اخواني اهل الخبرهSIV مساعدتكم رحمه لوالديكم

[$$$$$]

اخواني عندي استفسارين يمكم الاول اني دزولي موعدين مال مقابله ومرحت بالموعدين لان بصراحه مجنت مقتنع بالفكره 100 بالميه والسبب الثاني انه همه فاجئوني وحددولي موعد المقابله الاول ووره ماحددولي الموعد الثاني وهم مرحت دزولي ايميل كلولي ولو انت مجيت بالمقابلتين بس احنه مستعدين نساعدك بالمستقبل واذا ردت مره لخ تسافر انطينه خبر عن طريق ال انكوايري فورم.... هسه من شفت الوضعية انلاصت قررت احرك الشغله ودزيتلهم انكوايري اطلب بي تحديد موعد مقابله جديد بس المشكله انه صار 10 ايام ومحد رجعلي جواب شتنصحوني ادز مره لخ لو انتظر؟؟؟
والسؤال الثاني بخصوص الفحص الطبي سمعن انه صار بمستشفى ابن البيطار بعياده اي او ام شلون واحد يسوي الصك ومن اي بنك؟

اكون ممنون الكم مقدما واتمنى اللي عنده معلومات اكيده يجاوبني

[need justice 1]

السلام عليكم
بالنسبة للشق الاول من السؤال اكيد اكو خطأ بطريقة ارسالك للسؤال عن طريق الانكويري بموقع السفارة او تكون ما كملت املاء جميع الحقول او خطا بكتابتك بايميلك اللي يجاوبوك عليه . انا ارسلت لهم يوم امس سؤال واليوم جاوبوني . من رايي ان تعيد ارسال الرسالة عالانكويري وتتاكد من جميع الحقول وراح يجاوبوك باذن الله .
- الشق الثاني من السؤال ما اعرف بيه لذلك تعذرني بس اعتقد اكو موضوع لاحد الاخوة يخص الفحص الطبي ببعيادة ابن البيطار وطريقة الدفع راح ادور عليه واجيب لك الجواب
بالتوفيق

[$$$$$]

مشكور اخوية على الرد بس اني حبيت اكلك اني متاكد من كل الحقول مال الفورم لان راجعتها واني مكتبتلهم سؤال وانما اختاريت من الاوبشنات الموجوده(re schedual interview) يعني مكتبت بالحقل مال (others) يعني عفته فارغ . انت شنو رايك ادزلهم مره لخ؟؟ لو انتظر؟؟

[need justice 1]

اختيارك لعنوان الموضوع صح اخي الغالي ايضا لازم تكتب لهم بمربع نص الرسالة شنو اللي تريده منهم عشان يجاوبوك
لذلك نعم انصحك باعادة ارسال رسالة لهم مرة اخرى .... بالنسبة لموضوع العيادة والله دورت اخر 4 صفحات بالهجرة بس معرفت اوصل لموضوع عيادة ال اي او ام بلكي الاخوة يفيدونا
بالتوفيق

[Aiham_]

و لو احنة ما نتحاجة , بس انتة هم محسوب علينا جماعة ال اس اي في .

راح اجاوبك :
1- ترجع ادزلهم على الانكيوري مرة ثانية و تنتظر لمدة 4 ايام و اذا ما جاوبوك سوي ريبلي للايميل الي اجاك منهم ,

2- عنوان البنك الي تدفه بي الصك هو :

البنك الاهلي العراقي , صاير بشارع السعدون , ساحة الفردوس مقابل الشيراتون بصف نادي العلوية

تحياتي

[Aiham_]

نسيت اكتبلك الاسعار و المستمسكات المطلوية

170 $ للشخص البالغ فوق 15 سنة
80$ للشخص الي جوة ال 15 سنة

المستمسكات :
1- صورة عدد 4
2- نسخ ملونة للجواز عدد 3
3- نسخة ملونة للجنسية عدد 4
4- نسخة من ايميل المقابلة عدد 3
5- تقارير طبية ان وجدت

[Aiham_]

اوقات الدوام , من الاحد للخميس من ال 9 الصبح الى ال 5 عصرا 

ارقام التلفونات
07702504525
07702503459
07817945794

[عراقي هواي]

تحيه حارة للاخوة ابو خالد وابو ياسر على الاجوبه الشافيه والكافيه
عمي هي كوة كلمن صخم وجه كال انا حداد

بس ابو ياسر بس ماوضحت ليش متتحاجون 

[Aiham_]

تحيه حارة للاخوة ابو خالد وابو ياسر على الاجوبه الشافيه والكافيه
عمي هي كوة كلمن صخم وجه كال انا حداد

بس ابو ياسر بس ماوضحت ليش متتحاجون 

اختلاف بالرائي ادى الى تشكيلة من البوكسات و الدفرات , منور عمي ابو مصطفى و الله يبيض وجهك يا رب

[$$$$$]

حبيبي الغالي ايهم اني ممنون منك وارجو ان تعذرني على ذاك اليوم بس والله كلمن وظروفه وضغط الحياه والمشاكل اني اكرر اعتذاري وانت انشالله اخ عزيز. وبصراحه فشلتني باخلاقك العاليه.

[Aiham_]

حبيبي الغالي ايهم اني ممنون منك وارجو ان تعذرني على ذاك اليوم بس والله كلمن وظروفه وضغط الحياه والمشاكل اني اكرر اعتذاري وانت انشالله اخ عزيز. وبصراحه فشلتني باخلاقك العاليه.

لا و الله حبي اني الخجلان منك و جوابي على سوالك هو اقل اعتذار مني الك , تقبل اعتذاري للمرة الثانية

[عراقي هواي]

وجهك الابيض ابو ياسر دوم انشالله بشرني مابين شي على شغلتك ؟؟؟

الحمد لله كلنا اخوان بحيل الله

واختلاف الرأي لا يفسد للهجرة قضيه 

[Aiham_]

وجهك الابيض ابو ياسر دوم انشالله بشرني مابين شي على شغلتك ؟؟؟

الحمد لله كلنا اخوان بحيل الله

واختلاف الرأي لا يفسد للهجرة قضيه 

تشكم , كلشي ماكو