صديقي العزيز الاجابة الدقيقة تكون بنوعية الكفالة الي راح يكفلونك بيها ... هما لمن يقررون ان يكفلوك المنظمة راح تتصل بيهم وتطلب منهم توقيع اوراق الكفالة اوراق الكفالة تحتوي على خيارات من حقهم ان يقبلوها او ميقبلوها , ولهذا اغلب العراقيين يكلك احنا نكفل كفالة معنوية شنو معنى كفالة معنويه هي المساعدة المعنوية فقط , يعني يساعدوك ان يستقبلوك بالمطار يساعدوك ان يعلموك الطريق والمواصلات وشلون تستخدمها بمعنى اوضح يساعدوك في معرفة البلد الجديد , اي مساعدة مادية قانونا ممجبرين عليها , يعني حتى اذا بتت يمهم كم يوم اول متوصل المنظمة قانونا بقرض عليها ان تدفعلهم اجرة سكنك خلال هذه الكم يوم , طبعا للاسف بعض المنظمات التعبانة تستغل جهل الاجء الجديد بالقوانين وللاسف جهل الكقيل ايضا بما وقع عليه لان للاسف نسبة كبيرة من العراقيين في امريكا عايشين من سنين لكنهم لا يعلمون اي شي عن هذا البلد لعدم اختلاطهم بالمجتمع حتى تلفزيونهم مبرمج على قنوات عربية ..
اذن صديقي اتصل باهلك الي راح يكفلوك وطمنهم وكللهم ان اكو بالقانون كفالة معنوية , وممكن تروج لموضوع اخونا عكعك التطوى الي شارح بيه كل المعلومات عن الكفيل ومنزل بيه الاوراق الي راح يوقعها ايضا , وهما ايضا من يوقعون ياكدون للمنظمة انهم يكفلوك معنويا ومراح يوفرولك سكن وهذا كله مثبت بالاوراق الي راح يوقعون عليها ..
نجي هنا للمهم .. انت ليش تريد تروح يمهم ؟؟ اذا كان جوابك لان الولاية جيدة وانك ترغب في الذهاب الى هذه الولاية فاوكي اني وياك , اما اذا كان جوابك ككثير من المهاجرين ان ملفك يمشي اسرع لان عندك كفيل اني مو وياك بهذا التفكير ابدا ماكو اي فرق بالعكس احيانا الكفيل يتاخر بتوقيع الاوراق , اما اذا كان جوابك انهم راح يساعدوك بايامك الاولى هنا راح اكلك الموضوع هذا يعتمد على اخلاقهم وشخصيتهم ونجاحهم في امريكا , فاذا كانوا ناجحين اكيد طبعا راح يساعدوك اما اذا كانوا كحال كثيرين فاشلين ويحملون امريكا كل ما يحدث لهم من اخطاء فمن الخطأ الذهاب اليهم لانهم راح يكونون عامل سلبي في حياتك الجديدة ..
نصيحتي اذا كنت غير مهتم في ولاية محددة اترك موضوع الكفيل وسافر لدون كفيل .. واذا حبيت ان تحول لاي ولاية بامكانك التحويل باول ايام وصولك لكنك راح تخسر شهر مساعدات وتذكرة الطيارة الي راح تاخذك للولاية الاخرى فاذا الموضوع بسيط ...
اتصور كل الخيارات صارت واضحة كدامك ولازلت انصحك بان تتطلع على موضوع الاخ عكعك عن الكفيل ماله وما عليه ..
تحياتي
أبو قمر
