السلام عليكم و رحمه الله و بركاته
شلونكم احوالكم ان شاء الله بخير
محتاج مساعدتكم و ان شاء الله متقصرون
من قبل فترة ذكرت انه راح نطلع الى تركيا
و بدينا نصفي بامورنا و متعلقاتنا الي بالعراق
و سووينا الفيزا بقت بس على يوم السفر الى تركيا
لانه الوضع ديزيد سوء يوم على يوم و الناس واكعة بيهة
و من خلال مشاهدة مواضيع المنتدى الرائعة و اعضاء المنتدى الاكثر روعة
قريت موضوع الاخ ابو عمر الـــ 60 فقرة و بيهة شرح وافي و مفيد عن السفر و كيفية التقديم و غيرها
و عاشت ايده على الموضوع
بس عندي كم استفسار و يا ريت من الكل الاجابة بلا زحمة :
1- والدي ضابط بالشرطة من خلال عمله اشتغل وية الجيش الامريكي بمؤسسة امنية و بخلال العمل استلم شهادة تقدير من قائد الشرطة العسكرية الامريكية بالعراق واشتغل من 2005-2007 انفصل والدي من عمله بسبب طائفي تدرون الاوضاع الي صارت و للاسف نكول هيجي
بس والدي لانه من عشيرة ( *** *****) انفصل و راح تعبه و خدمته
بال 60 فقرة كاتب ابو عمر انه ضباط الشرطة السابقين يشوفون حل شنو المقصود ؟
تركيا يريدون دفتر خدمة والدي عمره 53 سنة يعني اذا ميكول جان بالشرطة
2- سعر حليب الاطفال اهم شي و شنو النوعيات الي عدهم
لانه عدنا طفل عمره 8 اشهر
و بالحدود يخلونة ندخل حليب لو لا ؟
3- من ننزل بكراج انقرة وراهة شنسوي ؟
وين نروح ؟
4- بالنسية للايجار مثلا اليو ان يحد\ون محافظة من نروح شلون اكو مكاتب ؟ شلون نحجي وياهم اكو يحجون عربي انكليزي
لانه و لا طكة بالتركي بس الانكليزي الحمد لله ببغاء
و لو طولت عليكم بس ما عندي غير الله و غيركم
تحياتي
