السلام عليكم

[صفاء الصحفي]

الاخوة الاخوات الاعضاء الطيبون السلام عليكم \ وتحية طيبة لاخوتي واخواتي المخظرمين  \ وتحية حب للاخوة الجدد الذين بالتاكيد لايعرفونني لقلة مشاركتي  \ اخوتي لا يخفى عليكم  سبب عدم مشاركتي لكوني سأمت الانتظار لكوني مقدم من سنة 2008 \ برقم ايزي 106xxx \ مقابلة اولى  بالشهر \ 3 \ 2010   \ والثانية  شهر  \ 5 \ 2010  \ واكملت الفحوصات الطبية\ وقبل شهر اتصلت المنظمة وابلغتني اعادة مقابلة محلف للمرة الثالثة لكونها اصبحت اكسباير \ والى اليوم لم يتصلوا ويبلغوني بموعد المقابلة متى  ؟؟؟\ طبعا انا اعترف باني اخطأت كثيرا بالتسرع بتصفية جميع محتويات المنزل والسيارة والذهب وبقية المتعلقات وباسعار رخيصة جدا تحسبا للسفر القريب ........  وهنا بدات المشكلة بالانتظار الطويل والتردد  من شراء ابسط الاغراض بالرغم من الحاجة اليها . والتصرف باكبر المبالغ المالية الموجودة لدي \ وما هو الحل وانت ترى نفسك بدون تقدم بالحياة فقط ترجع الى الوراء بكل شي والوقوف مكتوف الايدي وعاجز عن تقديم اي شي لنفسك وللاخرين   \  لا اقول سوى \ لله الامر بكل شي \ واسف للاطالة وتمنياتي لكم بالسفر القريب ان شاء الله  \\    اخوكم صفاء الصحفي   \\

[ــــ{{{ABADY}}}ـــــ]

الله يعوضك الاحسن فى امريكا اخى والله يسهل امرك ياااارب

[شموسه123]

وعليكم السلام اخي الله يساعدك ماالومك بس الصبر ثم الصبر مااءلنه غيره انا منذو 2007 ونحن ننتظر بلنسبه لاعاده المحلف هسه يتصلون لان اكو هوايه اعاده محلفين ومن ضمنهم انا انتظر موعد ربي يسهل امرك ويوفقك

[دزمند]

و الله يا اخي حقك لانه هذا الانتظار يخلي الواحد يجزع لكن الله سبحانه و تعالى موجود بيده الخير و هو على كل شيء قدير

[ال رداد]

السلام عليكم

ياااااااااااااااااااااااهلا ومرحبا باخونة العزيز الغالي


الحمدلله علا سلامتك اخوية منور من جديد

والله اخوي هاذا حال الاغلبية  تقريبا  لكن الله موجود وانشالله يعوضنة


صار عدنة الشغلة عادية  هسة تقريبا الاكثر رجعو لحياتهم الطبيعية يحاولون يعوضون ولو جزء بسيط من الي ضيعو بسبب تاخير هم


الله كريم

تمنياتي الك بدوام الصحى والعافية

اخوك ابو علاء 

[Banjamen]

الفلوس والذهب والغراض لا اديرلهن بال لان يتعوضن بس دير بالك على صحتك وسلامة عائلتك وانت رجل وصاحب عائلة ولازم تعرف شلون تصرف وتقرر مستقبلك واي قرار اتخذتة لا تندم علية لان النتائج الجنت تتوقعا او ما تتوقعها  قبل ما اجت بدون تضحية واتخاذ القرارات المصيرية بالنسبة الك ولكل انسان سواء كانت هاي النتائج سلبية او ايجابية
اخوك عضو عنكاوا

[messi10]

الله يسهلك حب والله كلنة على نفس السالفة و هم على كولتك متكدر تشتري اي شي حتلو محتاجة لانه وراها حتحير وين توديه لو منو يشتري منك او وين تعوفة بس الله كريم انشالله تتسهل الامور و توضح و منبقه هيج ...
تحياتي الك اخوية العزيز

[جاكوار]

السلام عليكم اخوتي واحبائي
وتحيه طيبه للاخ العزيز صفاء الصحفي والله والك وحشه.
اما بخصوص حالتك ووضعك فااخوك جاكوار وياك على الخط بعت وصفيت وصرفتهن وضليت اصفن
لاشغل ولا مشغله بس السما والطارق الحمدلله
اخي العزيز بالنسبه الي اكول كل هذا ايهون وكانه متمسكين ببصيص امل بسيط عسى الله سبحانه وتعالى
 قد قدر لنا مخرجا واقول اخي العزيز اصبر تره ما بكه الا القليل .
فرج الله همك ونفس كربتك والدعاء من الله لكم بالتوفيق.
علما اني كنت مقرر انه ما ادخل للمنتدى الا كضيف ولكن لمجرد شفت مشاركتك حنيت لجمعيتنه جمعية ام فهودي
جورجيا سلامي لهم جميعا مع اتمنياتعي لهم بالتوفيق
اخوكم الكرود
جاكوار

[صفاء الصحفي]

  الاخ العزيز  \  ABADY   \ ممنون منك اخي والله يسهل امرك يارب \  وشدة وردة للاخت العزيزة \\ شموسه123  \\ واسئل الله ان يفرج عنكم يارب \   والشكر الجزيل الك حبيبي \ دزمند  \  ويارب يفرج عنك يا الله \   ابو علاء  يا طيب هذا نورك والله مشتاقين نسمع اخبارك واشكرك حبيبي يا غالي اسئل الله ان يوفقك واحيك باسمك الجديد \  ال رداد  \   وتحية طيبة للاخ الكريم  \ ابو مريومة  \  ممنون حبيبي .. ويارب يوم سفرك وسفر جميع الاخوة والاخوات الاعضاء ان شاء الله \  اخوكم صفاء الصحفي

[تقوى الله]

 اخويه العزيز صفاء كول استغفر الله وان شاء الله رب العالمين يعوضك بالاحسن
ما الك غير الصبر ويااااارب تفرج عليك وعلينه وتبشرنه بموعد السفر باذن رب العالمين
لاحول ولاقوة الا بالله

[Banjamen]

اخ صفاء
بخصوص شغلة الغراض خاف صح غالية من واحد يشتريها وراح تنباع برخيص من تسافر ,
فأحب اكلك بشغلة يجوز انت متدري بيهة ان في شارع الاردن بعمان اجهزة مستعملة ورخيصة جدا كذلك بوسط البلد ومن تشتريهه تكدر تبيعهة عليهم مرة ثانية
اذا عجبك الموضوع استفاد منة

[صفاء الصحفي]

الحقيقة اثلجتم قلبي بمشاركتكم ومني لكم كل الحب والاحترام والتقدير للاخوة  \  Banjamen  \ شكرا حبيبي  \علما واني مقدم من بغداد مو عمان اخي الكريم \   والشكر الجزيل  ل  \ messi10 \ ويارب يوم سفركم يا الله  \  اخي العزيز الغالي \ جاكوار  \ والله اخي منور المنتدى بيكم ويارب تسهيل اموركم بحق محمد وال محمد \  وتحية عطرة للاخت العزيزة \ تقوى الله  \ واسئل الله ان يوفقج يارب \  وتمنياتي للجميع بالسفر القريب \ اخوكم صفاء الصحفي

[Dark...Angel]

اخي العزيز صفاء:

الله يعوضك الاحسن ان شاء الله واتمنالك السفر ب اقرب وقت
ويفرج همك ويفلج صدرك ..... بلتوفيق عزيزي


تحياتي

[صفاء الصحفي]

اخي العزيز صفاء:

الله يعوضك الاحسن ان شاء الله واتمنالك السفر ب اقرب وقت
ويفرج همك ويفلج صدرك ..... بلتوفيق عزيزي


تحياتي

شكر اخي العزيز \  Dark...Angel  \ لمشاركتك ويارب يوفقك حبيبي ويفرج همك يارب

[SARA CALIFORNIA]

لا حول ولا قوة الا بالله
الله يعينك اخوية صفاء و يفرجها عليك من اوسع ابوابه
ان شاء الله ينطوك موعد سفر عن قريب
حقك و الله بكل اللي تكوله اني وحدة من الناس طكت روحي من الانتظار
اصبر اخي و ان شاء الله الفرج قريب

[ال رداد]

عيني جاكوار  ليش عيني ليش مشرفنة بوجودك  الك وحشة والله   

يعني ليوم الله شاهد شكد ارتاحت نفسيتي من شفتكم واطمنت علا اخباركم 


سوولنة جمعية جديدة مال مكاريد  خلي نتواصل

تمنياتي الكم بلسفر العاجل يارب

اخوكم ابو علاء

[alkorishe]

الله كريم  الله يسهل امرك ان شاء الله

[ام تسنيم1]

الله كريم قادر يعوضك ويفرجهه عليك  والله يااخونا كلنا تايهين ومدنعرف شنسوي لابالسما ولابالكع  بس شنو اللي بايدينا املنا برب العالمين هو العالم ابحالنه

[amaar18]

الله كريم تفرج انشاء الله ولاتبقى تفكر باللي راح الجاي انشاء الله احسن والله يعوضك
ما عدنا غير الصبر والتوجه الى مدبر الامور بالدعاء واهم ما في الامرسلامتك وسلامة
العائله والباقي كله يهون

تحياتي
      ام عمار

[صفاء الصحفي]

احبتي واخوتي الاعزاء بتفائلكم ودعائكم بالتاكيد نصبر ونتواصل من اجل الوصول لاهدافنا بالحياة واسئل الله ان يديمكم اخوه واحبة واصدقاء للدوم ونتواصل من اجل تمتين العلاقة الاخوية التي جمعتنا في هذا المنتدى الجميل .... ولا يسعني الا ان اتقدم بالشكر الجزيل لجميع الاخوة لمشاركتهم معنا الهموم والاراء والتواصل المستمر والشكر لجميع الاعضاء المخضرمون والجدد  \ وشكر للاخت العزيزة  \   SARA CALIFORNIA  \  والاخ \ alkorishe  \  والاخت الكريمة  \ ام عمار \ والاخت الكريمة \ ام تسنيم  \ وتمنياتي للجميع بالسفر القريب ان شاء الله   \ اخوكم صفاء الصحفي

[sparky]

وعليكم السلام ورحمة الله وبركاته

الله ييسر امورك ويقدم لك الخير اينما تذهب وكيفما تخطط ونسال الله سبحانه وتعالى ان يعوضك الخير والبركه ويستر عليك واهلك واطفالك

[شربوتة]

اخوية العزيز صفاء .... السلام عليكم ورحمة الله وبركاتة  , الله يكون بعونك ويساعدك ويعوضك رب العالمين وصدكني اخوي الحال من بعضة ومثل متفضلت حتى دخولنة  ومشاركتنة  بالمنتدى صارت كلش قليلة من هلكد ميأسنة من الانتظار بس نرجع ونكول رحمة الله موجودة وانشاء الله  يفرجها عليك وعلينة وتفرحنة بموعد سفرك القريب تقبل تحيات اختك المكرودة جماعة الطابوكة 2008 IZ 102

[صفاء الصحفي]

وعليكم السلام ورحمة الله وبركاته

الله ييسر امورك ويقدم لك الخير اينما تذهب وكيفما تخطط ونسال الله سبحانه وتعالى ان يعوضك الخير والبركه ويستر عليك واهلك واطفالك

  الك مني كل الحب والاحترام وشكرا اخي العزيز \ sparky  \ يارب يستجيب دعائك لنا ولكم يارب  \ اخوك صفاء الصحفي

[صفاء الصحفي]

اخوية العزيز صفاء .... السلام عليكم ورحمة الله وبركاتة  , الله يكون بعونك ويساعدك ويعوضك رب العالمين وصدكني اخوي الحال من بعضة ومثل متفضلت حتى دخولنة  ومشاركتنة  بالمنتدى صارت كلش قليلة من هلكد ميأسنة من الانتظار بس نرجع ونكول رحمة الله موجودة وانشاء الله  يفرجها عليك وعلينة وتفرحنة بموعد سفرك القريب تقبل تحيات اختك المكرودة جماعة الطابوكة 2008 IZ 102

كل الهلا بيج ومرحبا اختي العزيزة \ شربوتة \ اسئل الله سبحانة وتعالى ان يفرج عنكم بالسفر القريب يارب وممنون الج على المشاركة الجميلة ويارب تفرحينة بموعد سفركم باقرب وقت ياالله ياالله ياالله \ اخوج صفاء الصحفي