ܙܘܥܐ ܕܝܡܘܩܪܛܝܐ ܐܬܘܪܝܐ
ܘܡܠܐܐ ܟܢܫܝܐ
ܝܑ̣ܬܠܗ ܟܢܫܐ ܕܘܪܐ ܝܢ ܓܪܐ ܚܲܝܘ̣ܬܵܢܵܝܵܐ ( حيوي ) ܓܘ ܥܲܡܠܲܝܬܵܐ ܣܢܕܬܐ ܕܛܘܟܣ̈ܐ ܣܝܣܝ̈ܐ ، ܡܪܕܘܬܢܝ̈ܐ ، ܫܘܬܦܝ̈ܐ ܘܫܪܟܐ ܘܐܡܝܢܘܬ ܡܐܙܠܬܝܗܘܢ ܘܕܝܠܢܐܝܬ ܐܢ ܝܑ̣ܬܠܘܢ ܐܢܝ ܛܘܟܣ̈ܐ ܩܝܪܬ ܫܪܪܬܐ ܩܐ ܦܪܩܬܐ ܒܢܝ ܥܡܢ ܡܢ ܛܠܘܡܝܐ ܘܛܠܘܡܐ ܘܡܡܛܝܬܗܘܢ ܥܠ ܐܘܪܚܐ ܕܢܝܚܘܬܐ ، ܘܡܢ ܗܝܡܢܘܬܐ ܟܐܢܬܐ ܒܓܪܐ ܕܟܢܫܐ ܓܘ ܕܐܗܐ ܓܓ̣ܠܐ ܒܢܦܩܐܝ̣ܠܗ ܫܢܬܐ 1979 ( ܙܘܥܐ ) ܡܢ ܓܘܐ ܕܥܡܐ ܝܢ ܟܢܫܐ ܡܢ ܠܒܐ ܕܥܣܩܘܝܬ̈ܐ ܡܢ ܓܘ ܐܪܥܐ ܕܝܠܕܘܬܐ ( ܒܝܬ ܢܗܪܝܢ ) ܗܵܘ ܕܡܥܒܘܪܐܝܠܗ ܒܚܕܐ ܐܢܝܬ ܨܦܝܬܐ ܘܪܘܚܐ ܫܪܪܬܐ ܡܠܝܬܐ ܡܢ ܥܝ̣ܪܘܬܐ ( وعي ) ܘܚܘ̣ܡܣܵܢܵܐ ( إصرار ) ܥܠ ܓ̰ܘܢܓ̰ܪܐ ܘܪܕܘܦܝܐ ܕܥܡܢ ܟܠܕܘܐܬܘܪܝܐܣܘܪܝܝܐ ܒܐܬܪܐ ܕܐܒ̣ܗܬܢ ( ܥܝܪܩ ) ܘܦܝܐܫܐܝ̣ܠܗ ܡܘܬܒ̣ܐ ܙܘܥܐ ܩܐ ܓܢܘܗ ܫܒ̣ܝܠܐ ܓܠܝܐ ܘܓ̰ܘܓ̰ܐܝ̣ܠܗ ܥܠܘܗ ܘܡܦܠܘܚܘܐܝ̣ܠܗ ܠܦܘܬ ܗܢܝܢ̈ܐ ܕܥܡܢ ̣ ̣
ܘܒܚܕܐ ܩܝ̣ܪܬ ܢܒ̣ܝܥܬܐ ܡܢ ܗܝܡܢܘܬܐ ܒܨܒܘܬ̈ܢ ܐܘܡܬܢܝ̈ܐ ܟܐܢ̈ܐ ܗܝ ܕܓܒ̣ܝܠܬܐܝ̣ܠܗ ܒܪܹܫܘ̣ܬ̣ܵܐ ( مبدأ ) ܢܟܪܬܐ ܕܝܬܐ ( نكران الذات ) ܩܛܥܐܝܠܗ ܙܘܥܐ ܫܢܬܐ 1981 ܦܘܣܩܢܐ ܕܕܘܪܪܐ ܡܙܲܝܢܵܐ ܘܫܢܬܐ 1982 ܟܠܝܐܝ̣ܠܗ ܝܢ ܢܚܬܐܝ̣ܠܗ ܥܡ ܣܩܘܒܠܝ̈ܐ ܥܝܪܩܝ̈ܐ ܓܘ ܡܫܛܚܐ ܕܥܡܠܝܬ̈ܐ ܕܪܩܘܒ̣ܠ ܗܘ ܫܘܠܛܢܐ ܕܡܢܐ ، ܝܑ̣ܢܐ ܥܡ ܟܠ ܐܗܐ ܡܢܕܝ̣ ܝܣܘܪܐ ܒܝܢܬ ܙܘܥܐ ܘܟܢܫܐ ( ܩܸܛܢܵܐ ) ܠܐ ܬܝ̣ܠܐ ܠܩܛܥܐ ܘܦܪܣܬܐ ܕܥܝ̣ܪܘܬܐ ܙܘܥܝܬܐ ܘܪܓ̣ܫܐ ܐܘܡܬܢܝܐ ܓܘ ܗܘ ܟܢܫܐ ܘܫܩܠ ܝܗܒ̣ܠܬܐ ܦܫܠܗ ܠܗܟ̣ܐ ( ܒܐܙܠܐ ) ܠܩܕܡܐ ̣ ̣
ܘܡܒܬܪ ܗܘ ܦܘܣܩܢܐ ܚܐܪܐ ܘܠܒ̣ܝ̣ܒ̣ܐ ܦܝܫܐܝ̣ܠܐ ܕܪܝ̈ܐ ܚܕ ܡܢܝܢܐ ܓܘܪܐ ܡܢ ܠܘܝ̈ܐ ܕܙܘܥܐ ( ܛܟܣܐ ܓܘܝܐ ) ܓܘ ܒܝܬ ܐܣܝܪ̈ܐ ܕܫܘܠܛܢܐ ܛܘܗܡܝܐ ܫܢܬܐ 1984 ܘܬܚܘܬ ܚܝܠܐ ܕܡܚܝܬܐ ܘܬܫܢܝ̣ܩܐ ( تعذيب ) ܘܪܕܘܦܝܐ ܘܓ̰ܘܢܓ̰ܪܐ ܥܡ ܟܐܠ ܬܗܪ̈ܐ ܠܐ ܐܢܫܝ̈ܐ ܕܡܣܩܕܬܐ ܘܡܝܥܩܬܐ ܟܠܝܐܝ̣ܢܐ ܐܢܝ ܠܘܝ̈ܐ ܥܫܝ̣ܢ̈ܐ ܐܟ̣ ܗܘ ܛܘܪܐ ܪܡܢܐ ܘܠܐ ܢܟܪܐ ܠܗܝܐܝܘܬܝܗܘܢ ܘܫܒ̣ܝܠܝܗܘܢ ܘܨܒܘܬܝܗܘܢ ، ܘܫܢܬܐ 1985 ܣܠܩܐܝ̣ܢܐ ܬܠܬ̣ ܕܒ̣ܚ ܢܦ̮ܫ̈ܐ ܚܐܪ̈ܐ ܥܠ ܡܕܒܚܐ ܕܚܐܪܘܬܐ ܘܛܥܢܐܝ̣ܢܐ ܟܠܝ̣ܠܐ ܕܣܗܕܘܬ̣ܐ ( ܪܡܙܐ ܕܡܬܘܡܝܘܬܐ ) ܥܡ ܣܗܕ̈ܐ ܚܪܢܝ̈ܐ ܡܢ ܩܕܡ ܡܢܝܗܘܢ ܓܘ ܡܫܛܚܐ ܕܥܡܠܝܬ̈ܐ ܒܓܪܒܝܐ ܕܥܝܪܩ ܐܢܝ ܕܗܒ̣ܠܘܢ ܫܪܥܝܘܬܐ ܬܘܟ̣ܠܢܝܬܐ ܥܠ ܫܪܝܪܘܬܐ ܦܠܚܢܐ ܕܙܘܥܐ ܘܗܪ ܗܕܟ̣ ܫܩܠܐܝ̣ܠܗ ܙܘܥܐ ܗܘ ܕܪܓ̣ܐ ܥܠܝܐ ܕܡܘܕܝܬܐ ܘܢܡܘܣܝܘܬܐ ܡܢ ܟܢܫܐ ܝܢ ܩܛܢܐ ܟܠܕܘܐܬܘܪܝܐܣܘܪܝܝܐ ܐܟ̣ ܚܕ ܛܟܣܐ ܐܘܡܬܢܝܐ ܐܬܪܝܐ ܦܘܠܝܛܩܝܐ ܗܘ ܕܟܝ ܡܥܒܪ ܒܨܹܦܝܘܬܐ ܥܠ ܗܢܝܢ̈ܐ ܕܥܡܐ ܘܡܣܬܪܢ ܥܠ ܨܒܘܬ̈ܢ ܟܐܢ̈ܐ ̣ ̣
ܗܕܟ̣ܐ ܦܝܫܐܝ̣ܠܗ ܟܢܫܐ ܩܕܡܐܝ̣ܬ ܘܐܚܪܐܝ̣ܬ ܗܘ ܚܝܠܐ ܕܥܠܘܗ ܟܝ̣ ܡܬܟ̣ܠܢ ܙܘܥܐ ܠܡܛܝܐ ܥܠ ܩܢܝܬ̈ܐ ( مكاسب ) ܓܘܢܝ̈ܐ ، ܘܠܐ ܗܘܚ ܢܫܝܢܐ ܟܕ ܙܘܥܐ ܟܝ̣ ܡܗܝܡܢ ( ܗܘ ܝܑ̣ܠܗ ܡܢ ܩܛܢܐ ܘܩܐ ܩܛܢܐ ، هو من الجماهير وألى الجماهير ) ܘܗܢܝܢܐ ܕܥܡܐ ܝ̣ܠܗ ܪܹܫ ܟܠ ܡܕܡ ܘܗܢܝܢܐ ܦܪܨܘܦܝܐ ܠܝܬܠܗ ܫܘܦܐ ܓܘ ܪܢܝܐ ܝܢ ܫܒ̣ܝܠܐ ܕܙܘܥܐ ، ܘܩܐܡ ܕܦܠܚܢܐ ܫܪܘܪܐܝ̣ܠܗ ܥܠ ܗܢܘ ܡܕܡ ܘܦܣܩܐܝ̣ܠܗ ( فرض ) ܓܢܘܗ ܡܥܠ ܟܠܐ ܡܲܫܪ̈ܝܵܬܐ ( محطات ) ܘܓܘ ܟܠܝܗ ܡܫܩܠ̈ܐ ܐܟ̣ ܦܠܚܢܐ ܡܪܐ ܕܚܕ ܐܘܪܚܐ ܓܠܝܬܐ ܘܦܫܛܬܐ ܘܢܝ̣ܫܐ ܠܚܝ̣ܡܐ ܟܝ̣ ܚܫܚ ܝܢ ܡܕܒ̣ܩ ܡܢ ܡܨܥܝܬ̈ܐ ܕܥܡܢ ܘܪܢܝܐ ܕܙܘܥܐ ، ܘܠܐ ܡܬ ܢܫܝܢܐ ܟܕ ܗܘ ܡܢܕܝ̣ ܒܘ̣ܫ ܐܢܢܩܝܐ ܫܒ̣ܩܐܝ̣ܠܗ ܕܗܘܐ ܩܐ ܙܘܥܐ ܟܠܐ ܐܗܐ ܡܠܐܐ ܟܢܫܝܐ ( المد الجماهيري ) ܓܘ ܐܬܪܐ ܝܢ ܓܘ ܓܠܘܬܐ ܝ̣ܠܗ ܐܠܝ̣ܨܘܬܐ ܒܪܲܫܘܵܬ̈ܐ ( مبادئ ) ܐܣܝ̈ܐ ܕܦܠܚܢܐ ܐܘܡܬܢܝܐ ܗܘ ܕܝ̣ܐܠܗ ( ܐܬ̣ܪܐ ) ، ܘܟܠܝܬܐ ܥܡ ܟܢܫܐ ( ܩܛܢܐ ) ܓܘ ܥܣܩܘܬܐ ܝܢ ܚܕܘܬܐ ܘܡܣܬܪܢܬܐ ܥܠ ܙܕ̈ܩܐ ܕܥܡܐ ܬܚܘܬ ܟܠܐ ܐܝܟܢܘܝܬ̈ܐ ، ܘܡܢܕܝ̣ ܐܚܪܝܢܐ ܕܫܒ̣ܩܐܝ̣ܠܗ ܠܟܢܫܐ ܣܢܕ ܩܐ ܙܘܥܐ ܓܘ ܡܐܙܠܬܘܗ ܡܣܒܒ ܚܙܝܐܝ̣ܠܗ ܥܠ ܫܘܓ̣ܠܢ̈ܐ ܡܘܪܝܙ̈ܐ ܘܥܬܝܕܘܬܐ ܠܕܒ̣ܚܬܐ ( أستعداد للتضحية ) ܒܟܠ ܥܕܢܐ ܘܐܗܐ ܡܢܕܝ̣ ܬܝܐܝ̣ܠܗ ܥܠ ܝܑ̣ܬܘܬܐ ܡܛܠ ܪܲܝܙܐ ( ܣܕܝ̣ܪܘܬܐ ) ܕܦܝܫܐܝ̣ܠܗ ܡܫܘܡܗܐ ( متصف ) ܒܓܘܐ ܙܘܥܐ ܕܝܡܘܩܪܛܝܐ ܐܬܘܪܝܐ ̣ ̣ ̣
ܒܚܘܬܡܐ ܕܐܗܐ ܡܠܘܐܐ ܡܨܚ ܬܢܚ ܩܐ ܩܪܝܢ̈ܐ ܡܘܚܒ̈ܐ ، ܣܛܘܚܣ̈ܐ ܕܦܠܚܢܐ ܐܘܡܬܢܝܐ ܡܛܠ ܐܬܝ̣ ܠܐܝ̣ܬܘܬܐ ܘܫܩܠܝ̣ ܗܘ ܫܘܦܐ ܡܪܢܝܐ ܒܝܢܬ ܟܢܫܐ ܡܨܚ ܓܕܡܚܠܘܢ ܓܘ ܢܘܩܙ̈ܐ ܕܒܐܬܝܐܝ̣ܢܐ ؛
ــ ܐܝ̣ܬܘܬܐ ܥܠ ܐܪܥܐ ــ ܫܒ̣ܝ̣ܠܐ ܓܠܝܐ ــ ܡܪܘܬܐ ܕܦܘܣܩܢܐ ــ ܡܡܠܐ ܦܘܠܛܩܝܐ ܫܪܝ̣ܪܐ ــ ܣܕܝ̣ܪܘܬܐ ܕܦܠܚܢܐ
ــ ܢܟܪܬܐ ܕܝܬܐ ـ ܥܬܝܕܘܬܐ ܠܕܒ̣ܚܬܐ ܘܥܝ̣ܪܘܬܐ ܐܘܡܬܢܝܬܐ ̣ ̣
ܒܐܘܪܚܐ ܕܗܢܘ ܣܛܘܚܣ̈ܐ ܟܝ̣ ܡܨܐ ܟܠ ܛܟܣܐ ܩܢܐ ܥܠ ܬܘܟ̣ܠܢܐ ܕܥܡܐ ܘܫܩܠ ܫܪܥܝܘܬܐ ܕܟܢܫܐ ، ܘܙܘܥܐ ܕܝܡܘܩܪܛܝܐ ܐܬܘܪܝܐ ܝ̣ܠܗ ܚܕ ܛܘܦ̮ܣܐ ܓܠܝܐ ܒܙܒ̣ܢܐ ܕܩܐܡ ܕܚܒ̣ܝ̣ܫܐܝ̣ܠܗ ܠܗܢܘܢ ܣܛܘܚܣ̈ܐ ܡܣܝܡܢ̈ܐ ܕܗܘܝܐܝ̣ܢܐ ܣܒܒ ܕܫܩܠ ܠܗܘ ܫܘܦܐ ܩܘܢܛܪܘܢܝܐ ܘܓܪܐ ܦܪܝ̣ܫܐ ܓܘ ܡܫܛܚܐ ܕܦܠܚܢܐ ܐܘܡܬܢܝܐ ܒܐܬܪܐ ܘܟܠܐ ܬܝܒ̣ܠ ܕܝܠܢܐܝ̣ܬ ܘܡܫܛܚܐ ܐܬܪܝܐ ( ܥܝܪܩܝܐ ) ܓܘܢܐܝ̣ܬ ، ܡܵܕܹܝܢ ( إذن ) ܡܠܐܐ ܟܢܫܝܐ ( ܩܛܢܝܐ ) ܕܙܘܥܐ ܠܝܠܐ ܐܬ̣ܝܐ ܡܢ ܠܲܝܬܵܝܘ̣ܬܵܐ ( العدم ) ܐܹܠܐ ܡܢ ܪܫܘܵܐܬܹ̈ܐ ܚܘܠܩܝ̈ܐ ( مصيرية ) ܕܦܠܚܢܐ ܫܪܝ̣ܪܐ ܘܐܣܝܐ ܘܟܠܝܬ̈ܐ ܣܡܝ̣ܟ̣ܐ ܥܡ ܟܢܫܢ ܚܩܝ̣ܪܐ ܟܠܕܘܐܬ̣ܪܝܐܣܘܪܝܝܐ ܥܡ ܟܠܐ ܐܢܝ ܡܢܕܝܢ̈ܐ ܕܦܝ̣ܫܐܝ̣ܢܐ ܡܘܕܟ̣ܪ̈ܐ ܓܘܐ ܕܐܗܐ ܡܠܘܐܐ ̣ ̣ ̣
ܐܒ̣ܝܐ ܐܒ̣ܪܗܐ
ܡܠܒܘܪܢ
Ramin12_79@yahoo.com
