اخواني واخواتي محتاج مساعدتكم!

[saleem_turkey]

عندي صديق قبل فترة قصيرة وصل الى تركيا وهو وحيد جان عنده والدته الي اتوفت قبل جم سنة وما عنده احد.الولد خطية اتبهذل بالعراق واتهدد وجان باقي شوية وينكتل ولهالسبب ترك البلد وعاف ملكه وبيته وكل شئ بس حتى ينقذ روحه  لان الروح اغلى من المال و فورا اتوجه الى اربيل وظل اهناك مدة وبعدين اخذ فيزا واجى اهنا الى تركيا.طبعا الولد حالته كلش صعبة ومتاذي نفسيا وجسديا واقنعته على التقديم الى اليوان(هاي الطريقة الوحيدة الي يكدر يظل بيها بتركيا) لكن اوراقه ناقصة وبس عنده هوية احوال مدنية وجواز سفر (لا جايب بطاقة سكن ولا شهادة جنسية ولا بطاقة تموينية وياه  ) هل يكدر انو يقدم عاليوان بهذني الثنين؟

[علي النعيمي]

اخوان اهل تركيا ساعدو الولد لو اعرف جان جاوبتك تحياتي الك

[Dark...Angel]

للرفع   ولمساعدة

تحياتي

[steven_siv]

الله يساعدة ويكون بعونة
برايي يمكن التقديم مبدئيا
بس لازم عندة جواز عراقي
لان استمارة التقديم بيها معلومات عن المستمسكات الضائعة مع شرح الاسباب يكدر يكتبها ويعلل الاسباب
ولاتنسى اكو سفارة عراقية يمكن مراجعة لاستحصال المستمسكات الضائعة
لو اي من الخيارات صار
اكيد اكو صديق يعرفة بالعراق خلي يساعدة يطلع المستمسكات الضائعة

[ريم عبد]

اخي خلي يقدم على اليو ان حتى لو عنده بس جواز لان هيه اليو ان تساعده اذا عنده فقدان بالاوراق
واكثر الي يطلعون بطرك روحهم ويقدمون على اليو ان مو شرط واحد لازم اوراقه كامله

[saleem_turkey]

الشكر الجزيل لكل من مر

علي التعيمي:اي والله خطية الولد مدمر والله ينتقم منهم اشكرك اخوية.

ستيفن:اخوية,هو عنده بس جواز وهوية احوال مدنية(جاي بطريقة قانونية وبفيزا) واقوله حتى نروح للسفارة بلكت نتفاهم وياهم(ولو مستحيلة جماعة السفارة ابد مو زينين)وعنده اصدقاء ببغداد بلكت يساعدوه.الف شكر اخوية العزيز.

ريم:تسلمين اختي على عالرد وربي ينور درج ويحقق كل امنايتك.

ووردة مني للكل.