السلام عليكم
الكثير من العراقيين بعد ما وصل تركيا واشتر خط ترك سيل وراح سجل الرقم مالتة باليو ان وبعد فترة رقمة ينسد ويخابرون عليه اليو ان وما يحصلوه
اكوللكم اعزائي
1.من تصل تركيا لا تشتري خط ترك سيل من المحطات او المحلات او الحدود روح لمركز ترك سيل واشتري خط وسوي عقد بيه
2.من تشتري الخط كول للموظف سويلي باسبورت قيد وهمة يستخدمون نفس الكلمة هاي
والباسبورت قيد هوة يقيدون معلومات جوازك بالرقم التسلسلي مال الجهاز يعني هذا الخط يشتغل بس على هذا الجهاز
وهاي الشغلة بس للاجهزة الاجنبية يعني الاجهزة الي مو تركية يعني اذا اشتريت جهاز من تركيا ما راح تحتاج باسبورت قيد لان السيم كارت راح يشتغل عالجهاز التركي وما ينسد
3.اذا ما سويت باسبورت قيد للجهاز راح الخط ينقفل من تخلص الفيزا مالتك وما بعد يشتغل ولا خط تركي على هذا الجهاز
4.انتبه عزيزي انه الباسبورت قيد يصير فقط خلال الفترة الي الفيزا مالتك نافذة ترى من تخلص صلاحية الفيزا ما يسولك اياها الا بكتاب من الامنيات
5.لكل جواز سفر يتقيد جهاز واحد فقط يعني ما يقيدولك خطين
6.لا تستهينون بهذا الكلام لان هوايا جماعة رحت وياهم لترك سيل هاي مشكلتهم وهوايا خابرتهم اليو ان وما حصلتهم
ان بس ردت اساعدكم لان هذا الكلام بنفسي شفتة واطلعت على معاناتهم
والي عندة سؤال يتفضل
