اخوان شنو كان رايكم بالمناقشة اللي شاركنا بيها وي القنصل بالفيس بوك اليوم بخصوص ال SIV

[steven_siv]

السلام عليكم


الاخوة اللي شاركوا اليوم اسئلة للقنصل واستمعوا للاجوبة شنو رايكم اشو من الحجي سمعت مغذي وتبرير للموقف و لو اني الف سوال براسي هسة  وثاني شي اشو هوة طفر كبل ساعة 5 المهم شنو رايكم

[ألن في بلاد العجائب]

للاسف اجوبه دبلوماسيه نعرفها مسبقا و مسووها علمودنا تره سووها لان هذا جزء من عملية التواصل

[*George*]

الف رحمة لوالديك عمي الن

[kunda]

اخوان الدبلوماسية متوقعة جدا واللف والدوران حول الموضوع ايضا متوقع يابا هذولة يمثلون جهة رسمية ومو اي جهة السفارة الامريكية بزرها يعني كل كلمة محسوبة الف حساب عليهم مولعبة ...
لكن اذا تريدون رأئي فاني اكول سالفة وحدة وبعد سبعة ايام راح تبين واتمنى يكون صحيح وهو انه هذا الشهر راح يكون اكبر عدد بأصدار الفيزا من الاشهر القليلة السابقة ..أعتقد من صدك ديشتغلون وديسرعون ولو مو بالسرعة اللي احنا نريدها بس على الاقل اكو حركة ولاتنسون انه كل 15 بالشهر  تطلع الاحصائية مال siv واشكد عدد الفيز التي اصدرت بالشهر....أو شهر ال12 راح يكون اكثر بعد من ال11.
واحنا المفروض نفرح ويا كل فيزا تصدر لانه ملفاتنا تتقرب ...
شباب اكيد كل واحد يتذكر ايام مقابلتة شلون جانت الاعداد هائلة جدا بالمقابلة بيوم مقابلتي جان اكثر من 100 شخص على siv وحوالي 300 على iom .. هسه الامر اختلف هسه كل يوم ماكو من 5 الى 10 نفرات تقابل باليوم (حسب كلام الاصدقاء)

[ABO SARAH]

السلام عليكم

اتفق ويه الاخ kunda بخصوص عدد المقابلين بالنسبة الي قابلت بالشهر الرابع 2011 وبصراحة توقعت اعداد لكن العدد الحقيقي ميتجاوز عدد الاصابع الواحدة بالنسبة لل اس اي في.


تحياتي للجميع

[kunda]

اكو واحد من الشباب الطيبة سألة خوش سؤال ((اشكد العدد الكلي لجماعة الsiv )) بس للأسف ماجاوبوه .
يالله على الاقل تحس انه فعلا ديفكرون بينا وكضوها كلة regret و appreciate و عبارات الثناء والمديح النا ...
الظاهر التأخير مو من يمهم والله اني بيوم مقابلتي شفتهم عبالك يتعاركون ويا الشغل كلة ركض ركض بس همه غير يجيهم اشعار بانه الكليرنس مال الشخص الفلاني خلص وماعندة شي همه يجون ويلزكون الفيزا على جوازة وينتهي الفلم .يعني الشغلة تعتمد ايضا على جهات وقرارات وتدخلات اخرى ...

[ALQUBIAS]

حضرة جنابي سألته عن العدد الكلي للمعاملات التي هيه قيد المراجعة الادارية , حتى كتلة هاي ثاني مرة دا اسأل السؤال بس الظاهر هوة خبط الجواب مال سؤالي مع غير سؤال بحيث كال ( لانستطيع ان نعطي تفاصيل اكثر)

هههه  خوش يلعب أخذ عليه مالص

[kunda]

حضرة جنابي سألته عن العدد الكلي للمعاملات التي هيه قيد المراجعة الادارية , حتى كتلة هاي ثاني مرة دا اسأل السؤال بس الظاهر هوة خبط الجواب مال سؤالي مع غير سؤال بحيث كال ( لانستطيع ان نعطي تفاصيل اكثر)

هههه  خوش يلعب أخذ عليه مالص

اي صحيح كلامك الظاهر همه عدهم قائمة بالامور المسموح الة يصرح بيها وقائمة بالممنوعات وسؤالك هذا اكيد كان من الممنوعات هو يريدك تسأله سؤال عام عن قضيتك انت المفردة فقط ومامجبر يجاوبك بغير ذلك لانه يعتبرة استجواب ودخول في امور واحصائات لاتعني المتقدم .