هاي شنو حتى بموضوعي البسيط المتواضع صارت عركة ؟؟
يالله سهلة ان شالله واحسبوها علية (هاي وحدة)
اخواني الاعزاء
ياشباب والله لو تحسون بمعاناتي بالنسبة لمسألة السفر لبغداد والفندق فد يومين اقل شي (اجباري فندق لانه اغلب اقاربي واصدقائي سافروا ...والقلة الباقية مااريد اروح يمهم) طبعا اقل شي المفروض ابقى 3 أيام يوم قبل الفحص ويوم الفحص واكيد ماالحك ارجع للشمال بنفس يوم الفحص لذا لازم ابقى يوم ثالث ... هم اجباري (هاي بحالة مايتأجل الفحص لليوم التالي بسبب الازدحام) مع ملاحظة جانب مهم جدا جدا جدا بالقضية وهو انه المدام في بداية الحمل وايضا عندنا طفلة صغيرة مامتجاوزة سنة ((عمرها ويا عمر المقابلة مال siv جانت اسبوع من قابلنا وهسه 9 أشهر )) واكيد اغلبكم يعرف شنو يعني السفر ويا طفل وأمرأة حامل وشنو التعب والاذية هاي كلها زائدا التهديد والخوف والمخاطرة باعتباري عميل سابق .
اني اريد اعرف هل تستوجب الشغلة كل هالتعب والتضحية ؟؟؟؟ لو ابقى انتظر الsiv ومااعير اهتمام للiom الا في حالة رفضي من الاولى.
engineermech....
الجوازات مو مشكلة اعرف هالشي وهمه يتعاملون بالجنسية ايضا
malak.ali ....
نجي لكلام المهم وهو ((وضع بغداد )) صدك الوضع حيل تعبان بعد الانسحاب والروحة مخاطرة كبرى والله يساعد العايشين ابغداد
اخي (يمتة الفرج) ...
السفر الطائرة خوش اقتراح بس الطامة الكبرى هي مطار بغداد والدخول والخروج منه واليه بالله مطار اربيل ماعندي مشكلة بيه بالاضافة الى انه مااعرف اشكد تكاليف الطيران ؟؟؟!!
rayanchase....
صديقي اعرف كلامك صحيح بس اني كلت خلي اخذ اراء جماعتي المقربين الغالين علية (وهم انتو) اشوف شنو رأيكم .
وتحياتي وتقديري ومحبتي لجميع من شارك او سيشارك في موضوع يخصني .
