الى الموجودين باربيل ارجوا الدخول

[كآبه]

مرحبا بجميع اخوانه واخواتنه  عندي صديقه زوجها طبيب اسنان صارلهم 15 سنه بالخليج وعنده عياده خاصه وهو طبيب معروف  لكن ظروف خاصه خلته يبيع كلشي ويرجع للعراق وحاليا هو باربيل  صارله 6  اشهر بدون عمل  طبعا ممسمحوله يفتح عياده خاصه لان مو كردي وماكو شغل او توظيف حكومي   ارجو  اذا يكدر احد يساعد ه  بممارسه عمله   بارك الله بيكم

[مغترب بلا وطن]

هذا الموضوع راح يتحول الى ( كض اخوك لا يطيح ) 

[kunda]

هذا الموضوع راح يتحول الى ( كض اخوك لا يطيح ) 

??!!!!!!!!!!!! ليش عود؟؟؟؟؟؟؟؟

[مغترب بلا وطن]

هذا الموضوع راح يتحول الى ( كض اخوك لا يطيح ) 

??!!!!!!!!!!!! ليش عود؟؟؟؟؟؟؟؟

لآن طبيب يمنع من العمل في بلده لاسباب عنصريه 

[kunda]

 اخي لايوجد اي اسباب عنصرية تمنعه .... بالعكس حكومة الاقليم ترحب بالكفاءات العلمية والمهنية على ارضها.

حبي مو دفاعا عن الاقليم وحكومة الاقليم لان ني دائما انتقد القوانين والقرارات الصارمة المشرعة بحق العراقيين غير الاكراد  لكن الحق يجب ان يقال .... يوجد عشرات بل مئات من الاطباء والصيادلة والعاملين في المجال الطبي من باقي المحافظات ويعملون في اربيل بصورة طبيعية جدا بأختصار (اي طبيب متهدد سابقا في بغداد او الموصل راح تشوفة هنا باربيل) .
لكن هناك ضوابط وقوانين عليه اتباعها قبل السماح له بممارسة عمله أسوة بباقي زملاءه الاطباء والصيادلة العاملين في الاقليم ...

ومع احترامي الشديد لصاحب الموضوع لكن ارجو ان يعيد النظر قبل ان يكتب هكذا جملة متسرعة  (((صارله 6  اشهر بدون عمل  طبعا ممسمحوله يفتح عياده خاصه لان مو كردي)))
اخي انت روح أسأل اولا عن عدد الاطباء العراقيين (غير الاكراد) وحتى اللبنانيين منهم والايرانيين والاجانب  ... وصحح معلوماتك وأتأكد .

[Edy Simon]

الى صاحب الموضوع
بما انه كان 15 سنة بالخليج او هو طبيب اسنان او اكيد متمكن لانه باع عيادته,ليش ما يحاول ان يتجه الى الغرب لانه اغلب الدول الغربية تمنح لذوي الكفائات الفرصة ان يستوطنو فيها, او يكدر ان يكون نفسه لانه اذا كان بالخليج مو سهلة ان يبدي بالمنطقة الكردية, مو بس بالنسبة للغة اتكون عليه عايق وانما الوضعية تختلف عن دول الخليج, لذا بأمكانه ان يحصل على فيزة شنغن بدون بصمات و يتوجه الى اوربا لانه اغلب العرب يفضلون معالجتهم عند طبيب عربي على طبيب من اهل البلد وخاصة اطباء الاسنان مو بس يركبون اسنون ذهب وانما غاركين بالذهب
 تحياتي
جوسي البغدادي المانيا

[علي زعرور]

اني بالسليمانيه واكو هوايه دكاتره عرب ما اعتقد اكو مشكله

[summer rashid]

السلام عليكم,,,
أرجو منكم المساعدة في الجواب عن أسئلتي...
من حوالي أكثر من عشر سنوات تزوج والدي من إمرأة ثانية وبعد فترة (حوالي السنة) سافر لأمريكا,إكتشفنا إن هذه زوجة أبي كان لديها إستمارة التقديم للهجرة من الثمانينات,وسافر أبي معها....
نحن نحاول ومن أكثر من 5 سنوات بإقناع أبي بتمشية معاملة لم الشمل,لكن كل مرة يقول إنه سيسبب مشاكل لإننا أبناء زوجة آخرى.
إقتنع أبي بتمشية المعاملة وأخيراً.
سؤالي هو: هل المعاملة ستكون قانونية أم ستكون مشاكل بسبب نحن ابناء الكفيل من زوجة أخرى علماً إن أمي ستبقى في العراق...هل سيطلبون من أبي عقد الزواج من زوجته الأولى؟؟؟هل ستكون هناك تعقيدات؟
بعد أن يملي أبي معاملة لم الشمل,أين سيتم تقديم المعاملة؟ هل لأحد مكاتب الهجرة أم في مكان محدد؟وإذا كان هناك مكان محدد ومضمون اتمنى معرفة المكان.وهل ستكون هناك رسوم لمعاملة؟إذا كانت كم هي؟
أحب أن اعرف كافة التفاصيل لأكون على إطلاع.
أرجو مساعدتي بإعطائي كافة التفاصيل الدقيقة.

وشكراً,,,,