السلام عليكم اخواني اعضاء منتدى عينكاوا الاعزاء احب ان أسألكم انو عندي صديق امسجل ابقرعة 2012 للهجرة الى الولايات المتحدة او طبعا صديقي هذا عندا خوش حظ او طلع اسما او دزولا استماير لزم يمليها حتا ايحددولا موعد مقابلة حتى ايحصل الفيزا المشكلة انو صديقي هذا ماعندا اي واحد ابأمريكا فأولا عندا مشكلة الكفيل لان اكو فقرة بالاستمارة انو لزم يذكر عنوان شخص يعرفا في امريكا حتى ايدزون الكرين كارد علي والمشكلة الثانية واللي هيا اهم الشغل لان هذا راح يطلع وحدا يعني لا منظمة تتكفل بي ولا اي شي او هوا عندا شهادة هندسة كهربائية بس اعتيادي الشهادة ما معترف بيها اهناك او هوا ماعندا الوقت حتى يدرس ويعادل الشهادة فأخواني اشتنصحون صديقي ان ايسوي اش يختار ياولاية وهل من الممكن ان يجد عمل في فترة قصيرة لان حسب نظام الهجرة هذا انو بحدود اسبوع واحد يستلم الكرين كارد صديقي بأمكانا ان يعمل اي شي بالبداية على الاقل ايطلع عيشتا اهناك واشلون شغلة الايجارات اهناك. او مشكور من عدكم
طبعا هوا ربح عن طريق الموقع الرسمي يعني مو ايميلات او هاي الكلاوات او هوا ما امصدك ابنفسا انو فايز لان هاي ينرادلها حظ 100%
