراءات البنفتس مالتك وراح انخليك بالجدول مال سفر وراح نتصل بيك من يخلوني بالجدول.  

مع العلم انو الفيزا مالتي اكسباير مالتها 6 اشهر منطيني يعني الى الشهر الخامس 2012.

ف لا تقلقيين وهم راح يردون متأكد من هل الكلام.  
وانشالله توصلين بالسلامه واتصير كل هل الامور مجرد ماضي.
وربي يوفق الجميع.

عندي سؤال بلا زحمة الي نعرفة SIV الفيزا 3 أشهر وتصير كسباير أشو انت كاتب 6 أشهر يعني معقولة غيرو  المدة الى 6 اشهر أن شاءالله يارب

[Lina2010]

الاخ Aiham شكرا لك علي اللنك. راح انتظر والله كريم
بالنسبة لمدة الفيزة....والله يا اختي العزيزة ماكو قانون محدد وثابت اللي شفنا كل واحد وحالته يعني احنا صدرت الفيزة بتاريخ 9-11 وتنتهي اخر ايام بهاي السنة والسبب بالنسبة النا حسب ماوضحلنا المتصل من السفارة بوقتها الفحص مالتنا ينتهي بهذا اليوم اما غيرنا الله اعلم سبب طول مدة اصدار الصلاحية مال فيزتهم ...وقبل لاانسي...فيزة  طفلتنا تنتهي بشهر الثاني اما اني وزوجي بنهاية هاي السنة ومانعرف شنو السالفة....اهم شي استلم الفيزة وبعدها الله كريم

[Lina2010]

وين الاخوان والاخوات...الي مجربين واهل الخبرة....نصائحكم...الاخ ايهم يقول ابقوا علي المنظمة...زين اكو احد مسافر علي حسابة ..شنو السلبيات والايجابيات يا اخوان منو افضل الخطوط للسفر اصدقاء لنا رجعوا من امريكا يقولون الخطوط التركية هي الافضل والانسب شنو رايكم ؟؟؟

[Aiham_]

عيني اخت لينا , اذا انتو مهددين و شغلتكم ما تتحمل انتظار فد 3 اسابيع , و عدكم امكانية تسافرن على حسابكم , توكلو على الله و سافرو
اذا شغلتكم بيها مجال انتظار , الافضل تنتظرون المنظمة ترتبلكم الحجوزات و السفر
و من تنوون السفر على حسابكم , اني راح انطيكم خوش معلومات عن طريقة السفر و الخطوط الجوية المناسبة

[سلبوح]

اخوية لينا انشاء الله الأخوان مايقصرون وياك
اشكد رقم الكيس مالتك واشكد مدة انتظرت امنيتك من قابلت المحلف لحد ان اجاك سفر؟
انته حاول اتصل بيهم واسئلهم على خط الرحلة
الله يسهل عليك ويفرجها اخوية لينا

[Aiham_]

عيني اخت لينا هذا رابط لواحد من جماعتنا و هو العضو فيمالاه و الي سافر على حسابة و اتمنة تستفادين من تجربتة

http://ahalna.com/index.php?topic=2870.0

[Lina2010]

احنا قابلنا بداية الشهر الثاني 2011  وصدرت الفيزة يوم 9-11-2011 رقم IZ-12202....

[ZOKO1976]

الاخت العزيزة

اذا تكدرين تنتظرين فالافضل استخدام البنفتس من انه اتسافرون على حسابكم لكن لازم اتراقبين موعد انتهاء الفيزة و قبل انتهائها ابفترة معينة اطلعوا حتة لو على حسابكم و لتضيعون الفرصة

تحياتي الج و للجميع

[Lina2010]

الاخ ZOZO اشكرك جدا علي النصيحة.....والله احنا نتمى نروح علي المنظمة بس اخاف ننتظر واحنا ماعدنا وقت لان يوم 25 /12/ تنتهي الفيزة ومااعرف قضية الحجز شقد تاخذ وقت وشوكت لازم نباشر بالبحث عن الحجز....زوجي ابو مريم يقول ننتظر لاخر الشهر اذا ماردوا راح نباشر بالبحث عن حجز علي حسابنا هل شهر يكفي للحجز ؟؟ ..وعلي الله...شكرا مرة ثانية

[ZOKO1976]

اختي العزيزة .... ZOKO و مو ZOZO..... فضحتينا يمعودة

شهر كامل مدة كافية للحجز و الفرق بالمدة انه كلما اقترب موعد الحجز اتصير زيادة بأجور و مبلغ الحجز

و حتة تطمئنين اشوية اكثر ادخلي على موقع www.rj.com  و هذا موقع الخطوط الجوية الاردنية ...طبغا غالي و مينصح بي بس اللي يظطر ميكوم ايحسب الهيجي فروقات و اختاري الوجهة من عمان الى اميركا و خلي التاريخ و شوفي الاسعار و موجودية الحجز و خلي موعد السفر بعد شهر من هسة حتة اتقارنين اذا قبل شهر اتحصلين حجز او لا  ...او شوفي اي شركة ثانية بيها رحلات و شوفي موجودية الحجز

تحياتي الج و للجميع و امنياتي الج بالسفر العاجل و السهل

[Lina2010]

نرجو المعذرة اخي الفاضل ZOZK1976
وسامحونا....بس صدق ضحكت....الله يبشرك بالخير ويفرح قلبك

[malak.ali]

توصلون بالسلامه ان شاء الله

[ZOKO1976]

نرجو المعذرة اخي الفاضل ZOZK1976
وسامحونا....بس صدق ضحكت....الله يبشرك بالخير ويفرح قلبك

هالنوب زوزك zozk؟!!!  يمعودة والله ZOKO مو ZOZK... بديت اشك ابنفسي والله ..ههههه

تحياتي و انشاء الله السفر القريب

[مغترب في وطني]

اخوية لينا انشاء الله الأخوان مايقصرون وياك
اشكد رقم الكيس مالتك واشكد مدة انتظرت امنيتك من قابلت المحلف لحد ان اجاك سفر؟
انته حاول اتصل بيهم واسئلهم على خط الرحلة
الله يسهل عليك ويفرجها اخوية لينا

سلبوحنه الوردة
بس حبيت اسئلك اكو عنك مشكله بالمؤنث والمذكر ؟؟

[Lina2010]

اخوية  ZOKO اني الظاهر متاثرة بالمدرب مالتنا زيكو....بعد الفوز ههههههه تيحياتنا لكم يا طيبين وشكرا